Kronikë

Teksa ishte i pranishëm mëngjesin e sotëm nga Njësia Administrative Ndroq, kryetari i Bashkisë së Tiranës, Erion Veliaj bëri me dije se 350 banorë të cilët mbetën të pastrehë nga tërmeti i 26 Nëntorit 2019, do të sistemohen në një lagje të re, të urbanizuar, me shtëpi të reja.

Një 24-vjeçare është proceduar penalisht pasi ka shoqëruar vëllanë e mitur në një nga vendet e BE-së dhe më pas e ka lënë aty me qëllim për të përfituar azil.

Nga

Arsen Rusta

Në një operacion të koduar 'Kështjella' janë sekuestruar ditën e sotme 4.2 kg heroinë. E ndarë në 8 pako, droga ishte e fshehur në një furgon që po transportonte lëndë drusore dhe u kap nga uniformat blu të qytetit në aksin rrugor Elbasan-Metalurgji.

Ambasadorja e SHBA në Tiranë, Yuri Kim, ka njoftuar përmes një postimi në tëitter se ka zhvilluar sot një takim Drejtorin e ri të Përgjithshëm të Doganave, Gent Gazhelin, i cili ka më pak se dy muaj që ka marrë detyrën.

8 pjesëtar të familjes Lala humbën jetën nga tërmeti tragjik në Kënetë të Durrësit. I afërmi, Blerim Lala shprehet se 2019 për ta ishte një vit i zi që nuk do e harrojnë dot. Mes lotëve që nuk i mbajti dot, Lala tha se nuk do të kthehen më në Durrës, pasi aty kanë kujtime shumë të këqija.

COVID hyn në ambasadën e Kosovës në Tiranë. Ambasadori Nait Hasani është infektuar me koronavirus.

Report Tv ka zbardhur listën e ilaçeve COVID që do të përfshihen si pjesë e rimbursimi.

Kryebashkiaku i Tiranës Erjon Veliaj në një intervistë për Report Tv tha se në fshatrat e Tiranës janë akomoduar 70% e familjeve të prekura nga tërmeti i 26 nëntorit ndërsa tha se COVID-i vonoi procesin e rindërtimit dhe se duhet 1 vit kohë për strehimin e banorëve të prekur në Tiranë.

Një lule në mes të rrënojave, këto janë foto që vijnë nga zonat e shkatërruara nga tërmeti kur kanë kaluar 1 vit nga ai moment tragjik.

Policia e Elbasanit ka zbardhur ngjarjen e rëndë të ndodhur ditën e djeshme në këtë qytet, ku pas një konflikti të çastit dy drejtues mjetesh patën një përplasje me armë.

Nga

Arsen Rusta

Thumana, qyteti në të cilin tërmeti shkaktoi më shumë viktima dhe u shkatërrua plotësisht ka përkujtuar 1 vjetorin e tragjedisë. Për mikrofonin e Report Tv i mbijetuari i familjes Cara, Alberti tregon se qëndroi për tetë orë nën rrënoja dhe dëgjonte zërat se si kërkonin ndihmë. Ai s’e ka vendosur nëse do të rikthehet të jetojë aty, ku sipas tij krijoi familjen ndjeu lot gëzimi dhe hidhërimi.

Disa gjoba 1 milionëshe dhe 2 procedime penale nuk kanë mjaftuar për 46-vjeçarin Xh. B., i cili ka vijuar që të organizojë dasmë në lokalin e tij, edhe pse në kundërshtim me Aktin Normativ.kruje

Nga

Elton Qyno

Një vit nga tërmeti i 26 nëntorit 2019, ku humbën jetën 51 persona, vetëm njëra nga dosjet penale të nisura nga prokuroria Shqiptare, ka përfunduar në gjykatë. Por duket se pas një viti këto hetime janë zbehur, pasi nuk është ai revansh si në fillim të muajit dhjetor dhe janar, i prokurorëve, për të hetuar e ndaluar personat përgjegjës. E vetmja dosje, që u finalizua dhe dërgua në gjykatë, ishte ajo e prokurorisë së Durrësit me 16 të pandehur, biznesmenë dhe ish-zyrtarë të ALUIZNI, e zyrës së urbanistikës të Bashkisë Durrës.

Dy vëllezër në Fier janë konfliktuar me sende të forta dhe arsyeja ka qenë prona.