Kronikë

Edhe pse u rindërtua në 2018-ën, ura e lumit Drojë në Mamurras rrezikon të shembet. Banorët të shqetësuar flasin për rrezikun që u kanoset ndërsa institucionet nuk kanë reaguar. Një sipërfaqe e madhe toke ka rrëshqitur në shtratin e lumit, ndërsa ura ka nisur të lëkundet.

Koloneli i njohur Myslim Pashaj, që denoncoi marrëveshjen e ndarjes së kufirit detar Shqipëri-Greqi në vitin 2009, e cila më pas u rrëzua nga Gjykata Kushtetuese në një intervistë për Report TV ka thënë se  vendimi i kryeministrit Edi Rama dhe ministrit të Jashtëm grek Nikos Dendias për ta çuar çështjen në Gjykatën  e Hagës ishte i gabuar.

Është hapur biblioteka e katërt dixhitale në Tiranë. Kryebashkiaku Erion Veliaj dhe përfaqësuesi i UNICEF-it përuruan ditën e sotme ambientet e  bibliotekës “Misto Treska”. Veliaj u shpreh se kjo është një histori suksesi dhe një investim për dijen te të rinjtë.

Aksidentet e muajve të fundit të cilat kanë ardhur në rritje kanë për autorë kryesorë moshat e reja. Sipas ekspertit të sigurisë rrugore Artur Sulçe, sjellja e drejtuesit është faktor kryesorë i aksidenteve me pasoja të rënda.

Një aksident me pasojë vdekjen ka ndodhur pasditen e sotme në Lushnje.

Situata me koronavirusin në shkolla. Zëvendës ministrja e Arsimit Nina Guga thotë se mësimi vijon pa probleme dhe se janë marrë masat parandaluese. Ajo thotë se mësuesit e infektuar janë zëvendësuar. Eksperti i arsimit tek PD, Ndriçim Mehmeti tha se qeveria fsheh shifrat për qëllime politike. Ai thotë se 1000 mësuesit që qeveria i ka gati, janë praktikantë.

Ambasada shqiptare në Greqi ka dhënë një njoftim të rëndësishëm për emigrantët  sa i përket aplikimit për dokumentet e identifikimit.

Leja e qarkullimit të automjteve në Shqipëri do të ndryshojë së shpejti. Ministrija e infrastrukturës Belinda Balluku ka firmosur një urdhër që parashikon ndryshimin e lejës së qarkullimit që do të jetë në përputhje me direktivën Europiane.

PD denoncon se në një shkollë në Lezhë mësimi do të kalojë online ndërkohë që mësuesit hanë dhe pinë në ambientet e saj.

Këshilli i Emërimeve në Drejtësi në mbledhjen e zhvilluar sot ka hedhur një tjetër hap drejt emërimet të anëtarëve të rinj në Gjykatën Kushtetuese për ta bërë këtë institucion funksional, që është kusht për konferencën e parë ndërqeveritare.

Pas katër ditësh nga humbja e vajzës reagon babai i Artemisa Vasilis, 19-vjeçares shqiptare që u zhduk në mënyrë misterioze nga lagjja Atiki, në Athinë të Greqisë, më datë 16 tetor.

Zhduket në fillimin e pandemisë 51-vjecari nga Delvina. Vasil Baho rezulton i humbur që prej muajit mars të këtij viti. Ai kërkohet në emisionin ’Pa Gjurmë’ nga i vëllai i tij Sejdi, i cili është personi i fundit me të cilin Vasili kontaktoi.