Kronikë

Rëndohet bilanci i viktimave me koronavirus në Shqipëri duke shkuar në total në 11, teksa gjatë 24 orëve të fundit janë konfirmuar pozitiv me COVID-19 11 raste të reja, në total 223 të infektuar.Mëngjesin e sotëm ka humbur jetën një 79-vjeçar, me inicialet B.H., i cili ishte shtruar në spitalin Infektiv prej 18 ditësh. Referuar burimeve zyrtare, gjendja e tij shëndetësore ka pasur përmirësime, por ndërroi jetë si pasojë e një infarkti kardiak.

Në Fier, në pamundësi për të siguruar lejen, disa qytetarë kanë dalë në rrugë pa autorizim.

Një qytetar në Berat ka zgjedhur që të dalë nga shtëpia, pa autorizim. Kjo jo sepse nuk ka zbatuar rregullin e vendosur së fundmi, por sepse thotë që pavarësisht se ka dërguar mesazh në polici, nuk ka marrë një përgjigje.

Shefi i Emergjencave Civile në Bashkinë e Tiranës, nga terreni ku po shpërndan paketa ushqimore dhe ilaçe ka sqaruar se cili është targeti i njerëzve që po ndihmohen dhe si e përfitojnë ata ndihmën në ushqime dhe ilaçe. 

Ambasada amerikane vijon të përditësojë informacionet për qytetarët e saj të cilët duan të largohen nga Shqipëria në këto kohë koronavirusi.

Tregu i fruta-perimeve në qytetin e Durrësit është mbyllur! Shkak për këtë është bërë mosndërgjegjësimi nga ana e qytetarëve, që grumbulloheshin në tezga krejtësisht të pashqetësuar nga koronavirusit, por edhe nga ana e tregtarëve që tregtonin produkte jashtë normave të vendosura në këtë situatë.

Në Shqipëri ka rritje të numrit të rasteve me COVID -19. Qeveria ka rreptësuar masat kufizuese. Ndërkohë që 30 mjekë dhe infermirë nga Shqipëria po ndihmojnë duke punuar në spitalet e Bergamos.

Teksa shumë shtete të tjerë, mes tyre edhe superfuqi botërore, janë mbyllur brenda vetes në këtë betejë me armikun e padukshëm të quajtur koronavirus, Shqipëria e vogël në përmasa, por edhe ekonomi tregoi se ishte e madhe në shpirt. Në ballkon, me partiturën përpara, qytetari italian ka luajtur himnin shqiptar si një shenjë falenderimi, dhe këto nota të luajtura duken aq të bukura që të mbushin me krenari.

Deri në mesditë i gjithë vendi jonë mbetet me alternime kthjellimesh dhe vranësirash. Por pas mesditës vranësirat shtohen fillimisht në jug dhe gradualisht përfshijnë gjithë vendin duke sjellë reshje të pakta e të izoluara.

Një foto e saj pranë mjekëve të Spitalit Infektiv teksa të tre bëjnë shenjën domethënëse me gisht: Ia dolëm, është shpërndarë nga kryeministri Edi Rama dhe ministrja e Shëndetësisë Ogerta Manastrirliu.

Kryeminstri Edi Rama ka zgjedhur ta mbyllë natën e sotme me një postim të një mjekeje shqiptare në Itali.

Kryeministri Edi Rama ka publikuar videon falenderuese të Ambasadës italiane pas solidarizimit të Shqipërisë për t’i ndihmuar ata me staf mjekësor në këto momente vështirësie.

Korab Gjana është njëri nga 30 mjekët dhe infermierët shqitparë që ndodhen në Itali prej ditës së djeshme për të ndihmuar popullin fqinj në luftën me koronavirusin. Në një bisedë me Skype nga Italia për Report Tv ai u shpreh se janë vendosur në spitalin e Breshias, ku do të qëndrojnë për një muaj për të ndihmuar kolegët e tyre.