Kronikë

Nga

Ronaldo Gjoshi

Zjarri në landfillin e Elbasanit vijon prej pesë ditësh. Edhe pse intensiteti vërehet  të ketë rënë disi, zjarri ka lënë pas ndotje të madhe të ajrit dhe rrezik serioz për shëndetin e komunitetit përreth. Pavarësisht përpjekjeve intensive për shuarjen e flakëve dhe ndërprerjen e djegies në thellësi, vatrat vijojnë të jenë aktive.

Një inxhinier ndërtimi u arrestua nga policia, pasi u zbulua se në vijën bregdetarë të Gjilekës në Dhërmi, po hidheshin mbetje inerte nga ndërtimi i një hoteli në këtë zone, objekt i cili u bllokua.

Blutë i ushtruan 50-vjeçarit një kontroll të befasishëm në banesë dhe i gjetën 1 armë zjarri pistoletë, 1 armë zjarri kallashnikov, 1 armë gjahu çifte pa leje, si edhe 3 krëhëra dhe dhjetëra fishekë luftarak.

Policia goditi një bazë prostitucioni në Qerret të Kavajës. Dy vajza kineze, 41 dhe 41 vjeçe u arrestuan.  Përmes komunikimeve në rrjetet sociale, ato siguronin klientë dhe ofronin shërbime seksuale nga 80-200 euro.

Gjykata Penale e Tiranës caktoi masën e sigurisë “arrest në burg” për Skerdi Sinën, të riun që u arrestua pak ditë më parë nga shërbimet policore në kryeqytet, lidhur me ngjarjen e shënuar më 9 janar të këtij viti në zonën e Astirit, ku Sina së bashku me shokun e tij Joni Sadikaj akuzohen se mbajtën me forcë një vajzë brenda një apartamenti.

Një laborator i sofistikuar për falsifikimin e dokumenteve është zbuluar në Tiranë, ku në pranga kanë rënë babë e bir, Pjerin dhe Ylli Brahimaj. Ata kërkonin nga 15 deri në 20 mijë euro për një pasaportë false me qëllim kalimin e paligjshëm drejt BE apo SHBA. Grupi i Brahiamjt u godit nga SPAK në qershor 2024, por ai vijonte të njëjtin aktivitet edhe pse ishte në masë arrest shtëpie.

Një aksident automobilistik ka ndodhur këtë të shtunë në shëtitoren Lungomare. Një makinë e llojit Renault Clio, e cila drejtohej nga një shtetas i moshuar, ka përplasur një tjetër të moshuar tek vijat e bardha.

Drejtori i Pergjithshëm i Policisë së Shtetit, Ilir Proda, ka deklaruar së fundmi se arrestimi i 2 personave në Has, ditën e djeshme, të cilët u kapën në flagerancë teksa trafikonin armë zjarri drejt vendit tonë nga Kosova, është tregues i bashkëpunimit të ngushtë me policinë e kësaj të fundit.

Sipas parashikimeve të Institutit të Gjeoshkencave, sot priten reshje lokale të dobëta në disa qarqe. Sa i përket zjarreve, pritet nivel rreziku “i lartë” pothuajse në të gjitha qarqet.

Nga

Marsela Topi

8 orë seancë maratonë në Gjykatën e Fierit për të akuzuarit për evazion fiskal e pastrim parash në kompaninë Bankers. Lihen në burg CEO Hongping Xiao dhe ish-drejtori Leonidha Çobo. Konfirmohen masat e sigurisë edhe për 8 të tjerët. Të gjithë pretendojnë se janë të pafajshëm. 

Një situatë e rrezikshme është shmangur mbrëmjen e djeshme në shëtitoren e Sarandës, falë ndërhyrjes së shpejtë të forcave të policisë.

Sipas të dhënave nga Qendra Kombëtare Operacionale e Emergjencave Civile, nga ora 09:00, datë 04.07.2025, deri në orën 20:30, datë 04.07.2025, janë raportuar 14 vatra zjarri. Nga këto janë shuar 10 vatra zjarri dhe janë aktive 4 vatra zjarri.

Ngjarja ditën e djeshme në Delvinë, biznesmeni 65-vjeçar nga Fieri e kishte punësuar që të montonte tendën e diellit, por pas rënies aksidentale 44-vjeçari mori plagë, por pa rrezik jete. Pronari hetohet për mungesë të kushteve të sigurisë në punë

Policia e Vlorës njoftoi se pas kallëzimit në Delvinë, ka nisur menjëherë hetimet për kërkimin, gjetjen dhe zbardhjen e plotë të ngjarjes. Në dëshminë e tij, 52-vjeçari ka deklaruar se kishte humbur kontaktet me bariun tjetër dhe nuk kishte informacione se ku ndodhej

Gazetarja Keti Banushi tha se dëshmitë e Erion Alibejt janë duke zbërthyer shumë ngjarje kriminale. Teksa u ndal tek sekuestrimi i 4 mln euro pasuri në Itali të Suel Çelës, ajo tha se është rezultat i një hetimi të përbashkët mes SPAK dhe prokurorisë italiane të Veronës.

Një 37-vjeçar i shpallur në kërkim dhe dënuar me 4 vjet dhe 8 muaj burg nga drejtësia për mbajtje dhe prodhim të armëve, është kapur teksa kthehej në Shqipëri nëpërmjet aeroportit të Rinasit në Tiranë, për llogari të Policisë së Lezhës

Ngjarja ndodhi rreth orës 14:50, në aksin rrugor Shkodër-Lezhë dhe policia informoi se ka qenë një aksident zinxhir, ku fillimisht në kamion u përplas me një furgon dhe më tej me makinën e viktimës 37-vjeçar, që po udhëtonte me gruan dhe 2 fëmijët. S'ka të dëmtuar në dy mjetet e tjera, Policia Rrugore nis hetimet për shkaqet dhe rrethanat. Pamjet e makinave të bëra copash

Edhe pse “Bankers” deklaroi dje se nuk e ka ndalur punën në Patos-Marinze, serish naftëtarët ndihen të rrezikuar për vendet e punës. Sindikata e Sektorit Hidrokarbur kërkon garanci, si nga institucionet shtetëtore ashtu dhe nga vetë kompania, e cila ndodhet nën hetim për evazion fiskal.

Prokuroria e Fierit ka ngritur akuzat për “Marrëdhënie seksuale ose homoseksuale me të mitur” dhe “Marrëdhënie seksuale ose homoseksuale me persona në gjini ose nën kujdestari” ndaj babait monstër, i cili akuzohet se ka abuzuar seksualisht me vajzën e tij 12-vjeçare prej disa vitesh.