Kronikë

Ervin Salianji vetëm pak momente pasi Gjykata e Apelit konfirmoi dënimin e dhënë nga gjykata e Shkallës së Parë duke e dënuar me 1 vit burg për kallëzim të rremë, është parë me automjetin e tij tip Range Rover përballë ambienteve të DVP Tiranë.

Gjykata e Apelit la në fuqi vendimin e Gjykatës së Shkallës së parë që dënon me 1 vit burg Ervin Salianjin, vendim i formës së prerë i cili i heq mandatin deputetit demokrat.

Në seancë për të mbështetur Salianjin ishin 17 deputetë të PD-së. Në përfundim të seancës kur u komunikua dënimi kreu i grupit të PD-së Gazment Bardhi i revoltuar kërcënoi gjyqtarët  

Për Partinë Demokratike, dënimi i Salianjit është një vendim poltik, ndërsa Bardhi e quajti drejtësinë të fabrikuar. Pas mbledhjes së grupit, Bardhi sulmoi gjyqtarët e Apelit duke i akuzuar se janë përdorur nga kryeministri Edi Rama.

Avokati Arbër Hoxha u shpreh se vendimi i Apelit për Ervin Salianjin mund të ekzekutohet që sot, ndërsa shtoi se kemi të bëjmë me një vendim të formës së prerë, dhe për këtë nuk mblidhet Këshilli i Mandateve në Kuvend.

Plagoset një i ri me thikë në Sukth. Dërgohet me urgjencë në spital për ndihmë mjekësore. Ende nuk dihet se kush është autori i ngjarjes bëjnë me dije nga policia, teksa i plagosur ndodhet në sallën e operacionit.

Gjykata e Apelit dënon me 1 vit burg Ervin Salianjin, duke lënë në fuqi vendimin e Gjykatës së Shkallës së Parë. Deputeti demokrat u shpall fajtor për 'kallëzim të rremë' për përfshirje në inskenimin e audio-përgjimit të vëllait të ish ministrit të Brendshëm Fatmir Xhafaj. Salianji preket dhe nga ligji i Dekriminalizimit që e ndalon të jetë në listën e deputetëve jo vetëm në zgjedhjet parlamentare të 2025, por dhe të ato të 2029. 

Një punonjës policie aksidentoi një fëmijë 11 vjeç, teksa po drejtonte automjetin e tij në aksin Bucaj-Kukës, kur pasqyra kapi fëmijën i cili ndodhet në spital në kujdesin e mjekëve.