Politikë

Pa dhënë emra, apo nëse janë ish-zyrtarë apo politikanë aktivë, Britania e Madhe thotë se ka shpallur non grata disa individë shqiptarë për të cilët ka prova se janë të lidhur me krimin dhe korrupsionin. Vendimi është përshëndetur nga kryediplomatja amerikane në vendin tonë Yuri Kim, që thotë se askush nuk duhet të jetë mbi ligjin.

Ministri i Drejtësisë Ulsi Manja ka bërë me dije se është miratuar harta e re gjyqësore. Shkurtimi i gjykatave fillon nga shkurti i vitit të ardhshëm: Më 1 shkurt Apeli në Tiranë, më 1 Maj gjykatat e shkallës së parë dhe më 1 korrik gjykatat Administrative.

Kryeministri Edi Rama ka mbajtur një deklaratë para kryeministrisë për sulmet kibernetike në platformat e qeverisë. Kreu i qeverisë ka thënë se ky është një agresion kriminal ndaj vendit tonë i organizuar nga 1 shtet. 

Në seancën e sotme plenare u miratua me 125 vota pro projektrezoluta e propozuar nga Partia Socialiste 'Mbi bazueshmërinë e pretendimeve për trafikimin e paligjshëm të organeve në Kosovë e Shqipëri'. Rama tha se prej këtij raporti, u krijua Gjykata speciale e Kosovës, që çoi padrejtësisht në burg komandantët e UÇK. 

Nga

Arbër Hitaj

Drejtoresha e Agjencisë Italiane për Zhvillim dhe Bashkëpunim, Stefania Vizzaccaro, në një intervistë për Studio Live në “Report TV”, ka folur për rritjen e bashkëpunimit mes Italisë dhe Shqipërisë dhe projektet konkrete që janë të angazhuar. 3 janë shtyllat kryesore të investimeve, me fokus kryesor mbrojtjen e natyrës dhe ambientit, forcimin e rolit të gruas, për të vijuar me mbrojtjen e trashëgimisë kulturore dhe forcimin e komuniteteve lokale.

Kreu i PD-së, Sali Berisha ndodhet në Durrës, ku po zhvillon takim më të rinjtë. Në fjalën e tij përmendi ngritjen e flamurit të BE-së nga kryeministri Edi Rama duke e cilësuar si “fatkeqësi të madhe”.

Çelja e negociatave të Shqipërisë me Bashkimin Europian mbeti peng e vetos bullgare për Maqedoninë e Veriut, por tashmë rrugëtimi ynë për anëtarësim të plotë varet nga puna që vendi ynë do të bëjë. Diplomati Lisen Bashkurti i ftuar në Report Tv thotë se kapitujt e Shqipërisë do të shqyrtohet veçmas dhe do të zhvillohet takime të paktën dy herë në muaj për të shqyrtuar përafrimin e legjislacionit me atë të BE-së

Pas përmbylljes së garës për zgjedhjen e krerëve të degëve të Partisë Socialiste, Kryeministri Edi Rama ka mbledhur në takim me të gjithë drejtuesit e rinj, të cilëve i ka dhënë mesazhe të qarta.

“Besoj fort që opozita do të marrë pjesë në çdo akt që kërkon integrimi europian i vendit”, tha deputeti i PD, Arbi Agalliu duke thënë se nuk do të bëjnë asgjë që pengon anëtarësimin e plotë të Shqipërisë në BE.

Kryebashkiaku dhe kryetari i Partisë Socialiste për Tiranën, Erion Veliaj, përshëndeti çeljen e negociatave për anëtarësimin e Shqipërisë në Bashkimin Europian. 

Nga

Arbi Fortuzi

Shqipëria dhe Maqedonia e Veriut janë dy vendet e fundit që i bashkohen trenit të negociatave për anëtarësim në Bashkimin Europian. Të njëjtin rrugëtim më herët e kanë nisur Turqia, Serbia dhe Mali i Zi. Turqia ka që prej 2005-ës që pret, ndërsa Finlanda është vendi që arriti t’i mbylli negociatat brenda 3 viteve. Mali i Zi shpreson që brenda 2025 të jetë anëtare e BE.

Nga

Ledina Jakimi

Me çeljen e negociatave, edhe pritshmëritë e qytetarëve janë më të larta. Sipas tyre, plotësimi i kushteve duhet të nisë me rritjen e pagave.