Politikë

Kreu i Grupit Parlamentar i PD-së, Enkelejd Alibeaj ka mbledhur sot grupin parlamentar, por Komisioni i Rithemelimit nuk e njeh. Anëtari i ‘Rithemelimit’ Luan Baçi tha në Report Tv se mbledhja nuk thirret nga kreu i grupit parlamentar, por caktohet nga kryesia e PD-së.

Enkelejd Alibeaj, në cilësinë kreut të grupit parlamentar ka thirrur mbledhjen e deputetëve, ku fokusi ka qenë pikërisht procesi i zgjedhjes së presidentit të ri. Një pjesë e konsiderueshme e deputetëve të pranishëm, (22 në total), kanë deklaruar se PD duhet të japë kandidaturat e saj për kreun e ri të shtetit. Mungon Lulzim Basha. 

Partia Demokratike do të mbledhë ditën e nesërme në orën 18:00 Këshillin Kombëtar. Kjo do të jetë mbledhja e parë pas Kuvendit të 30 prillit, që zgjodhi edhe anëtarët e rinj të këtij organi të rëndësishëm. Deputeti Edi Paloka tha se qëllimi i mbledhjes nuk është vetëm konstituimi por edhe do të përcaktohet qëndrimi politik i PD për procesin e zgjedhjes së Presidentit të Republikës.

Akt të paligjshëm e ka konsideruar zëdhënësja e Rithemelimit, Floriana Garo, thirrjen e mbledhje së Grupit Parlamentar të PD nga Enkelejd Alibeaj, për të diskutuar mbi negociatat me maxhorancën për zgjedhjen e presidentit të ri.

Të “nxituar” e cilësoi procesin e zgjedhjes së kryetarit të ri të PD, deputeti demokrat Saimir Korreshi, ndërsa shoi se kjo ka qenë arsyeja kryesore që nuk mori pjesë në Kuvendin e 30 prillit.

Enekelejd Alibeaj ka njoftuar sot mbledhjen e Grupit Parlamentar të PD, por Luçiano Boçi e konsideron këtë mbledhje nul, teksa shkruan në Facebook se për çështjen e Presidentit do të vendosë Këshilli Kombëtar.