Politikë

Nga

Adriatik Doci

Të gjitha arsyet dhe mesazhet e Lulzim Bashës për t’i hequr Sali Berishës teseren e Partisë Demokratike , neni 27 i statutit të partisë rrezikon të ndëshkojë Foltoren, masat disiplinore.

Në diskutimet e sotme në mbledhjen Këshillit të Legjislacionit, që po diskuton propozimin e Partisë Socialiste për ndryshime kushtetuese zgjatjen e afateve të vettingut, ishte e radha e seancave dëgjimore me institucionet kyç për këtë proces: Komisionin e Pavarur i Kualifikimit; Komisionerët Publikë si dhe me Misionin Ndërkombëtar të Monitorimit.

Sekretari i Përgjithshëm Gazment Bardhi zbulon se PD zyrtare ka shtrirë dorën e bashkëpunimit ndaj mbështetësve të Berishës, duke u kërkuar në mbledhjen e shkuar të kryesisë të propozojnë çështje për diskutim në Kuvendin e 18 dhjetorit.

Ministri i Jashtëm i Austrisë Michel Linhart gjatë takimin me homologen e tij shqiptare Olta Xhaçka u shpreh se Shqipërisë dhe Maqedonisë së Veriut duhet t’u hapen negociatat. Sipas tij vendi ynë i ka bërë të gjitha detyrat e shtëpisë dhe është gati për hapjen e Konferencës së Parë Ndërqeveritare.

Në vendin tonë 47 % e popullatës ka marrë dozën e parë të vaksinës kundër COVID dhe 38 mijë kanë marrë dozën e tretë të vaksinës.

Kryeministri Edi Rama ka marrë pjesë sot në ceremoninë e dhënies së ‘Medaljes së Artë’ për maturantët ekselentë. Kryeministri Rama vlerësoi mundine  nxënëseve për rezultatet e arritura dhe falënderoi prindërit e tyre për mbështetjen që ato u kanë dhënë. Rama tha se ka pasur rastin që ka shkuar edhe në familje me vështirësi ekonomike, ku nxënësit kanë shkëlqyer me mësime.

'Demokratët janë nogur me ata që vetëm dështojnë dhe humbin', kështu shkruan Fatbardh Kadilli, teksa i kërkon drejtuesve të PD-së që të largohen nga postet që kanë. Me një postim në Facebook, Kadilli shkruan se  demokratët nuk i duan më drejtuesit aktualë dhe se tashmë e njohin paaftësinë e tyre.

Një ekspozitë për Çamërinë qëndron e varur prej disa ditësh në kangjellat e presidencës. Kjo duket se ka “revoltuar” Ambasadën greke, pasi ka reaguar ashpër dhe ka kërkuar heqjen e menjëhershme të saj. Lidhur me këtë ka reaguar Presidenca duke thënë se jep llogari vetëm para Kuvendit dhe popullit.

Sali Berisha nuk është distancuar nga akuzat e sekretarit të Përgjithshëm të PD-së Gazment Bardhi për lidhjen dhe mbështetjen që ka marrë nga Suel Çela në Elbasan për mbledhjen e firmave për Kuvendin Kombëtar përmes shantazhit dhe presionit.

Përplasja Berisha-Basha në PD për analistët do të sjellë pasoja të rënda për partinë. Arbën Skënderi tha se PD ka 8 vite që ka rënë në letargji dhe kjo për shkak se Basha nuk ka respektuar asnjë institucion. Ndërsa për ish anëtarin e Këshillit Kombëtar të PD, Gent Malko tha se Berishës ia kanë hequr me kohë vizën dhe se në PD duhet të kishin lindur forca të reja.

Ervin Salianji e etiketon Evi Kokalarin si 'skizofrene' dhe njeri pa përfaqësim. Sipas Salianjit, bashkëshorti i Kokalarit është i përfshirë në partinë Agimi i Artë, i financuar nga qarqe antishqiptare.

Është zhvilluar me debate mbledhja e komisionit të shëndetësisë teksa shqyrtohej e miratohej buxheti i vitit 2022. Opozita është përplasur me qeverinë mbi shifrat e varfërisë në vend dhe mungesës së përcaktimit të minimumit jetik. Ndërsa Avokatja e Popullit tha në Komision se ndihma ekonomike nuk garanton as konsumin bazik.