Politikë

Nga

Adriatik Doci

Sali Berisha kishte deklaruar se 44 mijë demokratët që kishin shkarkuar sipas tij Lulzim Bashën në referendumin e 18 dhjetorit 2021, do të rrethonin sot selinë e PD-së për të zbatuar vendimin e marrë prej tyre. Në fakt, sot u mblodhën para selisë së PD-së më pak se sa 1 mijë persona, duke thelluar më të tej dyshimet për vërtetësinë e referendumit të 18 dhjetorit, një proces gjithsesi pa asnjë bazë statutore.

Kryeministri Edi Rama ka reaguar sërish për protestën e dhunshme dhe përplasjet që po ndodhin mes Lulzim Bashës dhe  Sali Berishës se kush do të marrë PD. Duke i konsideruar si dy kufoma politikë, Rama ka një thirrje për të gjithë demokratët që t’i bashkohen për të bërë një Shqipëri më të mirë.

Roland Bejko tha se kjo protestë ishte fytyra e vërtetë e Sali Berishës. Ai u shpreh se Berisha përgjaku PD dhe se nga selia blu mund të dilnin arkivole, madje nuk përjashtonte që në rrethimin që i bënë protestuesit mund ta gjuanin me thikë.  

Sali Berisha duket se ka vendosur të ‘mbylle sytë” dhe të mos shoh dhunën që u zhvillua gjatë protestës së sotme në selinë e PD. Ai tha se protesta ishte paqësore dhe nderoi personat që çan dyert e blinduara të PD. 

Lulzim Basha u shpreh se në grupimet e Berishës ka pasur kriminelë të cilët ishin të vendosur për të ushtruar dhunë dhe për të sulmuar me çdo mjet PD-në ndërsa surprizuese ishte kur Lulzim Basha theksoi se Policia e Shtetit ka ndërhyrë 1 orë e 30 minuta me vonesë për një arsye të thjeshtë, ‘vëllazëria Rama-Berisha’. Kreu i PD shtoi se sot ishte dita e fundit politike për Sali Berishën.

Protesta e dhunshme në selinë e PD e thirrur nga Sali Berisha është pasqyruar edhe në mediat ndërkombëtare. Reuters shkruan se policia hodhi gaz lotsjellës dhe përdori autobotët me ujë, ndërsa protestuesit gjuanin me gurët selinë e Partisë Demokratike.

Bujar Nishani dhe Majlinda Bregu, kundërshtarë të Lulzim Bashës, kanë reaguar për protestën e dhunshme që u thirr nga Sali Berisha. Ndërsa Nishani shprehet se beteja do vazhdojë, Bregu thekson se shkatërrimi i PD ka nisur vite më parë.

Nga

Adriatik Doci

Sali Berisha i alarmuar për humbjen e votës së Marsida Xhaferllarit në Kushtetuese teksa kishte rrethuar selinë e PD-së me grupin e sulmit. Ja pse me Gjykatën Kushtetuese janë të lidhura interesa jetike të Berishës që përfshijnë edhe Fatmir Mediun për Gërdecin.

Ministri i Brendshëm, Bledi Çuçi tha se ndërhyrja e policisë nw prostestwn e dhunshme ishte profesionale. Sipas tij  aktet e dhunës dhe tentativat për të cenuar rendin publik nuk do të tolerohen.