Politikë

Drejtuesi Politik i qarkut Vlorë, Bujar Leskaj ishte në qendrën Multifunksionale e të moshuarve dhe e pensionistëve, duke akuzuar se janë lënë të braktisur nga pushteti vendor e ai qendror.

Teksa na ndajnë edhe pak ditë nga zgjedhjet parlamentare më 25 prill, Ipeshkvijtë e Kishës katolike tё Shqipërisë kërkojnë garantimin e votimeve të ndershme dhe transparente si dhe të respektohet vota e çdo qytetari.

Kandidati i Partisë Socialiste Shkodër, Benet Beci, ka prezantuar me anë të një videoje punën e arkitektit spanjoll Jesus Hernandez në projekte të ndryshme të Shkodrës.

Drejtuesi Politik i PD për Elbasanin, Gazment Bardhi tha se dalja nga kriza që ka mbërthyer vendin mund të ndodh vetëm përmes pjesëmarrjes masive në votime. Gjatë takimit me banorët e Gjergjovinës në Gramsh, Bardhi tha se e vetmja mënyrë për të ardhur tek ndryshimi, është të votohet dhe t’i jepet besim Partisë Demokratike.

Këtë fundjavë mbërrijnë në Shqipëri 90.800 vaksina AstraZeneca. Me ardhjen e dozave të reja të vaksinës, Shqipëria do të vijojë procesin e vaksinimi masiv të nisur prej javësh dhe do të vijojnë të ruaj renditjen e saj ndër vendet e para në Europë për shpejtësinë e vaksinimit të popullatës së saj.

Petrika Tollkuçi, drejtori i FSDKSH në Korçë, Ilir Bajlozi, drejtor i Drejtorisë Rajonale të Sigurimeve Shoqërore në Korçë i janë përgjigjur padisë së kandidatit për deputet të LSI-së, Endrit Braimllari me një tjetër padi.

Drejtuesi politik i Partisë Socialiste për Qarkun e Elbasanit, Taulant Balla zhvilloi një takim me banorët e Krastës në Elbasan. Për Ballën, dy gjëra mbeten themel i punës së PS në këtë zonë dhe konkretisht ai i procesit të legalizimit dhe urbanizimit.

“Një për të gjithë, të gjithë për një”, ishte ky mesazhi i kryetarit të Bashkisë së Tiranës, Erion Veliaj, njëkohësisht drejtuesi politik i PS-së për Tiranën, në takimin me banorët e Njësisë 2 në kryeqytet.

Ambasadori i Italisë, Fabrizio Bucci tha se fushata elektorale është mjaft energjike dhe me përplasje idesh, por theksoi fort se përplasjet fizike nuk do të jenë të pranueshme dhe do të dënohen. Bucci tha se zgjedhjet janë festë e demokracisë ku qytetarët zgjedhin qeverinë e ardhme, por kurrsesi nuk do të pranohet që të ketë degradim në përplasje fizike.

Kryetarja e Lëvizjes për Ndryshim, Jozefina Topalli, ishte sot e pranishme në Fier, ku prezanto kandidatët për deputet të kësaj force politike në këtë qark.

Refuzimi i ftesës së bërë në Report Tv të kryedemokratit, Lulzim Basha, për kryeministrin Edi Rama është një tregues i qartë që ai nuk ndahet dot nga Ilir Meta dhe Sali Berisha, që i ka quajtur një grup interesaxhinjsh. Nga Kamza, Rama tha se ai është një lider i vërtetë me karakter, i cili në ndryshim nga Basha, është i gatshëm që për Shqipërinë të hedh pas krahëve edhe politikën e 30 viteve, ku PD-PS kanë qenë historikisht në dy pole krejtësisht të kundërta.

Kryetari i Partisë Demokratike, Lulzim Basha, ka vizituar dy familje në Bathore të Kamzës, ku ka prezantuar programin e PD-së, ku tha se në 25 prill nuk do lihen në dorë të Zotit, por do kenë një qeveri që kujdeset për ta. 

Një mandat për të çuar përpara reformat e nisura! Kështu e konsideron një mandat të tretë për Partinë Socialiste, kandidatja e kësaj force politike për Elbasanin, Albana Hana, e cila kërkon që ta vërë kapitalin e saj njerëzor dhe profesional në shërbim të banorëve të Rrajcës së Prrenjasit, zonë me të cilën e lidh fort origjina e babait të saj. 

Nga

Ronaldo Gjoshi

Objektivat e Partisë Demokratike në qarkun e Elbasanit janë që të fitojnë 7 mandate. Kështu u shpreh kandidatja për deputete në listat e PD-së për Elbasanin, Zheni Gjergji gjatë një interviste për Report Tv.

Agron Gjekmarkaj është fotografuar gjatë fushatës së tij, nën shoqërinë e ish-zyrtarit të lartë të policisë, Zaim Keci, i cili është arrestuar 2004 duke trafikuar 1 kg heroinë. Keci ka qenë zyrtar i lartë policie në Delvinë dhe Berat, përpara se të arrestohej me drogë. Edhe pse ishte arrestuar më herët ai ka mbajtur më pas postin e Përgjegjësit të Emergjencave Civile në Lezhë kur kjo bashki drejtohej nga PD.

Kafen e mëngjesit, drejtuesi politik i Partisë Socialiste për Qarkun e Vlorës Damian Gjiknuri e konsumoi me banorët e Rajonit 5, në zonën e njohur si ish-shtëpia e oficerëve.  Gjiknuri u ndal  tek alternativat e tjera politike që po u serviren vlonjatëve përmes premtimeve të shumta, të cilat mbeten vetëm premtime elektorale që asnjë vlonjat nuk i beson.