Politikë

Pas Bahri Shaqirit, një tjetër këshilltar i presidentit Ilir Meta, Shemsi Premçi jep dorëheqjen. Burime konfirmojnë për Report Tv se Premçi ka dhënë dorëheqjen nga  Këshilltar për Çështjet e Emergjencave Civile në presidencë, për të kandiduar për deputet në zgjedhjet parlamentare të 25 prillit nën siglën e LSI në zonën e Durrës

Kryetari i Partisë Demokratike, Lulzim Basha, ishte i ftuar në forumin për integrimin organizuar nga Instituti i Studimeve Ndërkombëtare. Gjatë bashkëbisedimit me përfaqësues të shoqërisë civile, tha se ndryshimi i Kushtetutës është një nga hapat e parë që do të marrë partia Demokratike nëse do të votëbesohet nga qytetarët më 25 prill

Kryetarja e LSI-së Monika Kryemadhi përmes një postimi në rrjetin e saj social Facebook, i ka dedikuar fjalë zemre vajzës së saj Era, e cila sot ka ditëlindjen.

Zv. kryeministri Erion Braçe ka reaguar për faktet e reja që janë publikuar në investigimin e Report Tv, ku tregohet se si ish-kryeministri Sali Berisha privatizoi qendrën më të madhe sportive në zemër të kryeqytetit, Kompleksin "Partizani '' për familjen e tij. 

Kryeministri Edi Rama ndodhet në fshatin Rrashbull në Durrës ku ka inspektuar disa shtëpi të rindërtuara pas tërmetit tragjik të 26 nëntorit. I shoqëruar nga ministri i Rindërtimit Arben Ahmetaj, Rama ka thënë se procesi i rindërtimit vijon dhe numri i familjeve në çadra po zbret.

Ish-deputeti i LSI-së, Endri Braimllari i është përgjigjur deklaratave të kryeministrit Rama i cili tha se do ta çonte këtë forcë politike për skrap. I ftuar në emisionin “5 pyetjet” nga gazetari Ilir Babaramo, Braimllari tha se sa herë që vijnë zgjedhjet, kryeministri dështon për të fituar këtë bast.

Shefi i kabinetit të PD-së, Dorian Teliti ka kritikuar mënyrën se si qeveria po menaxhon situatën e krijuar nga dëbora gjatë dy ditëve të fundit në vendin tonë. Teksa ishte i ftuar në emisionin “5 pyetjet” nga gazetari Ilir Babaramo, Teliti tha se Edi Rama ka dështuar të menaxhojë dhe një ngjarje që ishte paralajmëruar 10 ditë më parë nga institucionet shqiptare.

Duke marrë shkas nga kërkesa e Maqedonisë së Veriut dhe Serbisë për të marrë vaksinat kineze, Rama tha se është e rëndë për BE-në që vendet në zemër të Europës të kthejnë sytë nga Kina. Pas kritikave që Rama i bëri BE-së, Partia Demokratike ka reaguar menjëherë duke akuzuar kryeministrin si shkaktarin kryesor për dështimin e Shqipërisë.

Nga

Redaksia investigative

Investigimi nga ReportTV/ Parrulla që Partia Demokratike përdori gjatë fushatës zgjedhore 2005 ishte "Koha për ndryshim". Por, sapo ata fituan zgjedhjet dhe u kthyen në pushtet, tetë vjet pas skandalit të përgjakshëm të piramidave financiare, qeveria e Sali Berishës nuk vuri ndër përparësitë e saj ndryshimet për vendin, që kishte premtuar, por privatizimin e Kompleksit gjigand Sportiv "Partizani '' i destinuar për familjen e tij.