Politikë

Drejtuesi politik i Partisë Demokratike në Qarkun Vlorë, Bujar Leskaj, ka zhvilluar  një takim sot me persona me aftësi ndryshe. 

Komisioni i Ankimimit dhe Sanksioneve është mbledhur sot dhe po diskutohen çështjen e fletës së votimit. PS dhe PD kanë ankimuar modelin e propozuar. 

Drejtuesi politik i qarkut Shkodër, Heldion Bushati dhe kandidati i PD për deputet, Bardh Spahia, vijojnë takimet elektorale në kryeqendrën e veriut.

Celibashi apeloi që të ketë sa më shpejt një vendim nga KAS për fletën e votimit, dhe në rast se palët sërish nuk janë dakord, Kolegji Zgjedhor ta shqyrtojë këtë çështje në kohën më të mirë të mundshme.

Në një takim në njësinë 1 në Tiranë, kreu i Bashkisë së Tiranës, Erion Veliaj, ka prezantuar dy prej kandidatëve për deputetë që janë pjesë e listës së Partisë Socialiste, Alqi Bllako dhe Alfred Muharremi

Drejtuesi politik i Partisë Socialiste për Elbasanin, Taulant Balla zhvilloi një takim me banorët e Librazhdit. Në hyrje të fjalës së tij Balla u kërkoi të pranishmëve të ruajnë distancën dhe të respektojnë masat e vendosura për të shmangur përhapjen e Covid-19.

E frymëzuar ishte kryetarja e LSI-së sot në Vlorë, ku prezantoi kandidatë për deputetë të kësaj force në këtë qark. Ajo e nisi fjalën e saj me poezinë e Ali Asllanit "Vlora, Vlora!", të cilën e deformoi ku vargjet "Vlora, Vlora, Vlora, Vlora, rroki armët, bëja forra!", i ktheu në " Vlora Vlora Vlora Vlora, rroke votën bëje fora".

Pranvera Resulaj, e para e listës së PS në Vlorë rrëfen përgjegjësinë që i jep ky kandidim për të përfaqësuar vajzat dhe gratë e Vlorës e për të punuar që e ardhmja e tyre të jetë e sigurt në vendin e tyre.

PS ka një program të veçantë për rininë, sidomos për punësimin e saj. Ky ishte mesazhi që i dha të rinjve në Delvinë, drejtuesi politik i Partisë Socialiste në Qarkun e Vlorës Damian Gjiknuri gjatë një takimi ku ishte i shoqëruar nga kandidatja për deputete Anila Denaj dhe Kryetarja e Bashkisë së Delvinës Majlinda Qilimi. 

I pari në listën e kandidatëve për deputetë të PD në Korçë, Edmond Spaho vijon me takimet elektorale, ndërsa sot u ndal në fshatin Pojan, ku zhvilloi një takim me fermerët.

I renditur i 7-i në listën e koalicionit “PD-Aleanca për Ndryshim”, Fatmir Mediu vijon takimet elektorale. Kreu i PR ka qenë së fundmi me banorët e njësive 2 dhe 4 në Tiranë. 

Kryetarja e LSI-së Monika Kryemadhi ka publikuar mëngjesin e sotëm një video të takimeve që zhvilloi dje me gra dhe vajza mbështetëse të LSI-së në Fier.

Pas lajmit të djeshëm që sipas Shqipëria humbi gjyqin me sipërmarrësin italian Francesco Becchetti, lidhur me dëmshpërblimin e kërkuar nga ai për mbylljen e televizionit në vitin 2015, kreu i PD-së Lulzim Basha ka zgjedhur që të komentojë përmes një 'sondazhi' që ka zhvilluar në rrjete sociale. 

Lulzim Basha ditën e djeshme është paraqitur për të rinovuar patentën e skaduar prej vitesh. Lajmi është dhënë nga Zv.kryeministri Erion Braçe i cili me anë të një postimi në rrjetet sociale ka shkruar se me këtë veprim Basha e tregoi që është një mashtrues, pasi e provoi se ka qenë pa patentë në drejtimin e makinës.

Më 26 prill në mëngjes Partia Socialiste do të jetë forcë e parë politike në Shqipëri, dhe kryeministër do të jetë Edi Rama. Kështu deklaroi gjatë një intervistë në emisionin ‘Pa Protokoll’ në Report Tv, drejtuesi i qarkut politik në Tiranë, Ervin Bushati. Bushati tha se PS ka një ekip për të fituar zgjedhjet dhe se në Tiranë synojnë 20 mandate

Ilir Meta e Sali Berisha, bashkë me mediet e tyre, kanë kaluar në ekstazë, pas lajmit të publikuar nga VOA, se Shqipëria e ka humbur gjyqin me Françesko Beketin e duhet t’i paguajë atij 110 mln euro. Ilir Meta shkruan se Edi Rama duhet të hetohet nga Prokuroria.