Politikë

Lulzim Basha ka vendosur Mark Markun si drejtues politik të Partisë Demokratike në Qarkun e Lezhës. Pesë muaj më parë, në studion e Report Tv, Marku deklaroi se përcaktimi në këtë komision nuk nënkuptonte një rikthim në parti.

Kreu i PD-së, Lulzim Basha ka kujtuar këtë të hënë ditëlindjen e ish-politikanit Pjetër Arbnori. Përmes një postimi në Facebook, Basha shkruan se Arbnori i përkiste kategorisë së politikanëve të rrallë që nuk bënë kurrë kompromis me të keqen dhe që nuk u ndal përpara presioneve apo privilegjeve.

Parlamenti miratoi me 94 vota tre aktet normative për sigurimin e vaksinës anti covid. Kryeministri Edi Rama tha se procesi i vaksinimit synohet të mbyllet brenda 14 muajve dhe zbuloi se sapo është firmosur marrëveshja me Pfizer për 500 mijë dozat e para.

Gjatë një deklarate në kuadër të 30 vjetorit të themelimit të Shoqatës ‘Çamëria’, kreu i PDIU-së, Shpëtim Idrizi deklaroi se personat që ulen me harta dhe laps në dorë duke marrë përsipër fatin e vendit janë tradhtarë të Shqipërisë. Idrizi u shpreh Çamëria është e shkruar në ADN-në tonë dhe se Shqipëria pa të është e mangët. Gjithashtu ai shtoi se Çamëria është çështje identitetit kombëtar.

Ditën e nesërme (18 janar) Kuvendi i Shqipërisë do të fillojë sesionin e ri parlamentar për vitin 2021. Seanca e parë për këtë vit do të fillojë në orën 17:00. Shqiptarja.com ka mësuar se qeveria ka dërguar në Kuvend aktin normativ me tekstin e marrëveshjes sekrete me kompaninë Pfizer Export BV për blerjen e një sasie të vaksinës kundër COVID-19.

"Mos godisni me gurë partinë që ju bëri milionerë". Kjo është thirrja që i bën të gjithë të larguarve nga LSI ditët dhe javët e fundit, ish-kandidatja për deputete e LSI në Elbasan ku kandidonte krah Monika Kryemadhi, si dhe drejtuese e LRI atje, Anisa Bahiti.

Kreu i qeverisë, ka vënë përballë deklaratave të Bashës në emisionin "Opinion" për oligarkët qëndrimet e Jozefina Topallit, e cila shprehet se Basha është i njehsuar me ta, jeton në vilat e tyre.

Nga Kavaja, ku zhvilloi një takim me strukturat e PS-së, drejtuesi politik i socialistëve për qarkun e Tiranës, Erion Veliaj, tha se Lulzim Basha ta harrojë lejen për vilën e 5-të, pa falur më parë një vilë për familjet që u prekën nga tërmeti.

Partia Demokratike ka denoncuar këtë të dielë një rast abuzimi sipas saj me taksat e qytetarëve nga Bashkia e Vaut të Dejës. Sipas degës së PD-së atje po vidhen 400 milionë lekë me tendera dhe projekte për rindërtimin e një shkolle, e cila është ndërtuar 5 vjet më parë me fonde amerikane.

Në 553 vjetorin e vdekjes së Heroit Kombëtar Gjergj Kastriot Skënderbeu, disa qytetarë në Korçë kanë zhgarravitur bustin e këtij të fundit. Analisti Kreshnik Spahiu ka shpërndarë në profilin e tij në Facebook një foto nga busti teksa shkruan se disa barbarë e kanë sulmuar.

Ka një ngurrim të shtuar të Lulzim Bashës dhe Monika Kryemadhit për të vendosur “kokat” e listave të kandidatëve për secilin qark, për zgjedhjet e 25 prillit. Kur kanë mbetur vetëm tre muaj nga data e përballjes elektorale me kryeministrin Edi Rama, PD dhe LSI jo vetëm që nuk po gjejnë gjuhën e përbashkët për të dalë me një koalicion të përbashkët me një listë unike në zgjedhje, por kanë probleme dhe brenda vetes.

Kryeministri Edi Rama ka marrë pjesë në ceremoninë e fejesës së një çifti në Mamurras. Bëhet fjalë për një djalë turk, me profesion inxhinier, i cili u fejua me një vajzë nga Mamurrasi, ndërsa i ftuari special ishte kryeministri Edi Rama.

Jozefina Topalli i ka kthyer sot përgjigje Edi Ramës në lidhje me videon që ai publikoi dje duke vënë përballë deklaratave të Bashës ato të Topallit që e akuzon kreun e PD se ka hyrë në politikë me një agjendë të pastër ekonomike personale. Topalli shkruan se Basha është armiku më i madh i demokratëve  për shkak të asaj që bën, por edhe mediokritetit të atyre që arrin të artikulojë publikisht, këtë nuk ka mbetur meme pa e zbërthyer. 

Në verë banorët e Kavajës do të furnizohen pa ndërprerje me ujë të pijshëm. Pas 60 vitesh mungesë investimesh në ujësjellës, ka nisur puna për ndërtimin e ujësjellësit të ri, i cili përveç qytetit do të furnizojë me ujë edhe zonën turistike, duke i dhënë një impuls të ri ekonomisë.

Teksa i kthen përgjigje shqetësimit të një komentuesi në rrjetet sociale Rama shkruan se nuk ka sulmuar asnjë aleat dhe aq më pak Francën në rastin konkret. Kryeministri thotë se ka folur për një çështje konkrete në një situatë konkrete dhe se nuk i heq asnjë presje atyre që ka thënë. 

Kryetari i Partisë Demokratike Lulzim Basha me anë të një postimi në rrjete sociale ka akuzuar kryeministrin Edi Rama, për rritjen e çmimit të energjisë elektrike.