Sociale

Në Shkodër është rikthyer udhëtimi me tren pas shumë vitesh. Për shkak të rritjes së çmimit të naftës, sektori i hekurudhës ka vënë në funksionin linjën Shkodër-Laç, në mënyrë që besimtarët të ndjekin ritualin e të martave në kishën e Shna Ndout me kosto të ulët udhëtimi

Nga

Gladiola Hoxha

Amanda Tanellari, një grua nga Pogradeci, ka lënë pas bashkëshortin e saj ukrainas, për të luftuar në mbrojtje të atdheut. Ajo arriti të kalojë kufirin me vajzën e saj vetëm 2 vjeç, dhe aktualisht po jeton me prindërit në vendlindje. Report Tv mori një rrëfim të sajin teksa këtë të shtunë protestonte në Pogradec për luftën që sipas saj po shkakton dhe rritjen e çmimeve

Report Tv ka sjellë pamje me dron, teksa qytetarët prej dy orësh po qëndrojnë para kryeministrisë, duke kundërshtuar rritjen e çmimeve të produkteve të shportës dhe çmimit të naftës.

Qytetarët e mbledhur në protestën para kryeministrisë kanë kundërshtuar fjalimin e njërit prej protestuesve, i cili përmendi opozitën dhe tha se ajo do t'i dalë zot këtij populli. Pas deklaratës së tij, protestuesit filluan të thërrasin 'poshtë politika' dhe se nuk kishin dalë në shesh për asnjë kryetar, por për veten e tyre.

Pas më shumë se 3 orësh, është mbyllur para Drejtorisë së Policisë së Tiranës protesta paqësore e qytetarëve kundër rritjes së çmimit të naftës dhe të produkteve të shportës, duke theksuar se do të mblidhen sërish ditën e nesërme.