TIRANË - Altin Hajri ishte emri i parë i botës së krimit që u vu në "lupën" e Operacionit Forca e Ligjit. Në ditën e parë në terren, me urdhër të drejtpërdrejt të Drejtorit të Përgjithshëm të Policisë së Shtetit, Ardi Veliu, u vu nën sekuestro emergjente pasuria e Altin Hajrit, mes të cilave, kompleksi “Golden” në Shijak, brenda të cilit dyshohet të ketë ndodhur ngjarja më e rëndë kriminale që policia e prokuroria kanë në duar: Pengmarrja dhe vrasje e Jan Prengës më 17 janar në Kamëz. Kështu, nisi të zbatohet për herë të parë akti normativ i qeverisë i ‘pagëzuar’ Anti-KÇK, që në thelb ka goditjen e pasurive të dyshimta të vëna nga burime të paligjshme, jo vetëm të personave të dënuar për krime të rënda, por edhe ata në hetim. Teksa janë shënuar tashmë 4 ditë pune, OFL ka vënë në sitë në total 14 persona, ku 7 prej tyre u janë sekuestruar pasuritë vlera e të cilëve përllogaritet në disa milionë euro, ndërsa 7 të tjerëve u është dërguar kërkesa me shkrim për të bërë auto-deklarim të pasurive të tyre dhe burimin.
Lulzim Berisha, ish-kreu i bandës së Durrësit ishte i pari që dorëzoi pranë OFL-së deklaratën e shkruar prej tij ku pretendonte se nuk kishte pasuri të paluajtshme për shkak se ia ka sekuestruar shteti në vitin 2017. Bashkë me të, listës iu shtuan edhe Ardian Çapja, Dashamir Gjokës, biznesmeni i cili i kishte shpëtuar edhe ligjit anti-mafia duke ia dalë të rimarrë në Apel pasuritë e konfiskuara nga Gjykata për Krime të Rënda në atë kohë. Një i dënuar në Gjermani për trafik droge, Emiljano Hysenaj dhe i afërmi i tij, Edlir Hysenaj do të duhet të vërtetojnë që pasuritë në emër të tyre apo familjarëve nuk janë të vëna nga aktivitete kriminale. Këtë të enjte, Operacioni Forca e Ligjit iu vu pas, Plaurent Dervishajt, i cili ka fituar pafajësi në Gjykatën e lartë mbi burgimin e përjetshëm për vrasje, e po ashtu edhe Suel Çelës, që nga arratia ka mundur të fitojë pafajësi për përplasjen me policinë në shtator 2017, para tregut Agro-ushqimor në Elbasan. Ata kanë 48 orë kohë për të plotësuar dhe dorëzuar pranë OFL-së deklaratën për pasuritë, e më tej SPAK ka 15 ditë kohë për të shqyrtuar kërkesën, e po kaq ditë ka edhe Gjykata kundër Krimit të Organizuar dhe Korrupsionit për të marrë vendim nëse pasuritë e tyre duhen sekuestruar, apo nëse burimet e tyre të të ardhurave janë të justifikuara.
Por cilët janë personat me rekorde kriminale që me kërkesë të OFL-së, drejtori i Policisë së Shtetit nxori urdhrin e sekuestros pa pritur të flasë gjykata?
Veç Altin Hajrit që iu sekuestruan kompleksi “Golden” , 3 shtëpi dhe një karburant, OFL zbatoi të njëjtën masë edhe ndaj Ardian dhe Artan Doçit, Aldo Manishtës, Gentian Finiqit, Martin Bletës dhe një personi me inicialet M.D. Të gjithë dyshohen të jenë pjesë e grupit që organizuan pengmarrjen dhe vrasjen e Jan Prengës më 17 janar 2020, pas konflikteve të vëllait të tij në Angli dhe prishjes së pazareve të drogës me bandat e trafikut që veprojnë në Shqipëri.
Pasuritë e sekuestruara të këtyre personave janë banesa private, vila superluksoze me pishina, sipërfaqe toke dhe automjete. Në këto raste, prokuroria ka 15 ditë kohë për shqyrtimin e vendimit të policisë dhe ia dërgon gjykatës e cila ka gjithashtu 15 ditë kohë për të miratuar ose jo masën e sekuestros.
OFL ka në dorë listën e parë me 150 subjekte, nga 250 në total që pritet të skanohen nga njësia speciale.
Lajme të tjera
-
Vrasja e Alfred Dedjas, SPAK përgënjeshtron Berishën për të dytën herë në 24 orë: Viktima s’është i përfshirë në rrëmbimin dhe zhdukjen e Jan Prengës më 2020
2 Dhjetor, 18:06 -
Vrasja e Alfred Dedjas, Berisha pranon se ka gënjyer: Nuk është prokurori Ols Dado te çështja e Julian Gjoshit! E verifikova pasi përgënjeshtroi SPAK
2 Dhjetor, 12:45 -
Tiranë/ 50-vjeçari ekzekutohet brenda lokalit 'Kështjella'! Autori i dyshuar kunati i Altin Hajrit, pronar i 'Golden'! Viktima kishte punuar si menaxher i kompleksit ku u rrëmbye Jan Prenga (EMRAT+VIDEO)
1 Dhjetor, 15:54 -
SPAK merr 2 orë në pyetje Jurgis Çyrbjen e bashkëpunëtorin e tij! Ish-deputeti i PS: S'kam patur kurrë Sky Ecc, as kam strehuar persona në kërkim
15 Nëntor, 14:13
-
Bardhi i përgjigjet Ramës: Ti e ke zgjedhur dyshen tënde të tangos, krimin e organizuar, Hajrin dhe Avdylajt! E vallëzon sipas muzikës që ata dëshirojnë
23 Tetor, 17:24 -
'E fundosën përgjimet!' GJKKO lë në burg Jurgis Çyrbjen e bashkëpunëtorin! Avokatët: Nuk janë përdorues të Sky ECC! Ish deputeti i PS-së mbyll gojën (VIDEO)
22 Tetor, 08:34 -
Arrestimi i Çyrbjes/ Siguronte sekrete shtetërore dhe ua jepte bosëve të krimit! Mister zyrtarët që i shërbyen ish-deputetit të PS, SPAK vijon hetimet për t’i zbuluar
21 Tetor, 12:36 -
Arrestimi i ish-deputetit Çyrbja, avokatja tërheq në GJKKO materialet hetimore! Deklaron se nuk është marrë asnjëherë në pyetje për çështjen (VIDEO)
21 Tetor, 10:40 -
Pajisje regjistrimi në formë pakete, celularë e para, çfarë sekuestroi SPAK gjatë kontrolleve për arrestimin e Çyrbjes
21 Tetor, 10:39 -
Sky ECC 'fundos' ish-deputetin e PS, Jurgis Çyrbja! SPAK: Shiti sekrete shtetërore te kriminelët e dekonspiroi policinë! Altin Hajri e shpërbleu me vota në 2021
21 Tetor, 10:27 -
Skeda/ U strehua nga Çyrbja, kush është Altin Hajri! Nga trafiku i drogës Shqipëri-Itali me kodet ‘Enigma’, te kompleksi ‘Golden’, bizneset dhe rrëmbimi e zhdukja e Jan Prengës
21 Tetor, 09:10 -
Arrestimi i Jurgis Çyrbjes, në kërkim edhe pronari i ‘Golden’, Altin Hajri! Pas vrasjes së Prengës, ish-deputeti e ndihmoi me ndërhyrje në institucione dhe lëvizjet e policisë
21 Tetor, 08:30
