COVID-19 në Kosovë/ 287 raste të reja dhe 6 viktima në 24 orët e fundit

KOSOVË- Në Kosovë gjatë 24 orët e fundit kanë rezultuar pozitiv me koronavirus 287 persona dhe janë regjistruar 6 viktima.

Në raport me ditën e djeshme janë shënuar 2 raste infektimesh më shumë si dhe 1 viktimë më shumë.

Numri i pacientëve të cilët kanë arritur të fitojnë betejën me COVID-19 është 229.

Sipas IKSHPK-së rastet pozitive janë nga komunat: Prishtinë 140 raste, Prizren 26 raste, Suharekë 16 raste, Podujevë 15 raste, Fushë-Kosovë 10 raste, Vushtrri 10 raste, Lipjan 8 raste, Pejë 8 raste, Gjilan 7 raste, Deçan 5 raste, Gjakovë 5 raste, Mitrovicë 5 raste, Rahovec 5 raste, Drenas 4 raste, Ferizaj 4 raste, Malishevë 4 raste, Klinë 3 raste, Obiliq 3 raste, Viti 3 raste dhe me nga një rast komunat Dragash, Istog, Kamenicë dhe Skenderaj.

Rastet e vdekjes janë nga komunat: Istog 1 rast (77 vjeç), Malishevë 1 rast (72 vjeç), Prishtinë 1 rast (84 vjeç), Shtime 1 rast (82 vjeç) dhe Suharekë 1 rast (84 vjeç).

Numri total i infektimeve nga COVID-19 ka shkuar 60.218, ndërkohë që ai i viktimave është 1.498 në të gjithë vendin që nga fillimi i pandemisë duke përfshirë edhe përditësimet e ditës së sotme.

Më datë 5 janar, Ministri i shëndetësisë Armend Zemaj dha lajmin shpresëdhënës, se Kosova bëri të mundur sigurimin e 500 mijë dozave të vaksinës anti-COVID se ajo do të jetë falas për të gjithë qytetarët.

Ndërkohë një ditë më vonë, kryeministri i vendit Avdullah Hoti ka siguruar se dozat e para të vaksinën do jenë në Kosovë në shkurt, duke shtuar se në plan do të synojë vaksinimin e 20 mijë vaksinave në ditë.

Alarm është ngritur në Kosove dhe apel i është bërë qytetarëve për respektimin e masave anti-COVID, pasi 2 ditë më parë janë konfirmuar 3 rastet e para pozitive me variantin britanik të COVID-19.

J.GJ./Shqiptarja.com

TAG:
• Koronavirus
• Viktimat Covid
• varianti i ri i COVID