Të paktën 11 milionë euro, të transferuara nga vendet e parajsave fiskale, janë tentuar të pastrohen përmes Shqipërisë me kompani fiktive, kryesisht kompani kazinosh dhe bastesh online.
Darin Gezdari, 34 vjeç dhe Arlinda Marku, 41 vjeçe, janë arrestuar pasi dyshohet se transferuan 11 milionë euro nga kompanitë guaskë në Qipro, Gjibraltar dhe Maltë, drejt Shqipërisë me destinacion final Kanadanë. Sipas prokurorisë dyshohet se paratë burojnë nga aktiviteti kriminal.
Prokuroria e Tiranës u njoftua në fillim të muajit dhjetor për skemën e mashtrimit nga Hetimi Tatimor në Drejtorinë e Përgjithshme të Tatimeve, e cila mundi të identifikojë grupin që aktivitetin për sjelljen e 11 milionë eurove të pista e kryen gjatë viteve 2021-2022, për rreth 1 vit hetime.
Të prangosurit Gëzdari dhe Marku janë në akuzë për 2 vepra penale, fshehje e të ardhurave dhe pastrim parash. Me vendim të Gjykatës së Tiranës, policia ushtroi kontrolle në vende të ndryshme në Tiranë dhe u sekuestruan prova materiale me interes për hetimin, kompjuterë, aparate celularë dhe akte të shumta shkresore, të cilat po verifikohen.
Darin Gezdari dhe Arlinda Marku rezultojnë pronarë të 10 kompanive fiktive në Shqipëri, prej të cilave 7 të Gezdarit dhe 3 të tjerat të Markut, të cilat janë kryesisht për konsulencë, por që natyra e tyre e vërtetë ishte për transferimin e parave.
Skema dyshohet se është bërë me kompaninë “Green View Marketing”, në emër të 34-vjeçarit. Gjatë procesit të kontrollit nga Drejtoria e Kontrollit Tatimor në Lezhë, pasi kishte ndryshuar disa herë adresën, përfshirë Shkodrën dhe Tiranën, dhe duke shmangur kontrollet e thelluara operacionale tre herë radhazi, administratori Gezdari dërgoi shkresë në sistem që ndodhet në situatë të rëndë shëndetësore.
“Green View Marketing” u krijua në vitin 2020 nga Edmir Simoni i cili ia shiti italianit Lorenzo Cerantola dhe ky i fundit Gezdarit. Pronari i parë, Edmir Simoni, sipas prokurorisë, gjatë kohës që kishte krijuar shoqërinë por edhe në vazhdim rezulton i punësuar me kohë të plotë si roje bregdetare edhe pranë një restoranti. Ajo nuk posedon asnjë instalim, makineri apo pajisje informatike zyre sipas inventarit të vetëdeklaruar në 2021 dhe kryen shitje me vlerë mbi 1 miliardë lekë për 2 vjet. Bankat i thanë prokurorisë se janë kryer mbi 5.8 milionë euro transferta nga subjekte të huaja me aktivitet kryesisht kazino dhe baste online.
10 kompanitë e 2 bashkëpunëtorëve janë kryesisht me shërbime konsulence financiare, por edhe në fushën ligjore, shërbimeve online, informatikës, kibernetikës, teknologjisë, madje dhe shit-blerje mjetesh dhe dhënie me qira. Ironike është se mashtruesit në një prej kompanive ka të shënuar edhe shërbim për “mbrojtje nga mashtrimet financiare” për klientët e tyre.
Një kompani, Information Business System, rezulton se Gëzdari e ka blerë për 7,6 milionë dollarë, në disa të tjera rezulton se i krijonte, i shiste dhe i blinte sërish, dhe kjo dyshohet se është edhe skema e pastrimit të parave e zbuluar.
Lajme të tjera
-
U zbulua në Rinas, ilaçi për ftohje a po trafikohet për të përzierë drogën?
20 Dhjetor, 17:25
-
Goditën me sende të forta 34 vjeçarin, arrestohen 2 të rinjtë në Tiranë
20 Dhjetor, 15:38 -
Konferenca e Solidaritetit Islamik, Veliaj pret Sekretarin e ISSA-s dhe presidentin e KOKSH: Më shumë partneritet për sportin
20 Dhjetor, 14:45 -
Aksident në aksin Tiranë-Elbasan/ 2 makina përplasen me njëra tjetrën
20 Dhjetor, 14:17 -
Do grabisnin dhe do vrisnin dhëndrin e Qazim Sejdinit më 2020, GJKKO dënon me 27 vite burg 3 persona! Përfitojnë nga gjykimi i shkurtuar (EMRAT)
20 Dhjetor, 13:40 -
'Ore hapeni rrugën se kam fëmijët në shkollë', opozita përplaset me qytetarët para Bashkisë së Tiranës, iu bllokon rrugën
20 Dhjetor, 13:31 -
Dosja e inceneratorit të Tiranës, GJKKO nis gjykimin e ish-deputeti të PS, Alqi Bllako
20 Dhjetor, 13:09 -
Akuzohen se pastruan 11 mln euro, zbulohen 10 kompanitë e Gëzdarit dhe Markut! Shisnin e blinin kompani, shërbime konsulence edhe ‘kundër rrezikut të mashtrimit’! (LISTA)
20 Dhjetor, 09:49 -
Pastruan 11 mln euro para krimi nga parajsat fiskale, 2 në pranga! Paratë transferoheshin në Shqipëri e pastaj në Kanada me kompani fiktive (EMRA + FOTO)
20 Dhjetor, 08:56 -
Atmosfera festive në Tiranë 'rrëmben' vëmendjen e medias prestigjoze 'Reuters'
19 Dhjetor, 20:43 -
Tragjedi në Tiranë/ Dy kushërinj gjenden të vdekur në banesë, u asfiksuan nga rrjedha e gazit! Nga Greqia kishin ardhur për ta rikonstrukuar (VIDEO+EMRAT)
19 Dhjetor, 18:59 -
Kasanof takohet me Ramën, shqyrtohet përparimi i Shqipërisë drejt BE-së, transparenca dhe reforma në drejtësi
19 Dhjetor, 17:07
