'Do dalim shpejt nga tuneli i pandemisë', Rama: Brenda 10 ditësh do marrim edhe 50 mijë doza të tjera të vaksinës ruse Sputnik V

'Do dalim shpejt nga tuneli i pandemisë', Rama: Brenda 10 ditësh do marrim edhe 50 mijë doza të tjera të vaksinës ruse Sputnik V

Kryeministri Edi Rama dhe Ogerta Manastirliu në pikën e vaksinimit

Brenda 10 ditësh në Shqipëri do të vijnë edhe 50 mijë doza të tjera nga vaksina ruse Sputnik V. Lajmi e bëri të ditur kryeministri Edi Rama, i cili tha se me nisjen e vaksinimit masiv vendi do të dalë shumë shpejt nga tuneli i errët i pandemisë. 

Këto doza do të shërbejnë për të vijuar procesin e vaksinimit masiv në vend, me qëllim arritjen e objektivit prej gjysmë milioni të vaksinuar brenda muajit maj. Rama shprehet optimist se ky objektiv, por edhe fitorja me COVID është e mundur.

"Sapo kemi arritur marrëveshjen për të sjellë në Shqipëri 50.000 doza të tjera të vaksinës Sputnik brenda 10 ditëve. Ne do ta fitojmë këtë luftë me forcën e karakterit e të këmbënguljes sonë dhe do ta lemë shpejt pas tunelin e pandemisë, ku drita e daljes sa vjen e zmadhohet", tha Rama.

Kjo është sasia e dytë e dozave të vaksinës ruse Sputnik, e ndërsa vendi ynë po përdor aktualisht dozat nga kompania Pfizer, AstraZeneca dhe Sinovac (vaksina kineve). Në total, siç ka njoftuar më herët, Shqipëria ka 2.6 milionë vaksina të siguruara, nga të cilat 2.1 milionë të kontraktuara që do të mbërrijnë në vend në periudha të ndryshme kohore.

Procesi i vaksinimit në Shqipëri ka nisur që më 11 janar të këtij viti, ku në total janë vaksinuar 192.882 persona, e ndërsa prej 9 ditësh ka vijuar procesi i vaksinimit masiv ku janë përfshirë të moshuarit mbi 68 vjeç, gazetarët, operatorët dhe efektivët e policisë dhe policisë së burgjeve.

Ndërkohë që sipas faqes ourworldindata.gov Shqipëria ka shënuar rekord në injektimin e vaksinave antiCOVID për sa i përket dozave javore për 100 banorë, duke lënë mbrapa vendet më të  të rëndësishme të BE-së.

Postimi i Kryeministrit Edi Rama


Lajmi kryesor:

Mbërrijnë rreth 7 mijë doza të Pfizer, pjesa e parë e 22 mijë dozave! Rama: Lëvrohen deri në 20 prill! Brenda 10 ditësh marrim edhe 50 mijë vaksina ruse


Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Vrau bashkëjetuesen me thikë një vit më parë në Elbasan, Apeli lë në fuqi dënimin me burg përjetë të Ramis Micit

Vrau bashkëjetuesen me thikë një vit më parë në Elbasan, Apeli lë në fuqi dënimin me burg përjetë të Ramis Micit