POP 5

Lajmet më të lexuara të 5 minutave të fundit

Kronikë

Do vrisnin Inez Hajrullën dhe Ervis Matodashajn, GJKKO dënon me 22 vite burg Luzin e Koroveshin! I pandehuri kërcënon prokuroren e SPAK e të penduarin

Gjykata e Posaçme ka dënuar anëtarët e grupit kriminal që planifikuan të vrisnin Inez Hajrullën dhe Ervis Matodashajn në Vlorë

Do vrisnin Inez Hajrullën dhe Ervis Matodashajn, GJKKO dënon me 22 vite burg Luzin e Koroveshin! I pandehuri kërcënon prokuroren e SPAK e të penduarin

Amarildo Nikolli, Leonard Luzi dhe Inez Hajrulla

Gjykata e Posaçme dënoi sot (10 janar 2025) anëtarët e grupit kriminal që planifikuan të vrisnin Inez Hajrullën dhe Ervis Matodashajn në Vlorë më gusht të 2023-it.

Togat e zeza miratuan pretencën e SPAK duke dënuar me nga 11 vite Leonard Luzin e Muharrem Korroveshin dhe 2 vite e 9 muaj burg Amarildo Nikollin, që fitoi statusin e bashkëpunëtorit të drejtësisë.  

Luzi dhe Koroveshi janë shpallur fajtor si personat që ishin të interesuar për vrasjen e Inez Hajrullës dhe Ervis Matodashaj.

Gjatë leximit të vendimit, Leonard Luzi shpërtheu ndaj bashkëpunëtorit të drejtësisë, Amarildo Nikollin dhe Doloreza Musabelliu, prokurores së SPAK me fyerje e kërcënime.

 "Do e shikojmë kur të dal nga burgu" citohet të ketë thënë Luzi.

Plani i vrasjes 

Hetimi i strukturës së posaçme ka provuar me prova se Leonard Luzi, është financuar nga një person ende i paidentifikuar për të kryer vrasjet e dy shtetasve Ervis Matodashaj dhe Inez Hajrulla ku shkak dyshohet të janë përplasjet për lojërat e fatit.

Leonard Luzi, ka krijuar një grup të strukturuar kriminal, pjesë e të cilit janë i pandehuri Amarildo Nikolli, që do të ishte ekzekutori si dhe Muharem Koroveshi, dhe Erio Zejno, në rolin e ndihmësit, ky i fundit ende në kërkim.

Koroveshi dhe Zejno, kanë sjellë armët në banesën e të pandehurit Amarildo Nikolli në Vlorë, kanë ndihmuar në terren me gjetjen e personave të cilët ishin objektiv i atentatit, si dhe do të ndihmonin ekzekutorin Amarildo Nikolli, në largimin nga vendi i ngjarjes. 

Megjithatë atentati dështoi pasi më 7 gusht të 2023 policia arrestoi Amarildo Nikollin në orën 12:47, në lagjen “Uji Ftohtë”, në qytetin e Vlorës. Gjatë kontrollit fizik blutë sekuestruan një pistoletë me një silenciator, me karikator të mbushur me 14 (katërmbëdhjetë) fishekë, si dhe një fishek i futur në folenë e qitjes.

Ka rezultuar se ditën e arrestimit të tij, i pandehuri Amarildo Nikolli, kishte dalë pikërisht për të finalizuar krimin e porositur prej të pandehurit Leonard Luzi.

Rendit zhvillimet sipas orarit:
Ora 13:59
'Do e shikojmë kur të dal nga burgu' Leonard Luzi kërcënon në gjyq të penduarin Amarildo Nikolli! Tregoi planin për vrasjen e Inez Hajrullës

1736513971_leonardluzi.jpg

Foto:  Leonard Luzi

Gjykata e Posaçme dënoi sot anëtarët e grupit kriminal që planifikuan të vrisnin Inez Hajrullën dhe Ervis Matodashajn në Vlorë, në gusht të 2023-it.

Gjatë leximit të vendimit Leonard Luzi shpërtheu ndaj bashkëpunëtorit të drejtësisë, Amarildo Nikolli, dhe SPAK me tone kercenuese. 

"Do e shikojmë kur të dal nga burgu" citohet të ketë thënë Leonard Luzi.

Xh.K/Shqiptarja.com

Xh.K/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • X/R: 10/01/2025 15:53

    Çdo kërcënim në gjykatë duhet të cilëdohet si vepër penale dhe ndaj këtyre personave duhet ngritur aktakuzë shtese, rrjedhimisht edhe ngritje dënimi

    Përgjigju
    • Loni: 10/01/2025 16:15

      Keto duhey tja hedhesh celesat ne det mos dalin me. Jo me keto denime qesharake. Ore ti x/r e di qe burgu peqinit me vrasje me pistolet me ligj duhet te mbylleshe edhe mos na trego tani dengla me ok. Duke permendur kercenime e fyerje. Cdo gje fasade ketu nga i pari te i fundit. Zot na ndihmo per gjithshka.

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

SHBA-ja sanksionon industrinë serbe të naftës për shkak të pronësisë ruse

SHBA-ja sanksionon industrinë serbe të naftës për shkak të pronësisë ruse

10 Janar, 17:21