‘Duan të jenë sërish në Kuvend’, Balla deputetëve të PD: Po bëni servilin e radhës ndaj Berishës

 

Kaosin që opozita po krijon në Kuvend, ministri Taulant Balla e sheh si një servilizëm të radhës të deputetëve demokratë ndaj kryetarit Sali Berisha. I ftuar në 'Studio Live' Report Tv, ministri i Shtetit për marrëdhëniet me parlamentin thotë se deputetët e PD po servilosen që Berisha t’i fusë sërish në Kuvend në zgjedhjet parlamentare të 2025.

Balla tha për gazetarin Arbër Hitaj se PD po i shërben interesit të familjes Berisha. 

“Përpjekja nga ana e opozitës për t’u kapur si i mbyturi pas çdo lloj dosje dhe për të thënë që ky vendim i gjykatës është i padrejtë, ndërkohë që pak muaj më parë për një vendim të ndryshëm nga e njëjta trupë, thonë ‘ja e shikoni ka edhe burra dhe gra të ndershëm në drejtësi’ dhe kur e njëjta trupë merr një vendim që ty s’të pëlqen këta janë gjyqtarët e narko shtetit. Këta mendojnë se populli shqiptar është budalla, se kuptojnë që populli e di mirë ca ka ndodhur te Partizani, te çështjet e tjera, secili nga ne duhet të mbajë përgjegjësi për gjithçka që thotë. PD nuk justifikon atë që quhej ta bëjmë Shqipërinë si gjithë Europa, është në një ditë të zezë, pasi është marr peng nga interesat. Është një parti në një interes të një familje të caktuar, ata që vrapojnë për të folur në emër të saj, kanë interesin duke bërë servilin e radhës ndaj Berishës, duke qenë se është mbartësi i vulës t’u japë mundësinë të jenë pjesë e listës së ardhshme në Kuvend”, tha Balla në Report Tv.  

Lajmi kryesor:

Kaosi i PD në Kuvend, ministri Balla në Report Tv: Horrin bëjeni diku tjetër, po i shërbeni interesit të Berishës! S'ka qeveri teknike, synojmë mbi 84 mandate

SI.E./r.k./Shqiptarja.com

TAG:
• taulant balla
• PS
• PD kaos ne kuvend
• studio live