DURRËS - Një 31 vjeçar është vënë në pranga nga policia në Durrës pasi shiste doza kokaine në lokalet e natës së qytetit bregdetar. Shkëlqim Hasa u vu në pranga në kuadër të megaoperacionit antidrogë ‘Tempulli’.
Shërbimet e policisë ushtruan kontroll në automjetin me të cilin lëvizte 31 vjeçari në rurgën ‘Adria’ në Durrës.
Nga kontrolli u gjetën dhe u sekuestruan në cilësinë e provës materiale një sasi lënde narkotike kokainë e ndarë në doza, të cilat dyshohet se i riu i shet në lokalet e natës.
![](https://shqiptarja.com/template/img/NO_ALFA_Kuadrate shqiptarja.png)
'Si rezultat i administrimit të menjëhershëm të informacioneve të siguruara nga inteligjenca policore, në vijim të megaoperacionit policor antidrogë të koduar “Tempulli”, Seksioni për Hetimin e Narkotikëve, në bashkëpunim me Forcën e Posaçme "Shqiponja", të DVP Durrës, arrestuan në flagrancë shtetasin Sh. H., 31 vjeç, banues në Durrës.
Nga kontrolli në automjetin me të cilin lëvizte ky shtetas, në rrugën “Adria”, shërbimet e Policisë gjetën dhe sekuestruan në cilësinë e provës materiale, një sasi lënde narkotike kokainë të ndarë në doza të cilat ky shtetas dyshohet se synonte t’i shiste në lokalet e natës.', thuhet në njoftimin e policisë.
Materialet i kaluan Prokurorisë për veprime të mëtejshme.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)