POP 5

Lajmet më të lexuara të 5 minutave të fundit

Kronikë

Ekskluzive-shifrat zyrtare/ Protestat e PD-LSI deri tani u kanë kushtuar 640 mln lekë shqiptarëve

Zbardhet kosto financiare, dëmet e shkaktuara nga protestat e dhunshme të opozitës joparlamentare, nga pagat e orëve shtesë të policëve deri tek dëmtimet e ndërtesave qeveritare. Bashkia e Tiranës 7 gjoba PD-së me vlerë 25 mln lekë

Protestat e njëpasnjëshme të opozitës joparlamentare, të karakterizuara nga aktet sistematike të dhunës dhe vandalizmat, përpos dëmtimit të imazhit të Shqipërisë, kanë një kosto ekonomike për taksapaguesit shqiptarë. Shqiptarja.com ka siguruar të dhënat zyrtare të Ministrisë së Brendshme dhe të Bashkisë së Tiranës mbi koston e protestave të opozitës, për periudhën shkurt-prill 2019, kosto e cila pritet të marrë përmasa të tjera gjatë javëve në vijim, pasi PD-LSI kanë vendosur përshkallëzimin e aksionit të tyre radikal, me qëllim detyrimin e shumicës për të larguar kryeministrin. Deri më sot protesta e dhunshme të PD-LSI u kanë kushtuar shqiptarëve 640 milionë lekë.

Vetëm Policisë së Shtetit, e cila paguhet nga të gjithë taksapaguesit, protestat e deritanishme të opozitës i kanë kushtuar 61 838 138 lekë. Konkretisht, pashijet e dëmtuara nga dhuna e protestuesve, gjatë të gjitha protestave, ku përfshihen kamera trupi policie, mburoja plastike, skafandra, xhamat dhe tapiceria e një mjeti policie, kanë kushtuar 776 600 lekë. Për çdo protestë të opozitës janë angazhuar mijëra punonjës policie, edhe jashtë orarit zyrtar të punës.

Kostoja e orëve shtesë të uniformave blu, për menaxhimin e protestave të opozitë, sipas të dhënave të Ministrisë së Brendshme, është 60,361,538 lekë. Sipas të dhënave të siguruara nga Shqiptarja.com, për menaxhimin e protestave të PD-LSI, për periudhën shkurt-prill, janë angazhuar 14.182 punonjës policie, ndërsa llogariten 103 504 orë shtesë. Ndërkaq, kostoja e barrierave të vendosura nga policia para institucioneve shtetërore, por që janë dëmtuar nga protestuesit e dhunshëm gjatë konfrontimeve me policinë dhe sulmeve ndaj godinave shtetërore, është 700,000 lekë.

Kostoja për Bashkinë e Tiranës
Dëmi që kanë shkarkuar protestuesit e dhunshëm në qytetin e Tiranës, sipas shifrave zyrtare të Bashkisë së Tiranës, është 2 539 834 lekë. Këtë shumë, Bashkia e Tiranës ia ka faturuar Partisë Demokratike, përmes 7 gjobave. Dëmi financiar konsiston në shkatërrimin e e shtyllave ndriçuese, gjelbërimit, pemëve etj. Sipas të dhënave, koston më të madhe përfshin dëmi që u është bërë fasadave të godinave shtetërore, sidomos fasadës së Kryeministrisë.

( Kliko këtu ) për proçesverbalet e plota të shpenzimeve për dëmet në protestat e opozitës

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Robshi kurveleshit: 25/04/2019 08:40

    Shko pyet klsh sa na ka kushtuar pushteti të kuptosh se shifra lart janë qindarka...të fala qëllimit atdhedashes

    Përgjigju
    • Ana: 25/04/2019 21:28

      E vertete,, keta kane vjedhur miliardat e eurove sidomos ne shendetsi dhe nuk shef nje ambulance, keta thone kaq I shkuan demete shqiptareve ,,legenat

  • Gani G.: 25/04/2019 08:29

    Ne nuk duam t'i shohim në rrugë. Ato ndikojnë negativisht në jetën tonë të përditshme. Ata nuk kanë imunitet. Ne duam që policia t'i heqë ato dhe të mos lejojë veprime të tilla të trashë.

    Përgjigju
  • Euro: 25/04/2019 07:42

    Të rrojë Rinasi me të ”pafajshmit” e sali kriminelit ...!

    Përgjigju
  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58