Komisioneri Shtetëror i Zgjedhjeve, Ilirjan Celibashi, vuri theksin tek kuadri rregullator dhe legjislacioni, i cili deri diku e rregullon financimin e partive politike, por që mbetet akoma shumë për të bërë sa i përket reklamave online.
“Kemi propozuar pranë Kuvendit të Shqipërisë disa amendamente, të mbështetura dhe nga aktorë të tjerë të shoqërisë civile, të cilat synojnë të plotësojnë atë boshllëk që ka aktualisht legjislacioni në fuqi për reklamat në përgjithësi dhe reklamave online në veçanti, si edhe zhvillimit të fushatës zgjedhore online. Nuk ka pasur reformë zgjedhore të mirëfilltë, por KQZ mbetet e angazhuar të bëjë më shumë dhe më mirë edhe me këtë kuadër rregullator që është aktualisht për monitorimin e fushatës së zgjedhjeve për Kuvend 2025”, tha kreu i KQZ.
Deklarata u bë sot, teksa Komisioni Qendror i Zgjedhjeve, në bashkëpunim me International IDEA, Qendrën e Sundimit të Ligjit në Finlandë dhe Rrjetin Ballkanik për Gazetarinë Investigative, Shqipëri (BIRN), organizuan tryezën e dialogut për reformë politikash, “Forcimi i integritetit të zgjedhjeve përmes monitorimit të reklamave politike online”.
Ekspertët ndërkombëtarë sollën praktikat e vendeve si Moldavia e Finlanda mbi legjislacionin, bashkëpunimin me kompanitë e mëdha të teknologjisë së informacionit dhe medias digjitale, monitorimin dhe masat e ndërmarra nga institucionet përkatëse.
Me afrimin e zgjedhjeve parlamentare të vitit 2025, pjesëmarrësit ndanë mendimet e tyre lidhur me instrumentat që mund të përdoren për përmirësimin e monitorimit, pasi shpejtësia e madhe e digjitalizimit vazhdon të ndikojë dhe të transformojë dinamikat e fushatave politike, si nga perspektiva e burimeve të financimit, ashtu edhe për sa i takon kanaleve ku zhvillohet fushata zgjedhore.
Gjatë diskutimeve u theksua se ofrimi i informacioneve të sakta dhe në kohën e duhur, me qëllim që votuesit të bëjnë një zgjedhje të informuar, vazhdon të mbetet një sfidë, për sa kohë nuk ka parashikime rregullash për fushatën në median online.
Monitorimi mediatik i fushatave zgjedhore është thelbësor për ruajtjen e integritetit zgjedhor, duke siguruar ndër të tjera transparencën, drejtësinë dhe llogaridhënien, si edhe duke mbajtur parasysh perspektivat gjinore.
Pjesëmarrësit dakordësuan se ndjekja dhe monitorimi efektiv i reklamave dhe fushatave politike si në mediat tradicionale, ashtu edhe ato digjitale, kërkojnë metodologji inovative dhe të përmirësuara, pavarësisht nga nivelet e ndryshme të rregullimit.
Ky aktivitet bëri së bashku përfaqësues të medias, të shoqërisë civile, të organizatave ndërkombëtare që kanë në fokus zgjedhjet, ekspertë ndërkombëtarë dhe kishte synim eksplorimin e diskutimin e sfidave kryesore me të cilat përballen organizatat e shoqërisë civile dhe media para zgjedhjeve parlamentare të 2025.
Lajme të tjera
-
Celibashi takohet me VanHorn, e informon për përpjekjet e KQZ para zgjedhjeve parlamentare! E Ngarkuara me Punë shpreh mbështetjen e SHBA për zgjedhje të drejta
13 Dhjetor, 13:37 -
Zgjedhjet 2025, ambasadori i OSBE: Thelbësore, liria e zgjedhjes pa frikë! Hetoni presionet dhe shkeljet e fshehtësisë së votës! Celibashi: Partitë të pranojnë problemin
11 Dhjetor, 11:00 -
Numërimi i votave, Celibashi: S’është koha që partitë të ikin! PD kundër numëruesve që vijnë nga administrata: Katastrofale
10 Dhjetor, 15:29
-
Zgjedhjet 2025/ Komisioni i Venecias: Punoni të jenë të lira, OSBE: Depolitizoni administratën zgjedhore! Celibashi: Do të sillte mosnjohje rezultati
10 Dhjetor, 10:23 -
Shqipëri, shqetësim transparenca e financimit në zgjedhje
9 Dhjetor, 20:38 -
Numërimi elektronik, KQZ auditon procesin e zgjedhjeve 2023 për bashkitë Vorë, Elbasan dhe Kamzë: Regjistrim i të gjitha votave me saktësi
9 Dhjetor, 13:07 -
'Vota e diasporës të numërohet nga KQZ', Celibashi: Partitë vetëm të vëzhgojnë! Debate te Rregullatori, shtyhet vendimi
7 Dhjetor, 11:30
-
KAS refuzon propozimet e Celibashit, gjoba vetëm për Pjerin Ndreun dhe disa parti të vogla
5 Dhjetor, 15:20 -
Fushata me lekë xhepi rrezikon 41 kandidatë të lokaleve! Kandidati: Pagova kafe dhe raki! Ironia e KAS: Shkoni te klubi i fshatit me formular në dorë
3 Dhjetor, 19:59 -
KQZ vendoset mes ‘dy zjarreve’, PD: S’kemi besim, ‘jo’ votimit elektronik pa konsensus! PS: Nuk kurojmë paranojat, s’ka prova për parregullsi
30 Nëntor, 15:25 -
Data për zgjedhjet 2025/ PS dhe Celibashi i propozojnë presidentit 11 majin, Klosi: T'ju lemë më shumë kohë emigrantëve! PD refuzon konsultimet, Berisha: 'Haram Bego' vendos çfarë i thotë Rama
25 Nëntor, 08:20 -
‘Alarmi’ për votën e emigrantëve, KQZ garanton: S’ka dështim! Ose ndërrojmë Kodin, ose paguajmë shtrenjtë! Votimi e numërimi elektronik 18.2 mln euro vetëm për Tiranën
21 Nëntor, 12:25
