Gazetari Adriatik Doçi i ftuar në emisionin “Repolitix” në Report TV me Denis Mingën ka zbuluar detaje të tjera mbi ish-zv kryeministrin Arben Ahmetaj në kërkim ndërkombëtar për aferën e Inceneratorëve por që fshihet në Zvicër, ku dyshohet se ka kërkuar azil politik, ndërsa për t'u viktimizuar ka paralajmëruar një intervistë në televizionin e Shkëlzen Berishës.
Doçi tha se Ahmetaj është parë nga disa burime të tij në një kazino që ndodhet në Lugano të Zvicrës. Hera e fundit kur e kanë parë sipas gazetarit ka qenë në dhjetor të 2023.
“Që kur është shpallur në kërkim nga SPAK dhe kur u arratis nga Shqipëria, ka marrë disa lëvizje taktike për t'i shpëtuar burgut dhe veprimit ligjor. Së pari ka kontraktuar një studio ligjore amerikane. Kjo studio ka bërë një raport ku e ka shpallur të pafajshëm. Kjo është taktikë e ndjekur nga Berisha.
Lëvizja e fundit është intervista nesër me Çim Pekën që i shërben një plani për të krijuar kushtet për të bindur autoritetet zvicerane për ti lënë statusin e azilantit politik. Në qendër të Luganos të Zvicrës është një kazino. Disa miqtë e mi e kanë parë në Lugano duke frekuentuar dhe këtë kazino në mes të Luqanos. E kanë parë në dhjetor të vitit të kaluar. Ka dyshime të forta që Ahmetaj ka frekuentuar Lugano dhe Zyrih", tha Doçi.
Krahas Luganos Ahmetaj ka frekuentuar dhe Zyrihun aty ku sipas Doçit ka dhe një vilë super te shtrenjtë.
"Ai posedon dhe një vilë 1 mln euro në Zvicër, në Zyrih e kamufluar në emër të një biznesmeni. Të gjitha burimet konfirmojnë se ka qëndruar në Zvicër".
Doci tregoi dhe detaje nga arratisja e zv kryeministrit.
“Kur ka kaluar nga Kakavija në korrik, e konfirmuar me rrugë tokësore, e ka kaluar më këmbë. Ka qenë vetëm. Ka prerë një biletë para se të nisej drejt Greqisë, se do ikte nga Rinasi drejt Italisë për të çorientuar policinë. Ka pre një biletë për Itali për të çorientuar policinë dhe është larguar në këmbë në Greqi. Nga Greqia ka shkuar në Zvicër. Në një nga telefonat e tij e ka nisur drejt Kanadasë për të bërë çorientim sikur është drejt Kanadasë. Por të gjitha provat është se ka frekuentuar Zyrihun dhe Luganon.”
Ndërsa nesër në intervistën e dhënë për televizionin e Shkëlzen Berishës. gazetari shprehet se Ahmetaj nuk do të tregojë asgjë të re përveçse akuzave "që artikulon Berisha nga ballkoni".
Kazinoja ku është parë Ahmetaj në Lugano të Zvicrës
Arben Ahmetaj, hapat e parë në politikë i ka pasur pranë demokratëve. Këto detaje gazetari Adriatik Doçi i ka treguar në Repolitix në Report Tv teksa po diskutohet mbi lëvizjen e fundit të ish zv kryeministrit që pritet të japë nesër një intervistë nga arratia në televizionin e Shkëlzen Berishës.
"Ahmetaj e ka nisur karrierën si këshilltar i Genc Rulit ish ministrit të Berishës. A është rikthyer në atë kohë nga Greqia ku ka bërë mbledhje dardhash mollash punë e zakonshme. Pas 92 që ka shërbyer si këshilltar i Rulit më pas është konvertuar në socialist ku ka kapur të gjitha postet. Të gjitha postet i ka nga PS. Pas 30 vitesh karrierë të jashtëzakonshme në krye të doganave të financave të Shqipërisë... pas 30 vitesh shkon në Zvicër dhe do të pretendojë se e përndjek partia e tij politike. Besoj çdo njeri do donte që ta kishte këtë lloj përndjekje nga partia. Nuk ka përndjekje më spektakolare", tha Doçi.
Ndërsa artikuloi se Ahmetaj po përdor taktika të ngjashme me të Berishës përmendi dhe faktin se ai ka kontraktuar studio ligjore amerikane.
"Ka kontraktuar studio ligjore amerikane që besoj se vetëm kontraktimi ka kushtuar mbi 400 mijë euro, që është e dyshimtë se nga i ka marrë këto para. Taktikë e ndjekur dhe nga Berisha", tha Doçi.
Në intervistën për televizionin e Shkëlzen Berishës, Doçi thotë se Ahmetaj do të thotë deklarata që artikulon Sali Beisha nga ballkoni i shtëpisë ku ndodhet në arrest shtëpie. Sipas tij Ahmetaj nuk do të thotë asnjë fakt penal por deklarata në funksion të azilit politik.
"Do ketë ato deklarata që i artikulon Berisha nga Ballkoni. Nuk ke asnjë fakt dhe me dokumentet sepse është shumë e thjeshtë, ka qenë pjesë e vendimmarrjes dhe grup me këta. Së pari do merret me rezerva për çdo gjë që thotë sepse ne presim që të thotë një fakt penal, por nuk ka se ai ka pasur poste të rëndësishme. Ne presim të thotë një fakt penal, atëherë kur e ka parë këtë fakt penal, kur ka qenë ministër, kur ka menaxhuar të gjithë fondet e shtetit? Pra është komplet në funksion të azilit politik”.
Avokati Rezart Kthupi i ftuar në studion e ‘Repolitix’ me gazetarin Denis Minga në Report Tv foli për deklaratat që pritet të japë të nesërmen ish.zv kryeministri Arben Ahmetaj nga arratia.
Kthupi tha se ato çfarë Ahmetaj mund të thotë do të konsideroheshin interesante vetëm nëse ai pranon fajësinë për aferën e inceneratorëve. Por shtoi se nëse e pranon një gjë të tillë, e ka të pamundur të përfitojë azil politik.
“Do ishte rast unikal kur merr azil politik se forca politike në të cilën ishe pjesë po të persekuton ty politikisht. Unë mendoj se intervista e tij do jetë në të njëjtin nivel me atë të Mirel Mërtirit. Ahmetaj ka proklamuar që në fillim se është i pafajshëm. Nëse është i pafajshëm në cështjen e inceneratorëve, do të thotë kush është i fajshmi? Do jetë interesante vetëm nëse ai pranon fajësinë. Nëse e pranon, nuk mund të kërkojë më azil politik”- u shpreh Kthupi.
“Arben Ahmetaj mund të jetë lokalizuar në Zvicër edhe nga SPAK”. Kështu deklaroi gazetari Arben Ahmetaj në “Repolitix” në Report TV ndërsa tregoi se ku po fshihet ish zv kryeministri.
“SPAK besoj se ka informacione më të detajuara se unë por janë konfidencial. Ka pasur tentativa dhe mund të jetë lokalizuar aktualisht Ahmetaj por duhen parë dhe procedurat që ka Zvicra pasi ai ka aplikuar për Azil”.
Komente
Lajme të tjera
-
I pandehur për shkelje të barazisë në tenderë, deputeti i PS, Plarent Ndreca 4 orë në SPAK: Flas në momentin e duhur
15 Nëntor, 13:06 -
'Video e Shkëlzenit te zyra e Priftit!' Gazetari Doçi zbulon në 'Studio Live': Si e shantazhoi Meta, Berishën, kur ia kopsiti dosjen në 2009! Noka në hetim pasuror! Nga i pastrehë, me pasuri 1 mln euro
4 Nëntor, 19:22 -
Dosja 'Meta'/ Adriatik Doçi në 'Studio Live': Ja cilët persona përdori si bankomat! Është faktuar se ndërhyri për rritjen e çmimit të energjisë
4 Nëntor, 19:14 -
Dosja 'Buka', Avokatët e Ahmetajt kërkojnë pushimin e çështjes, SPAK kalimin për gjykim! GJKKO vendos më 18 nëntor
4 Nëntor, 11:45
-
Arrestimi i Metës/ Gazetari Adriatik Doçi: I kërkonte me urgjencë 200 mijë euro Kastriot Ismailjt! Berisha e futi në lojë me CEZ/DIA-n
21 Tetor, 17:24 -
PD përplaset me Gardën dhe FNSH/ Faik Basha: Opozita të përgatitet fuqishëm! Adriatik Doçi: Teatër që bëhet çdo javë! Më të zellshmit kanë dosje në SPAK
17 Tetor, 18:44 -
Molotovët e PD-së/ Elezi: Po shkërmoqet si parti! Kërkojnë të maskojnë pjesëmarrjen e ulët me dhunë! Toska: Opozita po vret frikën
8 Tetor, 17:25 -
Adriatik Doçi: Lidhjet e Berishës me Iranin dhe 7 tetori i protestës
3 Tetor, 20:31
-
Afera e Inceneratorëve/ SPAK shtyn me 3 muaj afatin hetimor për ish-zv/kryeministrin Arben Ahmetaj, i mbyll më 22 Dhjetor
23 Shtator, 11:19 -
Berisha kërcënoi gazetarët, Adriatik Doçi: U trondit pasi demokratët kuptuan pasurinë e tij përrallore! Nuk kemi të gjithë vila dhe pallate si Argita dhe Shkëlzeni
19 Shtator, 22:34 -
15 emra për kreun e ri të policisë/ Lita: Ende nuk dimë pse u largua Rrumbullaku dhe Balla! Doçi: Disa prej tyre nuk do kalojnë testin e pastërtisë së figurës
19 Shtator, 21:40 -
Adriatik Doçi: 31 pika kyçe dhe të sikletshme në dosjen 500 faqe për korrupsionin e Familjes Berisha
19 Shtator, 11:20
Do e kete pare ndonje shok i rilindjes qe ka shkuar per weekend per te lutajtur me leket e korrupsionit.
PërgjigjuNuk kane lene kazino pa shetitur neper Europe rilindasit
Ne Vlore ka universitetin Pavarsia dhe nje hotel ne lungomare ai letyra
Përgjigju