Media

Gazetarja Rudina Xhunga padit biznesmenin Enver Mehmeti: Më kërcënoi me jetë

Xhunga e ka dorëzuar kallëzimin në Prokurorinë e Tiranës dhe sqaron se konflikti me pronarin e agjencisë turistike erdhi pas një shkrimi ku ajo tregonte "ferrin e pushimeve" që kishte prenotuar tek Mehmeti

Rudina Xhunga dhe biznesmeni Enver Mehmeti

Redaksia 3 Gusht 2018, 16:45 | Përditesimi: 3 Gusht 2018, 17:52

Gazetarja Rudina Xhunga ka paditur biznesmenin Enver Mehmeti, njëherësh pronar i një agjencie turistike, pasi pretendon të jetë kërcënuar me jetë prej tij.

Lajmin e bën të ditur vetë Xhunga dhe thotë se gjithçka ndodhi për shkak të një shkrimi të saj.

“Enver Mehmeti pas një shkrimi për ferrin e pushimeve, prenotuar te agjencia tij, më bëri të qartë fundin që më priste”, thotë Xhunga e cila ankohej më herët për faktin që kishte paguar 2600 euro për pushimet në një resort në Turqi. Ajo shkruante se kushtet nuk ishin aspak sikurse ia kishte prezantuar agjencia turistike e Mehmetit.

LEXO EDHE:
Linda e projekteve dhe çunat e gjobave!

“E denoncova se e besova. Ai nuk është anonimi i zakonshëm që kërcënon në emër të partisë. Ai kërcënon dhe e mban fjalën, në emër të parasë. I ka paratë të çojë e mbrojë një njeri, që më shtyp në vijat e bardha. Gazetarët nuk i vrasin më në luftë. Është paraja, nuhatja që i çon te paraja, që ju merr jetën”, sqaron gazetarja.