Shkarkohet ish-krahu i djathtë i Llallës, Gashi ngec në Vetting, konfirmohen Dvorani e Faqolli

TIRANE-Komisioni i Pavarur i Kualifikimit ka shkarkuar nga detyra ditën e sotme prokuroren Rovena Gashi, ndërsa janë konfirmuar në detyrë gjyqtari i Gjykatës së Lartë Ardian Dvorani dhe ai i Tiranës, Astrit Faqolli.

Seancat e KPK sot nisën me gjyqtarin Astrit Faqolli. Komisioni i Pavarur i Kualifikimit konfirmoi në detyrë gjyqtarin e Tiranës. Pas vlerësimit në tre shtyllat e vettingut, komisioni i KPK e cilëson si të përshtatshëm gjyqtarin për të vijuar detyrën. Vendimi i zbardhur do të publikohet në faqen e KPK pas 15 ditëve.

Ndërkohë që në raportin e DSIK (Drejtoria e Sigurimit të Informacionit të Klasifikuar) thuhej, sipas KPK se Faqolli është i papërshtatshëm për të qenë gjyqtar. Deklarimet u hodhën poshtë nga avokati mbrojtësi i gjyqtarit, ndërsa pas shqyrtimit të dokumenteve, sot Komisioni i Pavarur i Kualifikimit vendosi që ta konfirmonte në detyrë.

Rendit zhvillimet sipas orarit:
Ora 11:45
Konfirmimi i Dvoranit, Paloka: Na kërkojnë votën për të instaluar diktaturën

Partia Demokratike ka dalë kundër vendimit të KPK-së për të konfirmuar në detyrë gjyqtarin e Gjykatës së Lartë, Ardian Dvorani.

Nënkryetari i Partisë Demokratike, Edi Paloka ka reaguar në Facebook pas konfirmimit në detyrë të gjyqtarit Ardian Dvorani.

Në një status në Facebook, Paloka thotë se rasti i Dvoranit tregon se Rama kërkon votën e PD-së për të instaluar diktaturën. Që prej ditës kur Dvorani doli para KPK-së, PD u pozicionua kundër. Ishte demokrati Gent Strazimiri që doli në një konferencë urgjente për mediat dhe e quajti Dvoranin “çantë e Xhafajt”.

Ardian Dvorani rikonfirmohet në detyrë .Sokol Berberi, kunati i Fatmir Xhafajt dërgohet për herë të trete si kandidaturë e Ramës në Strasburg ( i rrezuar dy herë nga Strasburgu) dhe na thonë ne “mos pengoni reformën”.

Na kërkojnë votën për të instaluar diktaturën... R.K.T.K” (r*** ku t'i kesh).

Edi Paloka, nënkryetar i PD-së

Ora 10:57
U konfirmua në detyrë, Ardian Dvorani: Situata në Gjykatën e Lartë është alarmante

Gjyqtari i Gjykatës së Lartë Ardian Dvorani e priti i buzëqeshur vendimin e Komisionit të Vettingut, që e konfirmoi në detyrë. Ai kishte një thirrje për kolegët, që të gjithë duhet të jenë përballë KPK në seancë, pavarësisht vendimit që mund të merret. Më pas Dvorani u ndal te situata te Gjykata e Lartë, e cila sipas tij është alarmante, pasi ky institucion ka mbetur me vetëm 6 anëtarë, ndërsa presin 24 mijë dosje për t’u shqyrtuar.

U paraqita në respekt të Kushtetutës dhe ligjit për t’u ballafaquar me komisionin personalisht dhe për të treguar të vërtetën. Gjyqtarët duhet të paraqiten kushdo qoftë vendimi. Ndihem mirë, që Komisioni e vlerësoi karrierën time dhe mënyrën e jetesës si pozitive dhe kjo më bën të përmirësohem edhe më tej në të ardhmen.

Gjykata e Lartë është në vështirësi objektive, pasi numri i gjyqtarëve nuk ka qenë i plotë, në vitin e fundit është i përgjysmuar dhe në këto momente, pasi disa nga kolegët janë të pezulluar dhe numri është i kufizuar. Ne po bëjmë të pamundurën për të përballur ngarkesën.

Por situata është alarmante, zgjidhjet nuk mund ti japë gjykata e Lartë, pasi nuk e plotëson ajo numrin e gjyqtarëve. Detyra jonë është që të gjykojmë cështjet emergjente, të zgjidhim ato që mund të zgjidhim.

Gjyqtari i Gjykatës së Lartë Ardian Dvorani

Ora 10:00
Vettingu konfirmon në detyrë gjyqtarin e Gjykatës së Lartë Ardian Dvorani

Komisioni i Pavarur i Kualifikimit ka konfirmuar në detyrë gjyqtarin e Gjykatës së Lartë Ardian Dvorani. Pas shqyrtimit të dokumentacionit dhe hetimit të thelluar, trupa e KPK deklaroi se gjyqtari është i përshtatshëm për të vijuar detyrën e gjyqtarit. Dvorani ashtu si seancën e kaluar dëgjimore edhe sot ishte i pranishëm përballë trupës së KPK.

Në pasurinë e Dvoranit, numërohet një apartament me sipërfaqe 120 m2 në pronësi të dy bashkëshortëve dhe dy apartamente të privatizuar më 1993 dhe 1995 me sipërfaqe respektivisht 103 m2 dhe 76.8 m2 dhe një makinë Skoda Otavia, blerë më 2016.

Gjyqtari ka deklaruar gjithashtu edhe një hua të dhënë nga prindërit për shlyerjen e apartamentit që ka në pronësi me gruan, ndërsa nuk ka deklaruar 9 milion e 900 mijë lekë nga ana e tij.

Në seancën e kaluar trupa e KPK deklaroi se gjyqtari i Gjykatës së Tiranës, Ardian Dvorani sipas raportit të ILDKPI nuk ka bërë një deklarim të saktë duke mosdeklaruar nëse ka apo jo burime të mjaftueshme për pasurinë e tij. Por, sipas KPK, ai nuk ka bërë fshehje llogarish apo të ardhurash por ka një deklarim të pasaktë për llogaritë bankare të tijat dhe të personave të lidhur me të.

Dvorani vetë u shpreh seancën e kaluar se mosdeklarimi ka ndodhur për shkak të ngarkesës së punës duke fajësuar edhe ILDKPI-në, e cila sipas tij nuk e kishte ftuar për të verifikuar pretendimet.

Ndërkohë që sot trupa e KPK e ka konfirmuar në detyrë. Për emrin e Ardian Dvoranit kishte mjaft akuza nga opozita në drejtim të kryeministrit, por Rama u përgjigj duke thënë se PD është e dëshpëruar nga pastrimi i pallatit të drejtësisë.

Ora 09:31
Arta Marku e pezulloi, Vettingu e shkarkon nga detyra Rovena Gashin, pasi nuk justifikon pasurinë

Komisioni i Pavarur i Kualifikimit ka vendosur shkarkimin nga detyra të prokurores Rovena Gashi për fshehje dhe pasuri të pajustifikuara. Gashi, ish-drejtuese e njësinë për dekriminalizimin në prokurorinë e Prokurorinë e Përgjithshme e njohur si krahu i djathtë i ish-kryeprokurorit Adriatik Llalla, por edhe për konfliktet me Arta Markun, pasi e pezulloi, sot është shkarkuar. Gashi nuk ishte e pranishme as seancën dëgjimore, por as sot kur u dha vendimi nga trupa e KPK e përbërë nga Genta Tafa, Pamela Qirko dhe Lulzim Hamitaj.

Problemet me pasurinë e Rovena Gashit
Sipas raportit të ILDKPKI, që u lexua në seancën e kaluar dëgjimore nga trupa e KPK, Rovena Gashi nuk justifikon pasurinë, nuk ka burime të ligjshme si dhe ka bërë deklarim të pasaktë. KPK ngriti dyshime për 16 apartamente në Durrës të cilat dyshohet se i përkasin Nuredin Gashit, babait të Rovena Gashit, të paktën sipas faturave të OSHEE, ndërsa prokurorja pretendon se babai i saj është administrator i pallatit. Ish-drejtuesja e njësisë për dekriminalizimin në prokurorinë e Prokurorinë e Përgjithshme është në hetim, bashkë me bashkëshortin e saj, Dritan Gina, për fshehje pasurie. Më herët, ata u pezulluan të dy me vendim të kryeprokurores Arta Marku.

Skeda e pasurisë së Rovena Gashit/ Raporti i plotë i KPK

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kafsha: 25/07/2018 21:54

    Po miljonat e padeklaruara qe studjojne femijet e tyre baj ga nëpër shkollat e botes, pará qe i kanë kaluar nëpër brekë e çorape, do i gjejnë? Te kontrollohen të gjitha pikat e wester unionit gjith këto vite me të cilat u kanë derguar pará te pista fëmijëve të tyre handikapate për të jetuar e studiuar jashtë shtetit!

    Përgjigju
  • Spiuni: 25/07/2018 20:53

    Po ky pse i mori borxh prinderve kur kisht 100 leke ne banke

    Përgjigju
    • Pllaka: 25/07/2018 21:14

      Po jo 100 leke po100 milion leke kishte dhe ka marre dhe u ka marr dhe borxh pleqve

  • Lulushi ta mbushi: 25/07/2018 18:29

    Njeri iken per nje kredi sa gjysma e shumes qe ky sdeklaron fare...tjetri iken se nuk justifikon 1/10 e atij qe kaloi dje...ok me standartin...le pastaj ai se i ishte arrestu kunati me cigare hashashi...si pallatin e bashes ne vlore do i paguajm keto horlliqet e brigadiereve bionde te KPK...megjithate eshte nje takse qe kumandari eshte gati ta paguaj vetem te beje tris...fundja nga xhepat e komentuesve do i paguaj...

    Përgjigju
  • kaloi dhe ky: 25/07/2018 18:27

    po plotesohet pamja.kalojne komunistat si dvorani me xhezairin mbeten jashte ata me kredi e pa parti.

    Përgjigju
  • I Takon: 25/07/2018 18:24

    epo Dvoranit i takon. eshte i afte shume aq sa harron te deklaroj cikerima si 100 milion. ska faj kush e di sa ka dhe i dalin nga mendja te varfrit se dhe mosha ben te veten. ti vene nje lines se do vdes ne gjykate te larte me sh.. neper kembe

    Përgjigju
  • katundari: 25/07/2018 18:22

    ONM-ja te bej punen se po merr leket tona e po ngre lart komunsitet nga e para

    Përgjigju
  • zemerata: 25/07/2018 18:21

    u mbyten ne borxhe e ketej 100 milion leke menjane

    Përgjigju
  • poshtersi: 25/07/2018 18:19

    domethene keta te vjetrit qenkan me te mire se te rinjte. i bie qe korupsioni qenka bere vitet e fundit

    Përgjigju
  • olala cu kenaqem: 25/07/2018 18:17

    ore neve qe sjemi prokuror e gjyqtar na kalon ky vetingu po takuam Ramen, se me sa duket keta ssshikokan pasurite po duhet te jesh si dvorani dhe Xhezairi lek plot. a pika thauj mbeti vendi ne dore te 10 budallenjve qe kane vene aty

    Përgjigju
  • ONM: 25/07/2018 18:13

    ju te ONM mesoni shqip si Luja se spo dini cpo ju perkthejne. po kaloni vetem gjqtaret e prokuroret e komunizmit sikur vini nga Rusia

    Përgjigju
  • i persekutuari: 25/07/2018 18:11

    cohuni o popull i mjere. se ju mbushen gjykata me bijte e komunisteve. nuk e shihni qe po heqin te rinjte me 3 mlion leke e po lene Dvoranra e zaganjorera me 100 milionsha e miliarda. i bashkon vetem ideali komunist

    Përgjigju
  • Vetingu: 25/07/2018 17:51

    Po si i mbuoi 100 milion ky apo apartia

    Përgjigju
  • Fieraku: 25/07/2018 17:22

    Cpo na degjojne veshet o Zot. Kalojne vetem ata qe jane te pasur . Po si i beri 100 milion leke ky se me rroga ste del hesapi. Vetem po jane shume te zote e bejne nga tre pune ne dite... po ku i gjejne se ketu sgjen dot nje pune jo tre. Apo partia....

    Përgjigju
  • Ptu: 25/07/2018 17:20

    Hallall Dvorani . ..doli me i forte dhe se Zaganjor harroi qe kishte 100 milon leke ne banke.... si punon printeri dhe memorja atij po i punon partise me keto veglat e qelbura qe kane vene dhe e shpeton... ky qenka vetingu. Ptu fare e poshter komuniste

    Përgjigju
  • Refat: 25/07/2018 12:24

    Po ca veting e budalliqe. Ky dvorani me shoke kane nga tre shtepi dhe kta leshkot e vetingut i justifikojne. Po mobiljet qe kane brenda kto apartamente sa kushtojne? Po bizhuterite e ktyre zotrinjve te nderuar? Po veshjet e ktyre dhe zonjave te tyre? Miljona euro. Veting alla shqiptarce.

    Përgjigju
  • Arbëri: 25/07/2018 11:53

    Si Duket edhe disa komentuesve ua ka fut frikën vetingu...!!! Arsyeja, nuk mundn të t’i korruptojn më as prokuror e as gjyqëtarë...!!!

    Përgjigju
    • Post Stalone: 25/07/2018 14:05

      Dovranin e kaluan... merrte minumumi nga 3 mij euro n dor pr ceshtje fare t vogla(sipas atij). Kt e di vet personalisht. Kta te tjeret si njof po jan t gjith milionera eurosh ne nje vend si Shqiperia ku rroga mesatare esht 40 mij lek. Parafolsi po flet per shkëlqesin e tij Çim HAJDARIN, qe nuk i shkon leku që ka bër prokuror në Shkoder se sdi te lidhi 2 fjal edhe esht i mbushur me zbokth e vjen era djers nga koka te kembet. Kryeinspektori i Inspektoriatit Qendror llum i shoqeris shqiptare. Bravo intelektuali dhe "çun tirone" z. EDI RAMA edhe ti funderrin si gjith te tjeret. Digjen greket e shkret nuk digjen kto fara t kqija shqiptare

    • @Arber: 25/07/2018 12:39

      Jo o Arber jo asnje nga ne ketu nuk kemi frike nga vetingu se nuk ka arsye perse. Por keta vetingashet po na e hedhin punen poshte, kaq kuptoje ti se ke dhe emrin e djalit te nje ish prokurori gjobevenes qe i shpetoi vetingur dhe qe Rama e ka vene K/inspektor.

  • Kanan Djali: 25/07/2018 11:14

    Ju dhjevsha mu ne veting,futjani te Sales dhe lerini te Rames!! Keta jane krimbur ne lek dhe korrupsion. Tani sju beson me njeri fare,iku edhe kjo pune...

    Përgjigju
  • Fredi: 25/07/2018 11:07

    Larje e m**i me shu**e! Hoqen Rovenen e bukur se nuk e meritonte por konfirmuan tre te tjere qe NUK E MERITONIN! Zagarnjorin, Faqollin dhe Dovranin. Kush nga keta te tre do ge kishte falur ndonje nga ne po te kishim 1 milion euro pasuri te parregullt (shmangje tatimi, shkollim i femejeve etj) ose " te harronim " 100 milion leke pa deklaruar? He Fa-ik fol te verteten, kete prisje nga vetingu? Imagjino se cfare do behet me ata te vegjlit poshte qe nuk do kene ve,e djen e publikut? Pazar i madh, interesa te medha mafioze.

    Përgjigju
    • Fredi: 25/07/2018 16:03

      Hahahaha o Tir nuk ja thashe per ta ngacmuar por per ta kuptuar.

    • Titi: 25/07/2018 13:42

      Faiku është shtruar në spital me skallo. Të lutem Fredo mos e shqetëso më...

  • Shqiptari: 25/07/2018 11:04

    Vettingu te shkrihet , eshte turp dhe fatkeqesi per ne, "kupola" eshte e pathyeshme...

    Përgjigju
  • Ilo: 25/07/2018 09:55

    Po kjo torollakja nuk e kuptonte se bashke me Tikin i ishte vene viza edhe sherbetoreve te tij

    Përgjigju
    • raul: 25/07/2018 12:26

      a thua do hape zyre bashke me Tikun njeri avokat , tjetri noter,,,

  • Sondazhi i ditës:

    Varianti afrikan mbërrin në Europë, a duhen ashpërsuar masat anti-Covid edhe në vendin tonë?



×

Lajmi i fundit

John

'Një Gjuhë, Një Abetare'/ Kryetarja e Kuvendit: Kam marrë nismën që Dita e Alfabetit të jetë Festë Kombëtare! Ministrja Arsimit: Nga viti i ardhëm Kosova dhe Shqipëria do të kenë një abetare të njëjtë