Grabitet kambisti para shtëpisë në Cërrik, nën presionin e armës i vidhen 1.4 mln lekë

CERRIK-Kambisti dem Ngjela mëngjesin e kësaj të shtune ka rënë pre e grabitësve. Ngjarja u regjistrua rreth orës 06:30 minuta kur 51-vjeçari po dilte nga banesa për të shkuar në punë. Sipas tij personi po e priste diku përballë një dyqani duraluminesh, pranë banesës së tij. Ai qëndronte i qetë dhe ishte i pa maskuar. Kambisti ka futur lekët në kroskot, rreth 1.4 milion lekë dhe po bëhej gati të nisej. Kur ai i është afruar dhe e ka kërcënuar me jetë. Në moment kambisti Ngjela ka menduar se mos ka qenë një pistoletë lodër për t’a frikësuar. Por kur ai i është afruar më shumë dhe ia ka drejtuar, atëherë është larguar me vrap për në banesë.

Si zakonisht dola nga shtëpia në orën 06:30, hap makinën, me lekët me vete, hap kroskotin fut lekët në kroskot. Hedh vështrimin, personi rrinte i ulur. Thashë të kontrolloja makinën për ujë, kur shoh personi ishte afruar. Nxorri pistoletën e më tha: Je i vrarë po bëre një lëvizje. Unë u largova me vrap për në banesë.

Adem Ngjela, Kambist

Ndërkohë që ai ka dhënë alarmin duke kërkuar ndihmë se po e grabisnin. Komshiu i katit të dytë ka dëgjuar një zhurmë motori diku në anë të rrugës në një qoshe, çfarë bën të dyshosh se grabitësi nuk ka qenë i vetëm.

LEXO EDHE:
Vlorë/ Me pistoletë lodër grabitën 2 kalimtarë dhe një pikë karburanti, arrestohen 2 të mitur dhe 20-vjeçari (VIDEO)

Duke hyrë në shtëpi, unë bërtita:”Ndihmë, po më grabisin, policia.” Komshiu i katit të dytë tha që: “Dëgjova një zhurmë motorri që ishte në rrugicë.” Shuma e parave ishte 14 milionë e ca (të vjetra)

Adem Ngjela, Kambist

I pyetur nëse ishte i maskuar ai tregon se ka qenë pa maskuar fare. Ishte rreth 40 vjeç, i shëndoshë rreth 1.75 i gjatë dhe se nëse e sheh e njeh direkt.

Gjithashtu kambisti Adem Ngjela tregon se nuk nuk ka dyshuar më parë. Por fakti që ata i kishin çarë dhe gomën, detaj që ai e ka mësuar më pas dëshmon se grabitësit e kishin studiuar mirë për të kryer grabitjen. Policia e Elbasanit në njoftimin për mediat sqaron se pas denoncimit të administratorit ka nisur hetimet për të zbardhur ngjarjen.

Kambisti A.Ngjela që pretendon së është grabitur

Administratori i pikës së këmbimit valutor A.Ngjela ka deklaruar se kishte 1.4 mln lekë në makinë dhe po shkonte ne biznesin e tij në Elbasan në momentin që u grabit. Report tv siguron pamjet e makinës së administratorit para banesës në lagjen nr. 1 në Cërrik që denoncoi grabitjen. 

Makina para banesës së administratorit të  ‘Exchange’ në Cërrik

Policia e Elbasanit në njoftimin për mediat sqaron se pas denoncimit të administratorit ka nisur hetimet për të zbardhur ngjarjen.

Në lagjen nr.1, Cërrik , rreth orës 06.40 minuta, shtetasi A. Ngjela 51 vjeç, deklaron se në momentin që ka futur lekët në makinë, në afërsi të mjetit një person i pa maskuar dhe me një armë dyshohet pistoletë i ka kërkuar lekët, ku dhe i ka marrë. Menjëherë në vendngjarje ka shkuar grupi hetimor ku po punon për sqarimin e rrethanave të ngjarjes, identifikimin dhe kapjen e autorit.

Njoftimi i policisë së Elbasanit

E ndërsa policia ka nisur hetimet për ngjarjen, vetëm ditën e sotme janë raportuar edhe dy grabitje të tjera në Lezhë dhe në Vlorë.

TAG:
• grabitje
• cerrik
• Exhange

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  24.9%

• Keq

  61%

• Nuk e di

  14.1%

Vota total: 1642

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di