'Greqia nën presionin e BE-së për bllokadën ndaj Shqipërisë', Kathimerini: Jo vetëm Scholz, edhe presidenca spanjolle e acaruar me Athinën

Athinë - Greqia po përballet me presionin e Bashkimit Europian për bllokadën që ka vendosur t'i bëjë Shqipërisë në rrugën e saj drejt integrimit në BE.

Gazeta greke 'Kathimerini' shkruante në një shkrim të publikuar vonë me titull: 'Greqia nën presionin e BE-së për Shqipërinë' se konsultimet intensive diplomatike po zhvillohen me Greqinë me qëllim që të pranojë të dërgojë një letër në emër të Këshillit Evropian në Tiranë, në mënyrë që Shqipëria të hapë negociatat për tre grup-kapitujt e parë.

Diskutimi përkatës pritet të zhvillohet në takimin e përfaqësuesve të përhershëm në BE (Coreper) të mërkurën ( pra sot, 29 nëntor), pasi Shqipëria përfundoi me sukses fazën e parë të negociatave të anëtarësimit në BE (procesin e screening) të premten e kaluar pas 14 muajsh konsultime.

Nuk është sekret se Athinës i është bërë presion, shkruan Kathimerini, duke cituar burime diplomatike evropiane të cilat i kanë thënë se kancelari gjerman Olaf Scholz ka deklaruar përmes kanaleve diplomatike se procesi i anëtarësimit nuk duhet të jetë një çështje dypalëshe. Madje, sipas një zyrtari evropian, edhe presidenca spanjolle e BE-së shfaqet veçanërisht e acaruar me qëndrimin e palës greke, shkruan gazeta greke Kathimerini.

Në këtë sfond, Greqia nuk mundet, thanë burime diplomatike, të vazhdojë bllokimin e letrës në fjalë për një kohë të gjatë pas përfundimit të procesit të shqyrtimit të Shqipërisë. Për shkak të kësaj, dhe në rast se përfundimisht vendos të dërgojë letrën e lartpërmendur nga Këshilli Evropian, Athina po shqyrton hapësirën për "bllokimin" e fazës tjetër të procesit përkatës, i cili përfshin një raport që përshkruan të gjitha standardet për atë që tashmë ose duhet të ishte përmbushur nga Tirana (raporti i përhershëm i anëtarësimit), si dhe thirrja e një konference ndërqeveritare përkatëse.

Greqia është zotuar të bllokojë aspiratat e Tiranës për në BE për sa kohë nuk zgjidhet çështja e kryebashkiakut të zgjedhur etnik grek Fredi Beleri, i burgosur që prej muajit maj, në Shqipëri, duke theksuar se të drejtat e tij të njeriut po shkelen.

Në përgjigje të akuzave që synojnë Greqinë për ta bërë çështjen dypalëshe, ministri i shtetit Stavros Papastavrou theksoi se qëndrimi i Athinës ka të bëjë me mbrojtjen e parimeve evropiane.

“Çështja Beleri është thellësisht evropiane, nuk është dypalëshe. Ka të bëjë me respektimin e shtetit të së drejtës,” tha Papastavrou.

Ndërkohë qeveria shqiptare është deklararuar e prerë se cështja Beleri është në dorë të drejtësisë dhe nuk do të ndërhyjë.

Çfarë po ndodh?

Komisioni Evropian ka rekomanduar fillimin e bisedimeve  për tre grup-kapitujt e deri në fund të vitit 2023. Këta kapituj janë nga më të rëndësishmit pasi kanë të bëjnë me demokracinë, funksionimin e institucioneve demokratike dhe prokurorimet publike. Që bisedimet të hapen duhet mbështetja unanime e 27 vendeve në Këshillin Europian të shteteve anëtare të BE.

Më 11 nëntor 2023 Greqia vendosi të mos i bashkohet shteteve të tjera antare të BE-së për të plotësuar kërkesën e komisionit Evropian drejtuar Këshillit Evropian për hapjen e negociatave për tre grup-kapitujt e parë.

Më 14 nëntor në një konferencë të përbashkët, në Berlin, me kryeministrin grek Kyriakos Micotaqis, Kancelari gjerman Olaf Scholz u shpreh kundër bilateralizimit të procesit të zgjerimit të BE.

"Në të kaluarën, jam angazhuar shumë me vende të ndryshme për të siguruar që të mos ketë asnjë bilateralizim që do të pengonte përparimin e këtij procesi dhe po punojmë që kjo të vazhdojë të jetë e mundur në të ardhmen” theksoi kancelari socialdemokrat

Scholz tha se është e nevojshme të shkohet drejt afrimit të mëtejshëm të vendeve të Ballkanit Perëndimor, të cilave iu dha premtimi për anëtarësim pikërisht 20 vjet më parë në Samitin e Selanikut 2003.

Nga ana e tij kryeministri Edi Rama është shprehur disa herë se nuk e besonte se Greqia do bllokonte Shqipërinë

‘Do të ishte shumë jo serioze që Shqipëria që njihet botërisht si një vend krejt ndryshe nga ai që ishte, qoftë nga opinioni ndërkombëtar i përgjithshëm që është kthyer në një vend që nuk mungon në asnjë nga top listat e destinacioneve më të preferuara turistike, qoftë nga opinioni i institucioneve ndërkombëtare, e patë progres raportin për Shqipërinë, të bllokohet për një çështje që s’është fare një çështje e Bashkimit Europian, s’është fare një çështje e integrimit europian, s’është fare një çështje e kornizës negociuese të Shqipërisë me Bashkimin Europian, por është një çështje që dhe në aspektin bilateral, sipas meje është minore në raport me çështjet e rëndësishme të interesit të përbashkët strategjik mes nesh dhe Greqisë' deklaroi Rama në një konferencë për median më 24 nëntor 2023

Shkrimi në "Kathimerini' është me gazetar Vassilis Nedos , Alexandra Voudouri.

S.G/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sunny tirana: 29/11/2023 22:38

    Beleri eshte sebepi. Ne te vertet greket nuk e duan shqiperine ne evrope. Jane ushqyer historikisht me copa teritoresh shqiptare dhe nuk jetojne dot ndryshe. Tani duan himaren. Po ahqiperia ne dore ka gurin e sigurise ballkanike. Dhe kjo eshte shume e rendesishme per evropen e cila nuk do e lere greqine te luaj kaq rende me shqiperine.

    Përgjigju
  • David: 29/11/2023 19:37

    Olaf Scholz te kerkoj hetim per pagesat e grekeve e fondeve greke europiane qe shkojn per pensione minoteritaresh fallco dhe per letrat fallco qe ben greqia per qytetaret shqiptar qe i ben me letra dhe i merr leke. Per keto duhet te heroje komisioni europian, e pastaj te na tregoje integritetin europian greqia

    Përgjigju
  • vaso: 29/11/2023 13:54

    Nuk e pyet njeri ne BE Greqine sepse eshte nje rast i ndyre dhe flagrant qe greket futin hundet e ndyra ne punet e brendshme te drejtesise Shqiperise jane aq te pa fytyre qe me gjith se jemi ne NATO akoma ngerejne ligjin e luftes.Shqiperia eshte shtet sovran por brenda saj ka qarqe anti kombetare si Sali non grata e Ilir floriri qe bejne zgjedhje anti kombetare si zgjedhja e pleres Beleri.

    Përgjigju
  • ALB Patriot: 29/11/2023 11:48

    Greqia, ne kete rast (e jo vetem ...), po deshmon nje MENTALITET BALLKANAS, PROVINCIAL, e jo "EVROPIAN" te zgjidhjes se mosmarreveshjeve. Kjo eshte, ne fjale polpullore, "te futesh hundet" ne punet e brendshme te nje SHTETI TE PAVARUR!

    Përgjigju
  • Arben: 29/11/2023 10:03

    Beleri te kalbet ne burg sepse ne Shqiperi korrupsionin nuk ta fal kush! Kemi ligje si shtet dhe kode morali si vend, nuk jemi vend kot si Greqia! BE duhet te nise procedurat per perjashtimin e Greqise nga BE, pastaj nga NATO te perjashtohet e me pas ti kthehen territoret e grabitura Shqiperise!

    Përgjigju
  • Alb: 29/11/2023 09:54

    Nje shtet si greqija dhe serbija si komundohe nga kisha ca prete.

    Përgjigju
  • Linda: 29/11/2023 06:00

    Gazeta Kathemerini te kujtoj pak se kur hyri Greqia ne Evrop deklaroi ne parlamentin evropian shifra te rreme nga ato realet!

    Përgjigju
    • Daniel: 29/11/2023 19:41

      Po sepse jep 500 euro pensione (pagesa te fondeve greke-EUROPIANE) dhe shtetesi me pagese shqiptareve. Per kete duhet pyetur mitsotskis, e madje, te hetojet nga parlamenti europian per fallcitetet

  • Bre greqi: 29/11/2023 02:52

    Po ik o greqi se nuk te llogarit asnje shtet ,, dhe ndalo te qarat neper europe ,, shtet legen!!

    Përgjigju
  • Bejler biruc: 29/11/2023 02:39

    Athina nuk po bllokon Shqiperinë, por ajo po bën politikat ruse të bllokimit të zgjerimit e Bashkimit Europian duke dëmtuar dhe veten në këtë proces. RasPutini është krenarë për ju.

    Përgjigju
  • Sondazhi i ditës:

    Amnistia do votohet në Kuvend, a duhen falur protestuesit e opozitës?



×

Lajmi i fundit

Amnisti për zyrtarë të korruptuar? Manja i përgjigjet Bardhit: Gënjeshtar, u bashkove me Nokën dhe ‘fluturuat’ të vërtetat në drejtim të paditur

Amnisti për zyrtarë të korruptuar? Manja i përgjigjet Bardhit: Gënjeshtar, u bashkove me Nokën dhe ‘fluturuat’ të vërtetat në drejtim të paditur