I pari dhe i vetmi deri më sot që e futi fjalën “Kazan” në identifikimin e programeve specifike televizive me të ftuar në studio që debatojnë fort me njëri tjetrin, kryesisht për çështje të politikës, është kryeministri Rama. Ka kohë që ai e ka hequr nga fjalori i tij këtë shprehje, por efekti në publik ka mbetur dhe shpesh, kur njerëzit komentojnë nëpër rrjetet sociale, i drejtohen me fjalën “Kazan” një medie të caktuar.
Në pamje të parë duket sikur fjala “Kazan” është një shpikje e Ramës që e nxori nga hiçi. Gjithkush mund të mendojë se ai me këtë fjalë do që t’i fyejë mediet duke i krahasuar në ligjëratë të drejtë me “kazanin”, i cili është një “enë e madhe prej bakri ose alumini, e rrumbullakët dhe me dy veshë, që shërben për të zier ujë, ndërresa, gjellë, raki, etj”. Kështu përcaktohet kjo fjalë nga fjalori i gjuhës shqipe.
Por kryeministri Rama, si njeri i lexuar që është, kur i drejtohej medieve si “Kazan” nuk ka pasur si qëllim shprehjen që citova më lart e që të gjithë kanë pandehur. Them “të gjithë”, sepse deri më sot nuk kam ndeshur askënd që ta trajtojë ashtu siç në të vërtetë duhet.
Mos u çudisni, por nëse ka “fajtor” për fjalën “Kazan”, ata janë baballarët e gjuhës sonë shqipe. Pikërisht ata të cilëve u referohet edhe Rama.
Ja se si e shpjegon ndryshe fjalori i gjuhës shqipe kuptimin e fjalës “Kazan”: “Vendi ku zhvillohet vazhdimisht një veprimtari e ethshme, ku zien lufta e mendimeve etj.; vendi ku përpunohet një mendim për të mashtruar të tjerët, burimi nga lind dhe përhapet një trillim, një shpifje etj.”
Në jo pak raste, emisionet televizive të mbrëmjes janë bërë zëdhënës të këtij përcaktimi të saktë që i ka bërë fjalori i gjuhës shqipe. Janë përmendur prej të ftuarve aty, në një kohë të caktuar, të ashtuquajturat fakte të cilat, më pas, koha ka treguar se kanë qenë thjesht trillime dhe shpifje. Ama, po ata drejtues emisioni, e po ata të ftuar që e kanë nxjerrë shpifjen nga goja, nuk kanë reaguar më pas me një ndjesë publike për papërgjegjshmërinë që kanë treguar.
Rasti më flagrant, ndër shumë të tjerë, ka qenë telenovela “Babale”, me një personazh të neveritshëm i rekrutuar tek llumi i qytetit bregdetar nga një tjetër personazh i pështirë që mbante edhe “spaletat” e përfaqësuesit të popullit opozitar dhe që atë mandat shumë të nderuar, e përdorte për maskarallëqe montimi zërash tjetër për tjetër, vetëm e vetëm që nëpërmjet komplotit, i cili merrte shtysë nga SHQUP-i, të bënte pis një personalitet të lartë publik e politik, ish-ministrin e Brendshëm Xhafaj.
Ndaj, rrini të qetë dhe mos merrni kot kur dëgjoni fjalën “Kazan”. Nuk është fjalë e huazuar, nuk është fjalë e shpikur, nuk është aspak fyese. Është thjesht një citim domethënës nga fjalori ynë i gjuhës shqipe dhe që përmbledh më së miri brenda saj, realitetin që ndodh shpesh nëpër studiot e debatit televiziv. Shpresoj që pas këtij sqarimi, askush të mos kompleksohet më kur të identifikohet me “kazanin”. Nuk bëhet fjalë për atë enën e rrumbullakët me dy veshë, por për një lloj “Salianjizimi” të debatit politik. Ndoshta kështu duhet identifikuar tani e tutje debati që ka thelbësor shpifjen dhe trillimin.
Komente
Lajme të tjera
-
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Nesër publikohet drafti i fjalorit të madh të Gjuhës Shqipe, Rama: E hedhim në konsultim publik! Të mbrojmë shqipen nga barbarët e rrjeteve sociale
21 Nëntor, 10:58 -
Nis së shpejti projekti i ripërtëritjes së Ujërave Termale të Bënjës në Përmet, destinacion që preferohet nga turistët
21 Nëntor, 08:16
Salianj cari pederasti
Përgjigju