POP 5

Lajmet më të lexuara të 5 minutave të fundit

Politikë

Kongresi i PS/ Zbardhet programi, ende mister kandidatura për Durrësin

Ende mister se kush do të jetë kandidati që do të garojë për Bashkinë e Durrësit. Teksa PS do të ndalojë kandidimet për një mandat të tretë, në Kongresin e PS do të mungojë kandidatura që pritet të zëvendësojë Vangjush Dakon.

Kongresi i PS/ Zbardhet programi, ende mister kandidatura për Durrësin

Kryetari i PS -së Edi Rama

Report Tv zbardh programin e Kongresit Elektoral të Partisë Socialiste që do të mbahet ditën e shtunë. Një nga shtyllat kryesore të kongresit është edhe prezantimi i kandidatëve për kryetar Bashkie, të cilët tashmë kanë marrë konfirmimin për rikandidim apo si kandidatë të futur rishtazi. Në program bie në sy që në pjesën më të madhe të bashkive kryesore kandidatët janë konfirmuar, por Bashkia e Durrësit mbetet ende pa kandidat. PS ka vendosur që kandidatët që kanë tre mandate të mos rikandidohen siç është edhe rasti i Vangjush Dakos, por për zëvendësimin e tij duket se Rama nuk ka ende një kandidaturë.

Siç edhe Durrësi, edhe Qazim Sejdini, kryebashkiaku i Elbasanit ka bërë tre mandate, por këtu është gjetur kandidatura.  Gledian Llatja, që mban postin e Prefektit të Qarkut do të mbajë fjalën në Kongres për të shpalosur platformën e tij elektorale.

Konfirmim për kandidim për kryebashkiak të Lezhës ka marrë edhe deputeti Pjerin Ndreu, i cili e ka shfaqur që herët ambicien për të garuar përball Fran Frrokajt.

Platofrmat e tyre, për tu kërkuar qytetarëve një tjetër mandat 4 vjeçar si kryebashkiak,  pritet ti lexojnë në Kongres edhe kryebashkiaku i Fierit, Armando Subashi, Sotiraq Filo në Korçë, Dritan Leli në Vlorë dhe Majlinda Bufi në Roskovec.

Tirana do të jetë i vetmi qark, që veç kandidaturës tashmë të rikonfirmuar të Erion Veliajt për një mandate të dytë do të prezantohen edhe  kandidatët për Këshillin Bashkiak.

Ndërkohë veç pikës “Bashkia që duam”, shtylla kryesore të kongresit do të jenë platforma e bashkëqeverisjes, programi për integrimin e Shqipërisë në Bashkimin Europian, Edukim Cilësor dhe Punësim për të Rinjtë si dhe Reforma Zgjedhore e Vota e Emigrantëve. Punimet e Kongresit do të hapen me fjalën përshëndetëse të sekretarit të Përgjithshëm, Taulant Balla dhe pas prezantimit të kandidatëve për kryebashkiak do të mbajë fjalën kryeministri Rama.

Programi i Kongresit Elektoral të PS

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Durresaku: 21/03/2019 01:47

    Vote per DAKON shkaterrim I DURRESIT

    Përgjigju
  • Whitesnake: 20/03/2019 20:52

    Vangjush Dako eshte ikona e PS Durres dhe njeriu qe unifikohrt me drejtimin e duhur te Bashkise! Ec aty Van Dako!

    Përgjigju
  • redi: 20/03/2019 15:40

    Ed Rama ne rast se do te fitish Durresin vendis nje durrsak nga familjet e vjetra , qe ti dhimbeset Durrsi dhe te punoj jo si ata qe deri sot vec e demtuan ate . Ke dhe ti gjak dursaku prandaj vepro . Gjushi eshte cikel i mbyllur

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Nuk hani mëngjes? Ja dëmet që i shkaktoni shëndetit tuaj duke shmangur këtë vakt të rëndësishëm

Nuk hani mëngjes? Ja dëmet që i shkaktoni shëndetit tuaj duke shmangur këtë vakt të rëndësishëm

24 Nëntor, 07:35