Kulluri në Report Tv: Çelësi i ndryshimit është reformimi i të djathtës, s'ka Lulzim Bashë ta ndalojë! E finalizojmë këtë javë

Ish-anëtari i Këshillit Kombëtar të Partisë Demokratike Edvin Kulluri foli në Repolitix për lëvizjen kundër liderit të PD Lulzim Basha. Kulluri tha se çelësi i ndryshimit  për zgjidhjen e krizës politike është reformimi i të djathtës. Kulluri tha se lëvizja që ka nisur bashkë me disa kolegë të tjerë të djathtë mund të finalizohet këtë javë, ndërsa u shpreh se ndryshimin e partisë 'Nuk ka Lulzim Bashë që ta ndalojë'.

" Me politikë duhet të merren më të mirët. Sot jemi në një mediokritet të paprecedentë. Nga PS nuk pres ndonjë revolucion. Çelësi i ndryshimit sot është reformimi i të djathtës. Bashkë me disa kolegë kemi nisur një tur reformimi i cili besoj se këtë javë do të finalizohet. Sepse demokratët nuk i pyet askush, Unë bashkë me zonjën Harxhi e kemi propozuar një strukturë të re. Ne e kemi nismën brenda partisë. Nëse PD do të ndryshojë partinë nuk ka Lulzim Bashë që ta ndalojë. Shqiptarët nuk mund të rrinë me sytë nga perëndimi. Lideri duhet të dalë me votë. Nuk më ndalon dot ai që të takoj njerëz. E para punës kemi nisur bisedimet me njerëzit se çfarë duhet të bëjmë. Nëse interesi i qytetarëve është jashtë politikës, politika ka dështuar. Sot po votojnë vetëm 20 vetë. Ne e kemi shtruar si pyetje brenda partisë, ku janë votat dhe mendimet e shqiptarëve", u shpreh Kulluri.

Lajmi kryesor:

Ngjela në Report Tv: Me sistemin e ri, as Rama dhe as Basha nuk do zgjidheshin deputetë

TAG:
• lulzim basha