Kurti: S’kemi pse të ndryshojmë ne! Nuk firmos marrëveshjen e ‘Ballkani i Hapur’ se nuk figurojnë fjalët ‘kufi e shtet’ për Kosovën se nuk do Serbia

Në konferencën për shtyp që pati pas takimit me kancelaren gjermane, Angela Merkel, kryeministri Albin Kurti tha se Kosova nuk ka asnjë arsye pse të ndryshojë, por thekson se presioni duhet të vihet ndaj Serbisë, për ta njohur atë si një shtet i pavarur.

Në një kohë kur në kuadër të nismës ‘Ballkani i Hapur” janë hedhur në tryezë disa marrëveshje, Kurti vë theksin se zgjedh që të mos i firmosë ato për aq kohë sa në asnjë rresht të tyre nuk shqiptohen fjalët “shtet, qeveri, kufi, territor”. Një gjë e tillë, ka shtuar ai, do të tregonte se Kosova nuk është një shtet i pavarur dhe do i jepej e drejta Serbisë.

“Pse u dashka të ndryshohet nga Kosova që udhëhiqet prej meje si ish i burgosur politik dhe jo Serbia që udhëhiqet prej ministrit të informatave të Milloshevic, trysnia nuk duket të jetë nën Kosova. Janë 4 marrëveshje që po planifikohen që mund të rrumbullakosin procesi i Berlinit. Udhëtimi me karta identiteti dhe udhëtimi i vendeve të treta kur hy në një vend të kalojë në të gjitha dhe njohja e diplomave dhe atyre profesionale. Serbia ka refuzuar që të ekzistojnë fjalë si kufij, vend, shtetësi, qeveri etj. Është refuzimi i Serbisë që na ka lënë pa marrëveshje. A do të ndryshoj në Slloveni në 6 tetor, mbetet të shihet. Procesi i Berlinit pas kancelares do të vijojë, por çfarë do të jetë forma dhe formati nuk mund ta them, por nuk besoj se do ketë ndryshime thelbësorë, pashë një interesim të theksuar që pas saj, ky proces të forcohet. Po përgatitemi që të zbatojmë reciprocitetin e Serbinë, e kemi respektuar dhe te të drejtat e pakicave, serbët në Kosovë kanë të drejtë vetoje, ndërsa shqiptarët në Preshevë e Bujanovc u heqin adresat”, tha Kurti.

Lajmi kryesor:

Kurti flet pas takimit me Merkel: Nuk firmos marrëveshjen e ‘Ballkani i Hapur’ se nuk figurojnë fjalët ‘kufi e shtet’ për Kosovën se nuk i do Serbia! S'di për çfarë teorie konspiracioni thotë Rama

B.K./Shqiptarja.com

TAG:
• Tirane
• Albin Kurti
• angela merkel
• Merkel ne tirane