POP 5

Lajmet më të lexuara të 5 minutave të fundit

Kronikë

Shifrat ZYRTARE të donacionave për rindërtimin: Kryeson KE me ndihmën më të madhe! 295.7 mln € dhuratë ndaj Shqipërisë

Komisioni Evropian ka publikuar shifrat përfundimtare për paratë e mbledhura në Konferencën e Donatorëve.  Janë mbledhur në total 1 miliardë e 152 milionë euro, ku 295.7 milionë euro janë grante, 853 milionë është kredi dhe 3.4 milionë euro janë ndihma për mallra. Komisioni evropian renditet i pari për ndihmën e dhënë.

Komisioni Evropian ka publikuar shifrat përfundimtare për paratë e mbledhura në Konferencën e Donatorëve.  1 miliardë e 152 milionë euro i është ofruar Shqipërisë në nga vendet pjesëmarrëse për rindërtimin e banesave. Nga kjo vlerë e vënë në dispozicion si për ndërtimin ashtu edhe për riparimin e dëmeve rreth 295.7 milionë euro janë ndihma pra grante, 853 milionë është kredi dhe 3.4 milionë euro janë ndihma për mallra.

Donatori më i madh ka qenë Komisioni evropian, i cili ka dhënë 115 milionë euro grante, ndërsa po të marrin vlerën e KE së bashku me vendet e BE dhe Bankën e Evropës shifra e premtuar arrin në 154.3 milionë euro grante dhe 246 milionë euro kredi.

Pas komisionit evropian vijnë Emiratet e Bashkuara Arabe, të cilat kanë dhënë 70 milionë euro vetëm ndihma, e ndjekur më tej nga Turqia e cila ka vënë në dispozicion të Shqipërisë 44.7 milionë euro grante.

Më pas me vlerën më të madhe të fondeve të premtuara janë Franca me 61 milionë euro, ku vetëm 1 milionë është dhuratë ndërsa pjesa tjetër prej 60 milionë është kredi. Italia është shteti tjetër që ka deklaruar shifrën prej 91 milionë euro, ku 86 milionë janë kredi dhe 5 milionë janë grante.

Më pas vjen Gjermania e cila ka premtuar 11 milionë euro grante, për rindërtimin e banesave, e ndjekur më pas nga Zvicra me 9 milionë euro grante, Suedia 5.6 milionë euro grante.

Katari po ashtu ka ofruar 4.6 milionë euro Grante, më pas SHBA me 4.4 milionë dhe Holanda 3 milionë euro grante.

Ndërsa Austria, Kroacia, Danimarka, Japonia, Holanda, Polonia dhe Irlanda në total kanë dhënë rreth 15.6 milionë euro. Vlera më e vogël e granteve dhe kredisë e vënë në dispozicion ka qenë nga Qipro me vetëm 20 mijë euro dhuratë.

 

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Pentagoni do të dërgojë 1.500 trupa aktive në kufirin me Meksikën, thonë zyrtarët

Pentagoni do të dërgojë 1.500 trupa aktive në kufirin me Meksikën, thonë zyrtarët

22 Janar, 20:54