POP 5

Lajmet më të lexuara të 5 minutave të fundit

Politikë

LSI ia kujton të gjitha 'nderet' Lulzim Bashës: Qylaxhiu Brava as nuk do të ekzistonte pa ne, s'do ishte bërë kurrë ministër! Fitoi në Tiranë prej Hysni Milloshit e votave tona

Lufta mes Lulzim Bashës dhe Lëvizjes Socialiste për Integrim, që kur kjo vendosi të futej në koalicion me Sali Berishën në zgjedhjet e 6 marsit, sa vjen e po intensifikohet. Përmes një mesazhi sot LSI i ka kujtuar Bashës se sipas tyre ai nuk do të ekzistonte fare pa partinë e Kryemadhit dhe Metës.

LSI ia kujton të gjitha 'nderet' Lulzim Bashës: Qylaxhiu Brava as nuk do të ekzistonte pa ne, s'do ishte bërë kurrë ministër! Fitoi në Tiranë prej Hysni Milloshit e votave tona

Lulzim Basha dhe Monika Kryemadhi

Lufta mes Lulzim Bashës dhe Lëvizjes Socialiste për Integrim, që kur kjo vendosi të futej në koalicion me Sali Berishën në zgjedhjet e 6 marsit, sa vjen e po intensifikohet. Përmes një mesazhi sot LSI i ka kujtuar Bashës se sipas tyre ai nuk do të ekzistonte fare pa partinë e Kryemadhit dhe Metës.

"Brava s'do të ishte bërë kurrë Ministër në vitin 2005 nëse LSI nuk do t’i hiqte 18 mandate Fatos Nanos. Brava s'do të bëhej kurrë Ministër i Brendshëm në vitin 2009 pa votat e deputetëve të LSI në parlament. Brava s'do ta kishte parë kurrë as në ëndërr derën e Bashkisë së Tiranës pa 23 mijë votat e LSI dhe pa 1500 votat e Hysni Milloshit, që u regjistrua në zgjedhje nga këshilltarja bashkiake e LSI. Brava s'do të ishte bërë kurrë as në ëndërr kryetar i PD në qoftë se nuk do të ishte kryetar bashkie", shkruhet në faqen zyrtare të LSI në Facebook.

Në mesazh thuhet se LSI e shpëtoi Bashën edhe kur ishte reforma në drejtësi.  

Bravën do ta kishin përzënë si qen dhe PD do të shkatërrohej, do copëtohej në momentin e Reformës në Drejtësi në qoftë se s'do të ishte Ilir Meta kryetar i LSI  dhe i Parlamentit që e shpëtoi duke e futur Bravën në proces dhe duke iu imponuar edhe ndërkombëtarëve për ta pranuar. Brava do të ishte asgjësuar politikisht me kohë po të mos kishte qenë Ilir Meta kryetar i LSI, që nuk pranoi kurrë zgjedhje pa PD. LSI duke i besuar Bravës së telekomanduar nga Rama dogji mandatet dhe nuk mori pjesë as në zgjedhjet lokale. Por çdo gjë mund të pritet nga ky mashtrues i shitur të cilin nuk e voton as gruaja e tij që ka 18 vjet që nuk ka shtetësi shqiptare. Brava, qyli mbaroi e bashkë me të erdhi edhe fundi yt se ti pa qyl nuk jeton dot asnjë minutë. Kaq për sot", thuhet në mesazhin e Lëvizjes Socialiste për Integrim.

Kujtojmë se në një intervistë ekskluzive për Report Tv, kryetarja e Lëvizjes Socialiste për Integrim, Monika Kryemadhi, tha dje se po aq kundërshtar sa Ramën, ka edhe Bashën. Kujtojmë se në një intervistë ekskluzive për Report Tv, kryetarja e Lëvizjes Socialiste për Integrim, Monika Kryemadhi, tha dje se po aq kundërshtar sa Ramën, ka edhe Bashën.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Une: 02/02/2022 16:04

    Kokat hengshin. Mashtrues edhe hipokrite te tere

    Përgjigju
  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Vizita e shpejtë e Melonit në Mar-a-Lago! Trump: Ajo ka ‘pushtuar’ Europën! New York Times: Giorgia insistoi për çështjen e gazetares Sala

Vizita e shpejtë e Melonit në Mar-a-Lago! Trump: Ajo ka ‘pushtuar’ Europën! New York Times: Giorgia insistoi për çështjen e gazetares Sala

5 Janar, 07:59