Replikat/ Manja-Bashës: Gjithë kjo dashuri për SPAK, pse nuk shkon për 21 janarin, rrugën e Kombit e lobimin rus? Kreu i PD: Të ngelën leshtë e mia në gojë

TIRANË- Me replika mes Ulsi Manja dhe kreut të PD, Lulzim Basha u zhvillua seanca plenare, ku ministri po jepte përgjigjet Partisë Demokratike për amnistinë penale. Ndërsa Alibeaj po hidhte akuza se me amnistinë u liruan të korruptuarit dhe se ishte një minim i punës së SPAK, Manja i kujtoi disa çështje të vjetra Lulzim Bashës.

Gjithë këtë ‘dashuri’ për SPAK, Manja i sugjeroi Bashës që ta tregojnë duke u vendosur në dispozicion të drejtësisë së re për 21 janarin, rrugën e Kombit apo çështjen e lobimit rus në Partinë Demokratike.

Ministri i Drejtësisë akuzoi PD-në se ka ngritur furtunën në gotë duke thënë se janë liruar të korruptuarit, por sipas tij ata janë vetëm 8 nënpunës, të cilët nuk janë zyrtarë të lartë.

Si mor burrë i dheut vjen dhe shet moral, vë dorën në zemër, qan për viktimat e drejtësisë. Kur the se dua amnisti për ata që godasin punonjësit e policisë, që i prenë dorën polices dhe vjen këtu e vë dorën në zemër dhe bën oralin e viktimave të këtyre që liruam nga amnistia. Ti je i pakënaqur me veten, kur s’u kënaqe kur të bëri Berisha ministër drejtësisë, s’ke për tu kënaq në këtë dynja, e keni mundësinë të tregoni vullnetin për të mbështetur SPAK dhe drejtësinë e re. Ai që është pas teje të shkojë në SPAK dhe të thotë unë vihem në dispozicion që të hetohem për rrugën e Kombit se i kam shpëtuar me raport mjeku, e dashur drejtësi e re kam një çështje të lobimit rus që e ka pushuar Prokuroria e Tiranës dhe dua ta hetoni ju, kjo është më dashuria për SPAK. Është një çështje tjetër që ka thënë Strasburgu, 21 janari është krim shtetëror i pahetuar.

Moralisht të jesh ish ministër i Brendshëm të vriten 4 qytetarë të pafajshëm dhe mos të ndjesh detyrim moral të vihet në dispozicion të drejtësisë së re, ku është moral për SPAK, aty e keni, nëse e doni shkoni të jemi të gjithë të barabartë përpara ligjit. Kemi ngritur furtunën në gotë dhe keni hall politik, por mos barazoni veten me 8 fakir që sanksioni dhe vepra për të cilën janë dënuar e kanë nga gjobë deri në 3 vjet. Meqë jeni këtu tu jap një shifër, masa e dënimit të dhënët për këta ka qenë nga 8 muaj deri në 3 vjet, ju kemi fal nga 7 ditë deri në 1 vit e 5 muaj. Po të them ku janë 80 të dënuarit e SPAK që kanë përfituar dil e jep një emër. Kur t’i kesh emrat nga institucionet hajde këtu dhe thuaj. Ke për të ngel i pakënaqur gjithë jetën, se është çështje si je gatuar.

Përgjigja i erdhi nga Lulzim Basha, i cili i tha ministrit se “leshtë e tij i kanë ngelur në gojë”, ndërsa i tha që të merret më të vërtetat, dhe të tregojë se përse i gënjeu shqiptarët se nuk amnistoi të korruptuarit.

Rendit zhvillimet sipas orarit:

Të Fundit Të Parat

SI.E./Shqiptarja.com

TAG:
• spak
• 21 janari
• ULSI MANJA
• lulzim basha