POP 5

Lajmet më të lexuara të 5 minutave të fundit

Sport

VIDEO/ Me vrap nga Prishtina në Tiranë për festën e Flamurit, Maratonomaku Erzen Zyberaj përshkoi 260 km në 24 orë

Erzen Zyberaj ia del! Maratonomaku u nis nga Prishtina dje pasdite për të arritur në Tiranë me vrap.

Erzen Zyberaj ia del! Maratonomaku u nis nga Prishtina dje pasdite për të arritur në Tiranë me vrap pasditen e 28 nëntorit 2023.

E nisi rrugëtimin nga sheshi ‘Skënderbe’ i Prishtinës dhe mbërriti në sheshin ‘Skënderbe’ në Tiranë në orën 15:00.  260 km distancë me vrap brenda 24 orëve në nder të ditës së Pavarësisë.

Mbërritja me sukses nga Skënderbeu i Prishtinës deri sheshin Skënderbe në Tiranë e maratonomakut Erzen Zyberaj. Jemi shumë të lumtur që morëm pjesë në mbylljen e kesaj ultra maratone prej 260 km dhe ne si shoqata Maraton Albania i urojmë Erzenit shumë suksese" shkruan në postim në facebook ndërsa publikon videon e mbërritjes së Zyberajt në sheshin Skenderbej në Tiranë.

Miqtë e tij në rrjetet sociale shkruajnë se Erzeni nuk ka pasur pothuajse kurrë përkrahje institucionale, ndaj sipas tij duhet që të përkrahet.

Rendit zhvillimet sipas orarit:
Ora 16:46
Përshkoi 260 km nga Prishtina për 111-vjetorin e Pavarësisë së Shqipërisë, Erzen Zyberaj merr medalje nga Bashkia e Tiranës

Shqiptari nga Kosova, Erzen Zyberaj i cili ndërmori aventurën e tij me rastin e 111-vjetorit të pavarësisë së Shqipërisë duke përshkuar 260 kilometra nga Prishtina për në Tiranë, mbërriti sot në kryeqytet. 

Ai u prit nga nënkryetari i Bashkisë së Tiranës Andi Seferi, i cili e vlerësoi edhe me një medalje.

“Jam shumë i lumtur për respektin nga Bashkia e Tiranës. Normalisht është sfiduese shumë për shkak të kushteve klimatike që ndeshëm, por ia arritëm”, theksoi Zyberaj.

Ai tha gjithashtu se vrapimi nga Prishtina për në Tiranë për ditën e 111-vjetorit të pavarësisë ka një simbolikë të jashtëzakonshme. Zyberaj u nis paraditen e djeshme nga sheshi “Skënderbej” në Prishtinë për të mbërritur sot në sheshin me po të njëjtin emër në Tiranë ku u zhvillua për herë të parë edhe parada e shqiptarëve të ardhur nga e gjithë bota.

B.V/Shqiptarja.com

Ora 16:10
VIDEO/Maratonomaku Erzen Zyberaj ia del! U nis dje nga Prishtina me vrap, mbërrin në sheshin Skënderbej në Tiranë

 

Erzen Zyberaj ia ka dalë. Atleti nga Kosova Erzen Zyberaj mbërriti në sheshin “Skënderbej’ në orën 15:00, duke mbyllur kështu udhëtimin e nisur prej pasdites së djeshme nga Prishtina.

S.G/Shqiptarja.com

SI.E./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51