Brenda një dekade Shqipëria e ka trefishuar numrin e turistëve të huaj që vizitojnë vendin në të katër anët e saj. E pranishme në Komisionin e Veprimtarive Prodhuese për projektbuxhetin e vitit ministrja e Turizmit Mirela Kumbaro, tha se suksesi turistik i Shqipërisë po certifikohet edhe nga agjencitë ndërkombëtare.
“Kur shohim se jo më larg se viti 2013 Shqipëria nuk priste më shumë se 3,4 milionë vizitorë të huaj të cilët i përkisnin më së shumti një harte të kufizuar rreth e rrotull kufijve tanë tokësorë, ndërsa një dekadë më pas flasim për 10,1 milionë vizitorë të huaj në vitin 2023, apo për 9,7 milionë vizitorë të huaj vetëm për 9 muajt e parë të këtij viti.”, tha Kumbaro.
Ministrja njoftoi në komision që nga viti i ardhshëm të dhënat mbi turizmin do të jenë të gjitha në një platformë të vetme E-Visitor, për të pasur një rezultat më të saktë mbi numrin e vizitorëve, mbi strukturat akomoduese ku pjesë e të dhënave do të jenë edhe rezervimet që bëhen në AirBNB dhe Booking. Kjo masë merret edhe për të luftuar informalitetin nga strukturat akomoduese që japin dhoma apo apartamente me qira të pa certifikuara, si dhe për të ulur fenomenin e nëndeklarimit të pushuesve nga strukturat e tjera ligjore (hotele apo resorte).
“Një tjetër projekt i rëndësishëm i udhëhequr nga MTM është ndërtimi i platformës së statistikave e quajtur E-Visitor e cila do të sigurojë të dhëna në kohë reale, të sakta dhe të aksesueshme për grupet e interesit ku do te agregohen dhe strukturohen te gjithë te dhënat e rëndësishme për turizmin nga burimet e ndryshme duke përfshirë te dhënat e akomodimit, të dhënat e anketave të Turizmit, të dhënat administrative të institucioneve të ndryshme (INSTAT, Policia e Shtetit, Atraksionet kulturore) të dhëna nga burime të treta(Banka e Shqipërisë, platforma të qerasë afatshkurtër si AirBNB, Bookiing etj) si dhe përllogaritjen e Llogarise Satelitore te Turizmit (SAT). Së shpejti realizohet akti që i hap rrugë krijimit të kësaj platforme komplekse, por shumë të nevojshme për fazën ku ka hyrë industria e turizmit”, tha Kumbaro
Kumbaro shtoi se vetëm nga turizmi ekonomia ka përfituar në 6 muajit e parë të vitit 500 milionë euro më shumë, ndërkohë që është rritur formalizimi i sektorit si dhe standardet e shërbimit.
“Në ekonominë Shqiptare, vlerësohet se të ardhurat nga sektori i turizmit ishin 2 miliardë euro për gjashtë muajt e parë të vitit 2024, ose rreth 500 milionë euro më shumë se gjashtë-mujori i parë i vitit 2023. Një punë voluminoze është kryer në drejtim të standardeve dhe sigurisë në turizëm, ku sot numërojmë 1916 struktura akomodimi të kategorizuara nga Ministria e Turizmit dhe Mjedisit si tregues pozitiv drejt formalizimit të sektorit të hotelerisë. Gjithashtu, përsa i takon sigurisë detare gjatë sezonit veror, deri në muajin gusht 2024 janë certifikuar 166 operatorë turistikë detarë dhe 396 mjete (skafe, motorë uji, anije turistike etj.) si garanci për cilësinë e shërbimit ndaj turistëve dhe sigurinë detare. Deri në vitin 2021 kishim më pak se 10 operatorë turistikë të certifikuar që plotësonin standardet”, tha Kumbaro.
Në komision Kumbaro ka bërë një prezantim edhe të strategjisë së re për turizmin 2024-2030, ku theksoi se synon investime, politikat fiskale dhe ligjore në turizëm, menaxhimin e destinacioneve, zhvillimin e produktit turistik, marketingun dhe ngritjen e kapaciteteve profesionale, si dhe e ndan vendin në në gjashtë rajone turistike. Rajoni turistik i bregdetit të Adriatikut, Rajoni turistik verior i brendshëm, Rajoni turistik i Tiranës, Rajoni turistik qendror, Rajoni turistik i bregdetit të Jonit dhe Rajoni turistik jugor i brendshëm.
Buxheti i Ministrisë së Turizmit për vitin 2025 do të jetë 3.9 miliardë lekë, nga 3.6 miliardë lekë që është këtë vit, që për ministren Kumbaro është i mjaftueshëm për projektet dhe nevojat e institucionit.
Lajme të tjera
-
Tatimet: 9 mijë biznese rritën pagat! 37 mijë të tjera me risk për nëndeklarim, do përballen me gjoba nëse nuk i deklarojnë deri më 20 nëntor
7 Nëntor, 13:15
-
‘Aksion informalitet në të gjitha fronte’, ministri Malaj te ‘Ekonomia’: Vetëm për sigurimet bizneset kanë 234 mln euro borxh, u marrim asetet
6 Nëntor, 19:17
-
Revista ‘Culture Trip’: Befasohuni nga plazhet e klasit botëror të Rivierës Shqiptare
4 Nëntor, 08:15 -
Turizmi, Rama: Jemi rritur me 3.2 milion udhëtarë përmes TIA! Tetori arriti në 942 mijë pasagjerë, 47% më shumë se vjet
2 Nëntor, 21:24 -
Rama në Podcast: Po hapet një korsi e re për pensionet, do e realizojmë
2 Nëntor, 10:06 -
Ekonomia në rritje, por KE lë ‘detyra’ për qeverinë: Luftoni informalitetin në paga, stop rishikimit të buxhetit me akt normativ, mbroni fondet e BE
31 Tetor, 14:04
-
Pensionet/ Rama akuza të forta prokurorisë së Tiranës: Prej vitesh prokurorët mbulojnë me trupat e tyre dosje ulëritëse të evazionit fiskal
30 Tetor, 15:02
-
Projektbuxheti/ Ulja e nëndeklarimit të pagave do të sjellë 150 mln euro shtesë në buxhet në vitin 2025!
29 Tetor, 17:50
-
Dhoma Amerikane e Tregtisë: Nëndeklarimi të luftohet me politikë të fortë, jo me aksione të përkohshme! Të ulet TVSH-ja e produkteve ushqimore
28 Tetor, 11:30
-
Fatos Çoçoli: Dënim penal për pagë të trukuar? Pensionistët humbasin 60-70 milionë euro në vit nga pagat e deklaruara më pak nga sa janë në të vërtetë
26 Tetor, 09:33
-
Stacione plazhi vetëm për hotelet, Topuzi: Pozitive, të luftohet informaliteti! Pa paketa ‘all-inclusive’, s’ka turistë cilësor
25 Tetor, 16:38 -
Strategjia 2024 – 2030 për sigurinë në punë/ Në fokus goditja e pagave në dorë! Në sitë ndërtimi, bujqësia e minierat
25 Tetor, 16:29
