TIRANE- Mjeku epidemiolog Alban Ylli, shef Departamenti në ISHP i ftuar në studion e emisionit Repolitix përballë gazetarit Denis Minga u ka dhënë përgjigje të gjitha pyetjeve të qytetarëve të interesuar nisur nga frika dhe paniku për shkak të koronavirusit. Ylli ka sqaruar kategoritë që janë më me rrezik dhe shenjat e para që paralajmërojnë se jeni i prekur me koronavirus.
I pyetur mbi lajmin që njerëzit me grupin e gjakut "A" mund të jenë më të ekspozuar nga infeksioni i koronavirusit, ndërsa ata me grupin "O" duken më rezistentë, ai tha se "E kam dëgjuar këtë lajm, por është shumë herët për të dhënë një këshillë për publikun, jam lajme të publikuara nga Kina. Disa janë edhe tërhequr, pasi nuk ka pasur kohë për të kaluar në të gjitha proceset e veta, të shikohet nga kolegët".
Por sa % e popullit mund të infektohet nga koronavirusi? "Një virus i kësaj natyre që popullata nuk e njeh me gjasë do të përhapet deri sa të arrijë rreth 60% të popullatës, pra në Shqipëri të prekë rreth një milion. Por që të prekë një milion i duhet shumë kohë.
Disa janë në mënyrë të natyrshme të mbrojtur dhe masat drastike nuk e pengojnë. Do të pengojmë njëherë epideminë dhe pastaj virusi do të vijojë të qarkullojë në mënyrë të fshehtë dhe të padukshme. Unë nuk e përjashtoj mundësinë e një vale të dytë.
Ka një parim i cili thotë se një agjent i ri në një popullatë të pa mbrojtur do të sillet në varësi të aftësisë për të infektuar të tjerët dhe nuk matet në mënyrë matematike. Ky arrin të infektojë 2.5 persona nga një i vetëm. Nëse shoqëritë do të ishin si akuarium, ky virus do të prekte 60% të kësaj popullate. Me kalimin e kohës kur shoqëria imunizohet bëhet më e vështirë. Me masat që merren kufizohet mundësia" tha mjeku Alban Ylli.
"Njerëzit të shmangin vizitat te mjeku i familjes nëse nuk janë të domosdoshme. Risku te fëmijët është shumë i vogël, askush nuk e di përse. Në informacionin e parë, një nga arsyet ishte se fëmijët janë më të mbrojtur për arsye sociale, janë larg spitaleve, janë në shkollë dhe se të rriturit sëmuren se janë në punë. Mund të ketë shumë arsye, sjella e tyre imunitare..." tha Alban Ylli.
"Temperatura është shenja e parë kryesore. Temperatura është e ndryshe, nëse e ke 37.8 e sipër mund të konsiderohet si shenjë e virusit, por ka edhe grip që qarkullon. Po ashtu edhe një kollë e thatë, me gjasë e shkaktuar nga një ngacmim respeirator, mund të jetë risk. Pra nëse keni temperaturë dhe kollë, me risk janë ata me sëmundje kardiovaskulare dhe me diabet, por edhe të moshuarit. Pra temperatura e shoqëruar me kollë" tha Alban Ylli.
Referuar lajmit se pacienti i parë me koronavirus është drejt shërimit, mjeku Alban Ylli tha se "Pacienti i parë ka qenë në risk më të lartë për shkak të moshës se është i ati, pacienti zero është më i ri. I ati ka qenë në gjendje të mirë. Jam optimist se ky ka qenë në rrezik më të madh".
Po anemikët a janë më shumë të rrezikuar?
Alban Ylli: Jo në mënyrë tipike për këtë, por këshilla është sikur ka qenë i kujdesshëm të vijojë të zbatojë të njëjtat rregulla si më parë.
Po personat me astmë?
Alban Ylli: Ata me astmë janë më të rrezikuar. Kapaciteti i tij adaptues është i ulët, do ta quaja person me rrezik më të lartë.
"Jo në mënyrë specifike. E vetmja këshillë është që të tregohet e kujdesshme si deri sot, të vijojë që të marrë të njëjtat masa. Pra se si natyrë një grua shtatzënë është më e kujdesshme" tha Alban Ylli.
"Jo! Njerëzit që jetojnë në fshat janë më pak të rrezikuar me kusht se një person nga Tirana të mos shkojë atje" tha mjeku Alban Ylli.
"Arsyeja kryesore e shpërndarjes është kolla, spërklat, prekja me dorë. Në ajër qëndron në mënyrë të shkurtër. Ky është më i fortë se grupi, por jo sa fruthi, që ka një shpërndarje 6 herë më të madhe. Nuk përjashtohet mundësia e një vale të dytë në dimrin e ardhshëm. Për momentin kam përshtypjen se jemi në parametrat e duhur. Komenti im është i tillë, Shqipëria ka mbyllur jetën drastike, po izolojmë të gjithë personat edhe ata që nuk janë infektuar. Në ta ardhmen ndoshta mund të ketë nevojë për më shumë teste. Deri para tre ditësh e kishim pozitivitetin me Italinë 8%, sot e kemi 9%, sa më i ulët aq më shumë teste bën. Amerika e kishte 23%" tha Alban Ylli.
"Kjo është interesante, nuk ka rekomandime për masa nga OBSH, por në Amerikë, po, për të mbajtur distancë. Koronavirusi ende nuk dihet nëse qarkullon në kafshët shtëpiake, me gjasë jo, nuk është tipike, por viruset e reja mund të kenë sjelle të pazakontë. Nuk ka fakte shkencore" tha mjeku Alban Ylli. Po nga miza a rrezikohemi? "Nuk ka asnjë fakt shkencor për këtë" tha mjeku.
Komente
Lajme të tjera
-
Specialisti i ISHP: Kanceri i gjirit dhe mushkërive më të përhapurit! Në rritje numri i meshkujve që preken nga tumoret
5 Shkurt, 14:44 -
Tetori rozë, mjeku në Report Tv: Numri i shtrimeve me kancer gjiri ka rritje të fortë, në 2022 kishim mbi 10 mijë
6 Tetor 2023, 12:49 -
Ilaçi që u nevojitet diabetikëve përdoret nga njerëzit për dobësim, reklamohet në rrjetet sociale! Mjekët: Në Shqipëri nuk shitet, merret kontrabandë
21 Shkurt 2023, 19:08
-
Zbardhet vendimi/ 2-8 vite burg kush përhap infeksione pa e ditur, Gjykata Kushtetuese rrëzon ndryshimet në Kodin Penal, ndëshkim vetëm për përhapësit e sëmundjeve me dashje
18 Janar 2023, 21:35
-
Komiteti i Ekspertëve nuk vendos testin për pasagjerët nga Kina: Sugjerojmë doza të treta dhe të katërta të vaksinës kundër COVID-19
30 Dhjetor 2022, 16:08 -
1 humbje jete dhe 23 raste të reja! Situata Covid-19 në vend gjatë 24 orëve të fundit
23 Dhjetor 2022, 20:40 -
Një humbje jete nga covid dhe tre raste të reja brenda 24 orëve të fundit
19 Dhjetor 2022, 19:56 -
Marrëveshja me Pfizer për 700 000 doza vaksina të rialokuara, Alibeaj skeptik: Pse duhet me urgjencë, është kërkesë e Pfizerit, jo e jona
5 Dhjetor 2022, 15:21 -
17 raste të reja me Covid në të gjithë vendin! Asnjë humbje jete dhe 7 të shëruar brenda 24 orëve të fundit
4 Dhjetor 2022, 17:58 -
Ekonomia e shqiptare, 'Moody-s': Me perspektivë të qëndrueshme! Ulja e borxhit, klima e biznesit me ecuri pozitive! Rrezik, importi i energjisë dhe PPP-të
1 Dhjetor 2022, 19:15
-
17 raste të reja nga 395 testime të kryera në vend! Asnjë humbje jete dhe 6 të shëruar në 24 orët e fundit
1 Dhjetor 2022, 18:26 -
Turizmi në Shqipëri, mbi 6.7 milionë të huaj për 10 muajt e parë të vitit! Ja nga cilat shtete ka rritje më të madhe të turistëve
1 Dhjetor 2022, 16:40
Nderime per mjeket tane,,JANE NJEREZ TE MREKULLUESHEM POR QEVERITARET E KORRUPTUAR NUK I MBAJNE DOKTORE E INFERMIERE ME RROGA 2000 DHE 1000 EURO,,KETU NE SHQIPERI..PO NA MBAJNE DROGMENET,,,KORONA JU ZENTE O POLITIKANE TE NDYRE...
PërgjigjuPerxaktoi shifen nje milion. Pa kapacitet fare. Paske kohe tè japesh intervista te gjata. Shko ne spital
PërgjigjuIdotsi totale dalin nga usa e canada e Germany qe skan nje ide te qarte cfare eshte e si luftohet na dalin ne shqiperi! Ore sensibilizoni popullaten mos Dali te mos perhapet por lejini lloqet I Kam ndjekur me vemendje te gjitha emisionet si globale e si shqiptare ne jemi ne advance totale! As globalet e as ju skeni nje version faktit fjal fjale edh vetem fjale hipotezash! Sensibilizoni popullin qe nuk eshte loje edhe duhet te rrijne ne shtepi edhe situata nuk ka filluar akoma ketu!
Përgjigju