PS merr shumicën e këshillave bashkiakë! PD rritet! Berisha-Meta pësojnë tjetër disfatë! PSD merr veriun

Ka nisur numërimi për Këshillat Bashkiakë në qarkun Shkodër që njihej dikur si bastion i së djathtës.

Pas fitores së Benet Becit, edhe në këshill, PS kryeson bindshëm në bashkinë Shkodër me 18 mandate nga 51 në total. Ndërsa Bashkë Fitojmë arriti të marrë 23.81% të votave nga ku ka siguruar 13 mandate. PSD renditet forcë e tretë në këshillin bashkiak, me 12 mandate. 5 mandate ka marrë PD. Partia Lëvizja e Legalitetit, Aleanca Liberale e Djathtë, Fryma e re Demokratike kanë siguruar nga 1 mandat.

Rezultatin e plotë për Bashkinë Shkodër e gjeni KËTU.

Në Fushë Arrëz është mbyllur numërimi për këshilltarët bashkiakë ku ka fituar PSD me 3 mandate nga 15 në total. Edhe  Partia Agrare Ambientaliste ka marrë 3 mandate me 13.06% të votave, Ndërsa PS ka siguruar 2 mandate apo 12.79% të votave. Partia Kristian Demokrate me 10.12% të votave ka marrë 2 mandate. Bashkë Fitojmë me 7.96% të votave ka siguruar vetëm një mandat. PD po ashtu ka arritur të sigurojë vetëm një mandat. Aleanca Liberale e Djathtë, Fryma e Re Demokratike dhe PDIU kanë marrë nga një mandat.

Rezultatin e plotë për bashkinë Fushë-Arrëz e gjeni KËTU.

Në Bashkinë Pukë, PSD kryeson me 4 mandate nga 15 në total me 17.66 % të votave. E ndjekur nga Partia Socialiste dhe Aleanca Arbnore Kombëtare me nga 2 mandate. Bashkë Fitojmë, PD, Partia Aleanca Demokratike e Shqipërisë, Partia Balli Kombëtar, Fronti i Majtë dhe Fryma e Re Demokratike, kanë arritur të sigurojë vetëm 1 mandat.

Rezultatin e plotë për Bashkinë Pukë e gjeni KËTU.

Na bashkinë e Vaut të Dejës ka përfunduar numërimi. PSD ka fituar 10 mandate nga 31 në total me 27.64%. Partia Socialiste ka marë 7 mandate me 21.93%, po ashtu edhe BF ka marrë 7 mandate me 19.54%. PD ka marrë 3 mandate me 8.85%. PDS ka marrë 2 mandate, ndërsa PAA dhe PR kanë marrë nga 1 mandat.

Rezultatin e plotë për Bashkinë e Vaut të Dejës e gjeni KËTU

Në Malësinë e Madhe ka përfunduar numërimi. PSD del forcë e parë me 8 mandate ose 19.65%. Më pas ndiqet nga PS me 6 mandate ose 16.61%. Nga 3 mandate marrin BF, PD, PAA dhe LZHK. Aleanca Arbnore Kombëtare merr 2 mandate ndërsa nga 1 mandat marrin FRD, ADK dhe Ardhmërija Shqiptare.

Rezultatin e plotë për Bashkinë e Malësisë së Madhe e gjeni KËTU

Në Bashkinë e Vorës PS ka arritur të marrë shumicën në Këshillin Bashkiak. PS ka fituar 13 mandate nga 21 gjithsej, ose 46.69% të votave, BF 4 mandate pasi siguroi 16.45% të votave. Partia Agrare Ambientaliste ka marrë 2 mandate, Partia Republikane 1 mandat dhe FRD 1 mandat.
Rezultatin e plotë për bashkinë e Vorës e gjeni KËTU

Numërimi është mbyllur edhe në Kamëz, ku PS ka fituar 19 mandate me 43.09% të votave nga 41 manadate, BF, 11 mandate me 24.38% të votave dhe PD me 7.58% të votave ka arritur të sigurojë vetëm 3 mandate. Më tej, PSD ka marrë 2 mandate ose 5.35%, FRD 2 mandate, PAA 1 mandat, PR 1 mandat, ALD 1 mandat.
Rezultatin e plotë për bashkinë e Kamzës e gjeni KËTU

Në Rrogozhinë nga 21 këshilltarë, PS ka arritur të marrë 9 mandate me 35.74% të votave, BF 4 mandate me 17.28% të votave dhe PD është renditur sërish forcë e tretë me 3 mandate ose 13.81% të votave. Mandatet e tjera janë ndarë mes partive të vogla, konkretisht PSD- 2 mandate, PR-1 mandat, PLL- 1 mandat. Mitat Daja ka fituar një mandat si këshilltar bashkiak duke kandiduar si i pavarur.
Rezultatin e plotë për bashkinë e Rrogozhinës e gjeni KËTU

Në Tiranë janë numëruar të gjitha kutitë në qendrat e votimit ku PS ka fituar bindshëm me 34 mandate ose me 50.41 % nga 61 në total. Socialistët janë ndjekur nga BF me 15 mandate 23.29 % të votave. Partia Demokratike renditet forcë e tretë me 6.79 % të votave që përkthehen në 4 mandate deri më tani. Ndërsa, PSD numëron 3 mandate ose me 4.38 %, Lëvizja Bashkë, Nisma Thurje, PDIU, LZHK dhe PR marrin nga 1 mandat. Bashkë Fitojmë humbi një mandat në Këshillin e Tiranës dhe ja mori PSD, e cila nga 2 mandate u rrit në 3.

Rezultatin e plotë për bashkinë e Tiranës e gjeni KËTU

Partia Socialiste ka fituar mazhorancën në Këshillin Bashkiak të Kavajës duke bërë që PS pavarësisht se humbi kryesimin e bashkisë, të ketë një diferencë të madhe me BF. Konkretisht PS ka marrë deri më tani, 38.19% të votave, ose 13 mandate. Ndiqet nga BF me vetëm 26.42% të votave ose 9 mandate. PD renditet forcë e tretë me 10.53% duke numëruar 3 mandate. PAA ka 3 mandate ose 9.92%, PSD 2 mandate ose 5.54% dhe PR 1 mandat.
Rezultatin e plotë për bashkinë e Kavajës e gjeni KËTU

Në Bashkinë e Vlorës Partia Socialiste si në shumë prej bashkive të tjera, kryeson në votat për Këshillin Bashkiak. Deri më tani PS ka marrë 60.11% të votave që përkthehen në 33 mandate nga 51 mandate. Bashkë Fitojmë 16.48% të votave ose 9 mandate, 6.21% ose 3 mandate PD, 2.28% ose 1 mandat PPA, 2.22% ose 1 mandat PR, 1.81%. Dy mandate ka marrë PDIU, nga 1 mandat LZHK dhe PDS.
Rezultatin e plotë për bashkinë e Vlorë mund ta gjeni KËTU.

Në Himarë PS ka marrë 45.99% ose 9 mandate, 30.16% ose 7 mandate Bashkë Fitojmë. Në këtë bashki PD ka marrë 5.80% ose 1 mandat, ndërsa PSD ka marrë 3.85% ose 1 mandat, 4.74% ose 1 mandat AAK dhe 5.86% ose 1 mandat MEGA, 4.50% ose 1 mandat LZHK.
Rezultatin e plotë për bashkinë Himarë mund ta gjeni KËTU.

Në Selenicë ka përfunduar numërimi. PS kryeson me 30.78% përkthyer në 8 mandate nga 21 gjithsej. BF ka vetëm 4.98% të votave ose 1 mandat. Vihet re se në këtë bashki, PD ka dyfish më shumë mbështetje se Bashkë Fitojmë. Konkretisht, PD ka marrë 8.95% të votave, 9.19% ose 2 mandate PAA, 9.14% ose 2 mandate PSD, 10.75% ose 2 mandate ALD, 7.99% ose 2 mandate AD dhe 4.48% ose 1 mandat PR, 7.68% ose 2 mandate PGJ.
Rezultatin e plotë për bashkinë Selenicës mund ta gjeni KËTU.

Në bashkinë e Sarandës kryeson PS me 29.95 % ose 12 mandate nga 21 gjithsej, 10.26 % ose 4 mandate Bashke Fitojmë, 6.97 % ose 3 mandate PD, 6.33% ose 3 mandate. 2 mandate ka marrë PR, PLL, PDIU, AAK. Nga 1 mandat ka marrë PAA, FRD, PBK dhe kandidati i pavarur Ibrahim Bajrami.
Rezultatin e plotë për bashkinë Sarandë mund ta gjeni KËTU.

Në Delvinë ka përfunduar numërimi. Sërish kryeson PS me 41.48% të votave ose 8 mandate nga 15 që ka gjithsej Këshilli. BF ka 16.49% të votave ose 3 mandate. 15.40% ose 3 mandate PSD, 8.53% ose 1 mandat PD.
Rezultatin e plotë për bashkinë Delvinë mund ta gjeni KËTU.

Në Konispol janë numëruar 16 nga 16 QV. Në këtë bashki ka marrë PS ka marrë 39.76 % ose 7 mandate, nga 15 gjithsej. 15.59 % ose 3 mandate Bashkë Fitojmë, 14.80% ose 2 mandate PDIU, 9.95 % ose 1 mandat PD. Nga 1 mandat marrin edhe PR dhe PLL.
Rezultatin e plotë për bashkinë Konsipol mund ta gjeni KËTU.

Në Finiq PS ka fituar 7 mandate me 28.32 %! Bashkë Fitojmë dhe MEGA kanë fituar nga 5 mandate. Partia Demokratike ka fituar 2 mandate, ndërsa nga një mandat kanë marrë PSD dhe PDS.
Rezultatin e plotë për bashkinë Finiq mund ta gjeni KËTU.

Në Gjirokastër janë numëruar 67 nga 67 kuti votimi. Nga 31 këshilltarë gjithsej PS kryeson me 21 mandate me 55.44 % të votave, e ndjekur nga BF që merr 5 mandate me 14.66 % të votave. PD merr 2 mandate me 6.62 % të votave ndërsa PSD, Partia Republikane marrin nga 1 mandat. 
Rezultatin e plotë për Bashkinë Gjirokastër e gjeni KETU

Në Memaliaj, nga 15 këshilltarë, Partia Socialiste ka fituar 35.69 % duke siguruar 7 mandate, ndërsa është pasuar nga BF me 16.72 % duke marrë 3 mandate. PD ka siguruar 2 mandate me 10.30% të votave. Nga 1 mandat kanë marrë edhe PSD, PAA, PDS.
Rezultatin e plotë për Bashkinë Memaliaj e gjeni KETU

Numërimi ka përfunduar në Bashkinë Dropull. Edhe këtu Partia Socialiste ka korrur fitore me 64.36 % duke siguruar 15 mandate. “BF” ka fituar 13.60 % duke siguruar vetëm 3 mandate. MEGA merr 2 mandate ose 8.84% dhe 1 mandat e merr PDS ose 4.59%. 
Rezultatin e plotë për Bashkinë Dropull e gjeni KETU

Në Përmet gjithashtu qytetarët i kanë besuar socialistëve. Nga 15 këshilltarë, shumicën dërrmuese e merr PS, pra 8 mandate ose 37.35%. BF që pretendonte se do linte pas PD nuk ka marrë më shumë se 1 mandat ose 8.20%. Edhe PD mori 1 mandat. PSD e Tom Doshit që është parti faktor në thuajse të gjithë veriun, ka marrë 2 mandate ose 8.98%. Nga 1 mandat kanë marrë edhe PLL, ABDE dhe ADK.
Rezultatin e plotë për Bashkinë Përmet gjeni KETU

Në Këlcyrë ka përfunduar numërimi. Qytetarët i kanë besuar PS-së për Këshillat Bashkiakë në Këlcyrë 14 % duke u siguruar 3 mandate. Nga ana tjetër BF ka mundur të marrë vetëm 5.41 % dhe 1 mandat. Nga 1 mandat kanë marrë edhe PAA, PR, Aleanca Liberale e Djthtë, PSD, PD, LZHK, PDIU, AD, LRE, ADK dhe Ardhmërija Shqiptare. 
Rezultatin e plotë për Bashkinë Këlcyrë e gjeni KETU

Tepelena gjithashtu ka qenë besnike me PS edhe në Këshillat Bashkiakë, ku janë numëruar të 22 kutitë në total. PS ka fituar thellë me 54.5 % dhe 11 mandate nga 15 gjithsej ndërsa BF nuk i ka kaluar 8.7 % me vetëm 1 mandat. Nga 1 mandat kanë siguruar edhe PR, PSD e PD.
Rezultatin e plotë për Bashkinë Tepelenë gjeni KETU

Ndërsa në Libohovë rezultati është i qartë. PS ka fituar 47.23 % të votave ndërsa BF me 26.85 % duke siguruar 5 mandate. PD merr 2 mandate me 11.09% të votave. 
Rezultatin e plotë për Bashkinë Libohovë gjeni KETU

Në Bashkinë e Elbasanit ka përfunduar numërimi për Këshillin Bashkiak. Edhe këtu, nga 51 vende që janë në total PS ka marrë shumicën, konkretisht 49.69% që përkthehet në 28 vende, 12 vende ose 22.54% i ka marrë Bashkë Fitojmë, 12.98% ose 7 vende për PD, 2.39 % ose 1 mandat për PSD, 2.28% ose 1 mandat për PDS, 1.87% ose 1 mandat për PDIU dhe 1.93% përkthyer në 1 mandat për Partinë e Gjelbër.
Rezultatin e plotë për bashkinë e Elbasanit e gjeni KËTU

Në Cërrik është mbyllur numërimi i votave dhe PS ka marrë shumicën në Këshillin Bashkiak. PS mori 46.50% të votave ose 11 mandate nga 21 në total. Bashkë Fitojmë është në kuotat  e 13.33% përkthyer në 3 mandate, 9.75 % ose 2 mandate për PD. Partitë e tjera që marrin nga një mandat janë PAA, PLL, PSD, LZHK dhe Partia e Gjelbër.
Rezultatin e plotë për bashkinë Cërrik e gjeni KËTU

Në Librazhd 13 mandate i merr PS me 45.15% të votave, 10.47% ose 3 mandate Bashkë Fitojmë, 5.78% ose 1 mandat PD, 1 PSD dhe 1 PDS. 2 mandate i merr edhe Partia e Gjelbër.
Rezultatin e plotë për bashkinë Librazhd e gjeni KËTU

Në Peqin PS ka marrë 39.12% ose 9 mandate, 17.24% ose 4 mandate Bashkë Fitojmë, 14.69% ose 3 mandate PD, 8.85% ose 2 mandate PR. Nga 1 mandat, PAA, ALD, PSD.
Rezultatin e plotë për bashkinë Peqin e gjeni KËTU

Në Gramsh, nga 21 këshilltarë, PS merr 20.74% që përkthehen në 6 mandate, 8.01% ose 2 mandate merr Bashkë Fitojmë. 4 mandate ose 14.45% merr Partia e Gjelbër dhe 2 mandate Partia e Reformave Demokratike. Nga 1 mandat marrin PD, PR, PLL, PSD, BD, AAK dhe ADS.
Rezultatin e plotë për bashkinë Gramsh e gjeni KËTU

Në Përrenjas janë numëruar 39 QV nga 39. PS është e para me 34.34 % të votave ose 9 mandate nga 21. Bashkë Fitojmë dhe PSD e Tom Doshit marrin nga 3 mandate, konkretisht me 10.44% dhe 13.79%. Ndërkohë PD në Përrenjas merr vetëm 2 mandate ose 9.91%. Nga 1 mandat shkon për PDS, AD, ADS dhe Partinë e Gjelbër.
Rezultatin e plotë për bashkinë Prrenjas e gjeni KËTU

Në Belsh, PS merr 10 mandate ose 40.76%, PD arrin të fitojë 3 mandate ose 14.00%, BF me 2 mandate 11.25%, PLL 2 mandate ose 8.02%. Nga 1 mandat marrin PR, PSD, LZHK dhe PGJ.
Rezultatin e plotë për bashkinë Belsh e gjeni KËTU

Në bashkinë e Durrësit është mbyllur numërimi për këshilltarët bashkiakë. PS ka marrë 28 mandate ose 50.56%, BF ka marrë 13 mandate ose 24.54%, PD renditet e treta me 5 mandate ose 9.35%. PAA e Agron Dukës ose 6.20% dhe 1 mandat ose 2.70% ka marrë PSD e Tom Doshit.
Rezultatin e plotë për Bashkinë e Durrësit e gjeni KËTU.

Në bashkinë e Shijakut PS ka siguruar 12 mandate ose 50.28% të votave nga 21 vendetë mundshme. BF renditet forcë e dytë me 4 mandate ose 17.24%. PD merr 2 mandate ose 9.76%. PSD dhe PDIU marrin nga 1 mandat.Rezultatin e plotë për Bashkinë e Shijakut e gjeni KËTU.

Në të dyja bashkitë vihet re një ulje e mbështetjes për Bashkë Fitojmë krahasuar me votat që kanë marrë për kandidatët, ndërkohë që PD paraqitet me një përqindje të rëndësishme.

Në Bashkinë e Krujës PS ka marrë 30.27 % të votave ose 11 mandate. Bashkë Fitojmë ka marrë 13.87 % të votave ose 5 mandate. Partia e Gjelbër deri më tani ka marrë 3 mandate ose 8.73 % të votave. PAA po ashtu 3 mandate me 8.30% të votave. PD ka marrë 2 mandate ose 6.99%. Edhe PSD ka marrë 2 mandate ose 6.87%. Nga 1 mandat shkon për PR, FRD dhe 3 mandate për PASH.
Rezultatin e plotë për Bashkinë e Krujës e gjeni KËTU.

Si në pothuajse të gjitha bashkitë, edhe në Bashkinë e Korçës Partia Socialiste kryeson në mandatet për Këshillin Bashkiak. Numërimi ka përfunduar dhe PS ka marrë 48.81% të votave ose 23 mandate nga 41 mandate gjithsej. Koalicioni Berisha Meta është braktisur edhe në Korçë për votën për këshillin pasi ‘Bashkë Fitojmë' nuk i kalon 20.36% të votave me 9 mandate. PD ka 5.37% ose 2 mandate. Edhe PAA merr 2 mandate këshilltarësh, ndërsa nga 1 mandat shko për PSD, PR, Nisma Thurje, Aleanca Arbnore Kombëtare si dhe kandidati i pavarur Lazjon Pjetri.
Rezultatin e plotë për Bashkinë Korçë e gjeni KËTU

Në Bashkinë Pustec ka triumfuar Partia Socialiste me 32.21% të votave duke siguruar 5 mandate ndërsa është pasuar nga “BF” me 22.83% të votave duke siguruar 4 mandate. Ndërkohë, 3 mandate ose 21.46% ka marrë Aleanca Maqedonasve për Integrimin Europian. Nga 1 mandat kanë marrë PSD me 9.43%, PDS me 6.45% dhe PAA me 7.62%. 
Rezultatin e plotë për bashkinë Pustec e gjeni KËTU

Në Bashkinë Kolonjë ka përfunduar numërimi dhe shumicën e ka marrë PS me 32.21% ose 5 mandate. BF ka marrë 22.83% ose 4 mandate. 21.46% ose 3 mandate ka marrë Aleanca Maqedonasve për integrimin Europian dhe nga 1 mandat PSD, PAAA dhe PDS.
Rezultatin e plotë për bashkinë Kolonjë e gjeni KËTU

Në bashkinë e Maliqit ka përfunduar numërimi i kutive ku PS ka fituar 20 mandate me 55.6%, BF ka fituar 6 mandate me 17.35% të votave. PSD 6.47% ose 2 mandate, Partia Demokratike me 5.49% ose 2 mandate dhe Partia e Gjelbër 1 mandat ose 2.94% të votave.
Rezultatin e plotë për bashkinë Maliq e gjeni KËTU

Në bashkinë Pogradec janë numëruar 106 nga 106 QV. Këtu ‘Bashkë Fitojmë’ ka fituar 5 madate nga 31 në total. PS ka fituar 19 mandate, nga 49.76 %. Partia Demokratike dhe Partia Agrare Ambientaliste dhe LZHK, marrin në Pogradec një përqindje të rëndësishme me nga 2 mandate secila. FRD ka marrë 1 mandat.
Rezultatin e plotë për Bashkinë Pogradec e gjeni KËTU

Në Bashkinë e Devollit janë numëruar të gjitha kutitë e votimit për Këshillat Bashkiakë.

PS kryeson me 9 mandate këshilltarësh nga 21 gjithsej. BF merr 4 mandate ose 15.43 % të votave. PD ka marrë 7.99 % të votave me 2 mandate, po ashtu edhe PDIU merr 2 mandate. Partia Lëvizja e Legalitetit, Partia Agrare Ambientaliste, Partia Ballit Kombëtar kanë marrë nga një mandat dhe 1 mandat kandidatit të pavarur Festim Kaso.

Rezultatin e plotë për Bashkinë Devoll e gjeni KËTU

Bashkë Fitojmë pas humbjes së dy bashkive të Kukësit dhe Tropojës ka humbur edhe shumicën e votave në këshillat bashkiakë.

Në Kukës deri më tani kur janë numëruar të gjitha kutitë e votimit për Këshillat Bashkiakë.

PS ka siguruar 4 mandate me 10.397% të votave. Ndiqet nga PAA me po 4 mandate ose 9.32% të votave. Bashkë Fitojmë renditet forcë e tretë me 3 mandate, 8.81% të votave. PD ka marrë 1 mandat ose 3.3% të votave. Nga 2 mandate kanë marrë ALD, PSD, PDIU dhe BD. Nga 1 mandat kanë marrë PLL, PDS, LZHK, FRD, AD dhe PDME.

Për të lexuar rezultatin e plotë në Bashkinë Kukës kliko KËTU.

Në bashkinë e Tropojës pas përfundimit të numërimit, PS ka thyer sërish koalicionin Bashkë Fitojmë ku edhe pse kanë marrë të njëjtin numër mandatesh, secila nga 4, socialistët kanë marrë shumicën e votave 13.69%. Forcë e tretë renditet ADS me 2 mandate. Ndërsa PD, PAA, PR, PLL, PDS, PSD, LZH, AD, BD, AAK, PLPSH dhe PUK kanë marrë nga 1 mandat secila.
Rezultatin e plotë për bashkinë e Tropojës e gjeni KËTU. 

Në bashkinë e Hasit ku u u shpall fitues kandidati i koalicionit Bashkë Fitojmë, votat në këshillin bashkiak kanë qenë më të shumta për PS që ka fituar 4 mandate me 14.70% të votave. Bashë Fitojmë ka siguruar vetëm 3 mandate, 12.92% vota, PAA me 7.07% të votave ka marrë 2 mandate. Gjithashtu edhe PSD dhe LZHK kanë marrë nga 2 mandate. Ndërsa PD, PR, PDIU, AAK, PBK, PGJ dhe PKKA kanë marrë nga një mandat secila.
Rezultatin e plotë për bashkinë e Hasit e gjeni KËTU. 

Në bastionin e socialistëve, Bashkinë Fier, PS ka marrë 33 mandate nga 51 në total. BF ka marrë 13.05% duke siguruar vetëm 7 mandate. Ndërkohë surprizë ka qenë edhe PSD ku ka marrë 5 mandate ose 9.16% ndërsa PD ka marrë 4 ose 8.09%. Partia Drejtësi, Integrim dhe Unitet dhe Aleanca Liberale e Djathtë kanë marrë nga 1 mandat.  
Rezultatin e plotë për bashkinë Fier e gjeni KËTU

Socialistët kanë korrur fitore në Lushnjë. Në 151 kuti votimi të numëruara nga 156 në total duke fituar 24 mandate nga 41 në total në Këshillat Bashkiakë. Socialistët pasohen nga BF me 15.72% duke siguruar 7 mandate por edhe PD ka patur një rritje të ndjeshme duke marrë 4 mandate. PSD ka marrë 2 mandate ndërsa Partia Republikane Shqiptare, Partia Drejtësi, Integrim dhe Unitet dhe Partia Agrare Ambjentaliste e Shqipërisë kanë marrë nga 1 mandat.
Rezultatin e plotë për bashkinë Lushnjë e gjeni KËTU

Situata paraqitet pothuajse e njëjtë në Bashkinë Roskovec ku PS kanë fituar 12 mandate nga 41 në total ndërsa BF me 7 mandate duke siguruar 27.66% të votave. PBK ka siguruar 1 mandat me 7.32% të votave. Ndërsa PDIU ka marrë 1 mandat me 4.08% të votave.
Rezultatin e plotë për bashkinë Roskovec e gjeni KËTU.

Në bashkinë Patos ka përfunduar numërimi dhe nga 21 mandate në total, PS ka siguruar 16 mandate, Bashkë Fitojmë ka fituar 3 mandate ndërsa PDIU 2 mandate. 
Rezultatin e plotë për bashkinë Patos e gjeni KËTU

Në Mallakastër, PS ka marrë 9 mandate nga 21 në total me 34.71% të votave. PD renditet e dyta me 3 mandate ose 11.61 %. Bashkë Fitojmë ka marrë 2 mandate ose 7.01%. Nga 1 mandat kanë marrë PAA. PR, PLL, PDS, ALD, PSD DHE PDIU.
Rezultatin e plotë për bashkinë Mallakastër e gjeni KËTU

Në Divjakë ka përfunduar procesi i numërimit për Këshillat Bashkiakë. Partia Socialiste ka marrë 18 mandate nga 31 në total me 50.55% të votave. Me 5 mandate pasohet nga “Bashkë Fitojmë” me 13.33% të votave. Ndërkohë, duket një përmirësim në Këshillat Bashkiakë edhe nga Partia Demokratike ku ka marrë 4 mandate ose 12.60%. Ndërkohë nga 1 mandat kanë marrë Fryma e Re Demokratike, PLL, PR dhe PSD.
Rezultatin e plotë për Bashkinë Divjakë e gjeni KËTU .

Në Dibër ka përfunduar numërimi për këshillat bashkiakë. Partia Socialiste ka marrë 13 mandate me 34.35%. PSD ka marrë 6 mandate me 16.57%, ndërsa BF ka marrë 5 mandate me 13.14%. Nga 1 mandat ka marrë PD me 5.11%. Po ashtu edhe FRD, PAA, PR, PLL, ADK dhe Astrit Ademi.
Rezultatin e plotë e gjeni KETU

Në Bulqizë luhet për 21 mandate këshilltarësh dhe nurmërimi ka përfunduar. PS ka marrë 9 mandate, BF ka marrë 3 mandate. PD ka fituar 1 mandat. Nga 1 mandat kanë fituar PAA, PLL, ALD, PD, LZHK, AD, KONS, PKSH, PASH.
Rezultatin e plotë e gjeni KETU

Në Klos ka përfunduar numërimi në 27 qendrat e votimit. Nga 21 mandate, PS ka marrë 6 prej tyre me 18.58% të votave. BF merr dy mandate me 8.19% të votave, AAK 2 mandate me 6.02%, 1 mandat merr PD me 4.88%. Po ashtu edhe PR, FRD, AD, ADS, PLPSH, PUK, PGJ, PKKA, PKD, PASH.
Rezultatin e plotë e gjeni KETU

Në Mat ku ka përfunduar numërimi, PS kryeson me 9 mandate dhe 30.15% të votave. BF ka siguruar vetëm 2 mandate nga 21 gjithsej që ka Këshilli Bashkiak i Matit me 8 % të votave. Një rezultat tepër i dobët. PSD është forcë e dytë dhe siguron edhe në këtë bashki 3 mandate me 11.14% të votave. PD merr 2 mandate ose 7.82% të votave. Nga një mandat marrin PAA, PDS, FRD, AAK, ADK.
Rezultatin e plotë e gjeni KETU

Në bashkinë e Lezhës, ka përfunduar votimi për Këshillin Bashkiak. Rezultati ka qenë surpriza pasi Partia Socialdemokratike ka marrë 7 mandate me 14.24% të votave. PS ka marrë 17.15% të votave ose 9 mandate. Bashkë Fitojmë ka marrë 12.93% ose 6 mandate. Ajo çfarë vihet re është se partia e Tom Doshit ka marrë më shumë vota se Meta dhe Berisha. Më pas vijon Partia Kristian Demokrate me 4 mandate, 9.44% të votave, PD me 2 mandate, 4.85% të votave. Aleanca Arbnore Kombëtare, PUK, PGJ dhe AAK secila me 2 mandate. Ndërsa PLL, PASH, PDS, PAA, FRD nga një mandat.
Rezultatin e plotë për bashkinë Lezhë e gjeni KËTU.

Në bashkinë Mirditë ka përfunduar numërimi dhe PS dhe PSD kanë ndarë nga 4 mandate secila. Konkretisht socialistët kanë siguruar 15.75% të votave dhe PSD 15.54%. BF me 9.62% ka fituar 2 mandate. Po ashtu 2 mandate kanë siguruar edhe PD me 8.98% të votave, 2 mandate dhe LZHK, FRD. Ndërsa PAA, ALD, PDIU, AAK dhe NTH kanë siguruar nga një mandat. 
Rezultatin e plotë për bashkinë Mirditë e gjeni KËTU.

Në Kurbin janë numëruar të gjitha kutitë e votimit. PS renditet forcë e parë me 9 mandate duke siguruar 21.19% të votave. BF renditet forcë e dytë me 6 mandate, 16.39% të votave. PDS forcë e tretë me 7.35% të votave dhe 3 mandate. PSD, PDIU dhe PR nga 2 mandate secila. Ndërsa PAA, PD, LZHK, PGJ, NTH, ADK kanë siguruar nga 1 mandat. Po ashtu kandidati i pavarur Diogjen Kolici ka siguruar një mandat.

Rezultatin e plotë për bashkinë Kurbin e gjeni KËTU.

Në Bashkinë e Beratit ka përfunduar numërimi për Këshillat Bashkiakë. Për 31 këshilltarë, Partia Socialiste merr 56.36% ose 20 mandate. Ndërkohë që ‘Bashkë Fitojmë’ deri tani janë në kuotat e 22.16% me 7 mandate. Partia Demokratike merr vetëm 3 mandate me 10.30%, ndërsa PDIU merr një mandat me 3.02%. 
Rezultatin e plotë për Bashkinë Berat e gjeni KËTU

Në Bashkinë e Kuçovës janë numëruar 65 nga 65 QV në total. Partia Socialiste ka marrë 51.00 % merr 18 mandate nga 31 gjithsej. Ndërkohë që ‘Bashkë Fitojmë’ deri tani janë në kuotat e 22.13 % me 8 mandate. Partia Demokratike merr 3 mandate me një përqindje prej 9.07 %. Nga 1 mandat marrin edhe PSD dhe AD.
Rezultatin e plotë për Bashkinë Kuçovë e gjeni KËTU

Në Bashkinë e Skraparit janë numëruar të 23 qendrat e votimit . PS merr 44.72% me 8 mandate nga 15 gjithsej, ndërkohë që Bashkë Fitojmë marrin 5 mandate me rreth 30%. Nga 1 mandat marrin edhe PSD me 7.86% dhe PR me 6.28%. PD nuk ka siguruar mandat.
Rezultatin e plotë për Bashkinë Skrapar e gjeni KËTU

Në Bashkinë e Dimalit janë numëruar 49 kuti. PS ka fituar 11 mandate nga 21 ose 45.4%, ndërkohë që PD merr 4 mandate me rreth 17.1%. PD zyrtare duket se rritet duke lënë pas koalicionin e Berishës që merr 3 mandate ose 11.9%. Nga 1 mandat marrin edhe PSD, PR dhe PAA. 
Rezultatin e plotë për Bashkinë Dimal e gjeni KËTU

Në Bashkinë e Poliçanit, ku PS mori një fitore të thellë me kandidatin Zotkaj, edhe në garën për këshillat socialistët marrin një përqindje të jashtëzakonshme, 71.08% duke marrë 13 nga 15 mandatet, ndërkohë që ‘Bashkë Fitojmë’ e Berisha-Meta vetëm 1 mandat me 10.32%, dhe PD 1 me 5.93%.
Rezultatin e plotë për Bashkinë Poliçan e gjeni KËTU