Një vit nga sulmi i Hamasit në Izrael, Spiropali: Dhimbje pafund për të vrarët dhe pengjet, të kontribuojmë për një paqe të qëndrueshme

Kryetarja e Kuvendit, Elisa Spiropali, në një vjetorin e sulmit terrorist të Hamasit kundër Izraelit ka bërë thirrje për paqe.

Me anë të një postimi në rrjetet sociale Spiropali shprehet se lufta që i ka marrë jetën dhjetëra mijëra qytetarëve civilë, duhet të mbarojë sa më parë.

“Sot është përvjetori i parë i një akti të shumëfishtë terrorist që goditi Izraelin, me kosto të jashtëzakonshme njerëzore; dhjetra mijëra jetë qytetarësh civilë, që janë viktimat e para të një lufte, e cila e kishte nisjen një vit më parë, por që duhet të përfundojë një orë e më herët.

LEXO EDHE:
Izraeli vijon sulmet, një vit nga ngjarjet e 7 tetorit! Hamas lëshon 4 raketa gjatë ceremonive përkujtimore! Netanjahu thërret urgjentisht Këshillin e Sigurisë

Dhembje pafund për pengjet njerëzore ende në robëri, për të vrarët dhe të dhunuarit e sulmit barbar, për viktimat e luftës dhe për pasojat gati të pakthyeshme që e bënë edhe vetë paqen e brishtë në rajon, një viktimë direkte të luftës që godet gjithëkënd!

Është koha që të bashkohemi për të kërkuar kthimin e të gjithë pengjeve si edhe të kontribuojmë për një paqe të ndershme, të qëndrueshme, gjithëpërfshirëse, që do të mund të garantonte siguri dhe stabilitet për rajonin e gjithë botën”, shkruan Spiropali në Facebook.

Xh.K/Shqiptarja.com

TAG:
• lufta ne rripin e gazes
• elisa spiropali