PD me dy rezoluta për të dënuar gjenocidin serb në Kosovë, Çollaku: Berisha po e përdor për protagonizëm politik

Kryetari i Grupit Parlamentar i Partisë Demokratik Enkelejd Alibeaj dhe grupi i ‘Rithemelimit’, kanë depozituar në Kuvend dy rezoluta të ndryshme për të njëjtën çështje, atë të dënimit gjenocidit serb në Kosovë. Në një reagim në rrjetet sociale deputeti i PD-së Kreshnik Çollaku shkruan se projekt-rezoluta e depozituar në Kuvend nga Enkelejd Alibeaj është propozuar që në 2021 nga ish-kreu i PD-së Lulzim Basha dhe vjen pas një punë të përbashkët në grup për hartimin e saj.

Për Çollakun është një betejë e paarsyeshme dhe për protagonizëm, fakti që edhe Rithemelimi depozitoi të njëjtin material për të njëjtën çështje.

Sipas Çollakut çdo protagonizëm politik është i paarsyeshëm politik është i dëmshëm. Parlamenti shqiptar thotë Çollaku duhet të votojë unanimisht Rezolutën e Dënimit të Genocdit Serb në Kosovë.

Postimi i plotë i Çollakut

Rezoluta per genocidin serb,e verteta e tekstit dhe loja per protagonizem.

Ideja e nje rezolute per te denuar e mbajtur nje qendrim te plote shteteror ndaj genocidit serb ne Kosove,u lajmerua nga korriku i 2021 dhe ne shtator po te 2021 filloi puna per draftimin e kesaj Rezolute,nga Partia Demokratike.

Mandati i ri parlamentar sapo kishte filluar dhe grupi parlamentar i PD kishte filluar pergatitjet e planit opozitar per aktivitetin parlamentar.

Pervecse hartimit te nje rezolute te tille dhe ne menyre specifike me hartimin e nje plani qe cdo aset diplomatik,cdo lidhje nderkombetare e PD te vendosej ne mbeshtetje te Kosoves dhe perpjekjeve te saj per konsolidimin e shtetit dhe mbrojtjen e pavaresise dhe sovranitetit.

Ne ate kohe Lulzim Basha kryetar i PD angazhoi dhe kerkoi nje grupi te gjere ne PD,deputete qe mbulonin marredhenie me jashte,ish diplomate,eksperte te se drejtes nderkombetare vendas e te huaj te pergatitnim nje draft rezolute per genocidin serb ne Kosove.

Materiali duhet te ishte nje dokument i plote qe tejkalonte interesin e luftes opozitare dhe te shtrihej me gjere si nje dokument qe te konsolidonte qendrimin shteteror e institucional te Republikes se Shqiperise me ate ngjarje dhe rolin e Serbise ne ngjarjet tragjike ne Ballkan.

Hartimi i nje dokumenti i tille kerkoi angazhim te plote dhe korrespondencat e dokumentuara me te gjithe hartuesit e draftit me data dhe emra ekspertesh te perfshire disponohen e jane te bollshme.

Ky material voluminoz frut i nje pune grupi ne Partine Demokratike eshte dokumenti qe kryetari i grupit parlamentar z Enkelejd Alibej ka depozituar me kryesine e kuvendit ne pritje per tu paraqitur seances per votim.

Pikerisht vetem pak ore pas depozitimit zyrtar ,i njejti material i rrjedhur nga ndonje nga antaret e grupit te punes te hartimit te draftit miqeve te “rithemelimit” ,tashme jo si kerkese grupi por si nisme e disa deputeteve u dorezua ne kryesi te kuvendit si kerkese per mocion.

Eshte e teper te them se qartesisht kjo eshte nje beteje e paarsyeshme per protagonizem e cila na vendos te gjitheve ne pozite te veshtire,edhe si hartues te draftit edhe si grup parlamentar i PD.

Kjo beteje protagonizmi brenda vetes nuk ka pse del jashte mureve te selise apo partise tone e mbi te gjitha nuk ka pse perdoret ne ceshtje qe tejkalojne interesin e PD dhe jane ceshtje te interesit kombetar.

Nuk ka asnje rendesi kush merr autoresine e draftimit te nje rezolute per Kosoven,rendesi ka qe Parlamenti Shqiptar te mbaje nje qendrim te unifikuar e vote mbeshtetese per te denuar Genocidin Serb ne Kosove.

Me kete synim,cdo protagonizem i paaresyeshem politik eshte i demshem,sikunder cdo alibi e maxhorances per ta rrezuar Projekt Rezoluten demton jo individet por baltos e shtetin shqiptar ne Denimin e Genocidit Serb ne Kosove.

Parlamenti i Shqiperise duhet te votoje unanimisht Rezoluten e Denimit te Genocidit Serb ne Kosove,si nje akt qe mbeshtetet ne te verteten historike dhe ne interesin kombetar.

Miratimi i një rezolute për dënimin e gjenocidit serb në Kosovë ka qenë një kërkesë zyrtare e Kosovës, përmes presidentes Vjosa Osmani dhe Kryeministrit Albin Kurti. Osmani gjatë vizitës në Tiranë më 17 dhjetor të vitit 2020, u ka bërë thirrje bashkëkombësve deputetë që edhe Kuvendi i Shqipërisë, ashtu si ai i Kosovës të dënojë gjenocidin serb në Kosovë. Osmani u shpreh gjatë fjalës saj se Kosova nuk mund të shpërblejë Serbinë me territore, ndërsa akuzoi këtë të fundin për gjenocid. Edhe në konferencën e përbashkët për shtyp me presidentin Ilir Meta, Vjosa Osmani kërkoi që Kuvendi i Shqipërisë të miratojë një rezolutë, ku do të dënohej gjenocidin serb në Kosovë.

"Kuvendi i Kosovës e ka miratuar rezolutën për krimet serbe në Kosovë dhe ka kërkuar që ata që e kryen gjenocidin të dalin para drejtësisë. Është krejtësisht e natyrshme që të presim që Shqipëria të jetë vendi i dytë që ta bëjë këtë, pas Kosovës,” theksoi Vjosa Osmani.

Gjatë 2 dekadave të fundit Kuvendi i Shqipërisë ka dënuar disa herë, përmes 15 rezolutave dhe deklaratave të njëpasnjëshme, krimet e përbindshme dhe gjenocidin e Millosheviçit ndaj shqitarëve të Kosovës. Se çfarë do të ndodhë me këtë propozim të PD ende është e paqartë.  (Ishte Sali Berisha i cili disa javë më parë tentoi të sajonte një kauzë të re politike, në përpjekje për dhe futur në kurth mazhorancën. Bëhet fjalë për propozimin e rezolutës nga ‘Rithemelimi’ i Berishës për dënimin e genocidit të Srebrenicës. Berisha u kujtua pas 27 vitesh për rezolutën, duke përdorur një nga masakrat më kobshme në Ballkan, për interesat e tij politike. 

M.Q./K.T./Shqiptarja.com

TAG:
• Kreshnik Çollaku
• PD
• Rezoluta 1325
• gjenocidi serb