Pesë ditë në kërkim, ende asnjë gjurmë nga Kajmaku, i biri: S'e dimë ku ndodhet

Ish-kryebashkiaku i Vorës, Agim Kajmaku vijon të jetë në kërkim nga Policia e Shtetit që prej datës 9 Nëntor. Me një vendim Gjykate Tirane e cila ka caktuar në mungesë masën e arrestit me burg, për tre vepra penale, efektivë të policisë kanë ushtruar kontrolle në dy banesat e tij në kryeqytet, njëra prej të cilave rezulton të jetë në emër të bashkëshortes së Kajmakut.

Që prej ditës së shtunë, policia ka kryer kontrolle në shtëpinë e Kajmakut në zonën e Fushë-Prezë, ku mësohet se i vetmi që është gjetur në banesë ka qenë djali i tyre, i cili i ka pohuar policisë se nuk kishte asnjë informacion mbi vendndodhjen e të atit apo nënës së tij, ku as kjo e fundit nuk është gjetur aty.

Burime pranë policisë bënë me dije se kontrolle për arrestimin e Kajmakut janë kryer edhe në banesën e ndodhur në zonën e “tregut elektrik”, në Tiranë, e cila rezulton të jetë në emër të bashkëshortes së Agim Kajmakut.

Ndërkohë, duke iu referuar të dhënave të sistemit TIMS, rezulton se ish-kryebashkiaku i Vorës nuk rezulton të ketë dalë jashtë territorit shqiptar. Agim Kajmaku, i shpallur në kërkim tashmë me vendim gjykate është nën akuzë për tri vepra penale “Shpërdorim detyre”, “Falsifikimi i formularëve” dhe “Ushtrimi i funksioneve pas dhënies fund të detyrës”.

Dyshimet e prokurorisë janë se Kajmaku ka firmosur shkarkimin nga detyra të dy n/ kryetarëve, pasi KQZ i hoqi mandatin më 1 Nëntor. Ndërsa avokati i Kajmakut pretendon se këto dy lëvizje janë bërë më 31 Tetor, siç e tregon edhe kjo shkresë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gjiza: 13/11/2019 17:21

    Eh mor kajmak po ctu desh mor djale politika ty, nje cope fshatari. Gjete ate qe kerkove si breshka. U diskretitobe, leket ti hengren dhe burgun do e hash perseri, i shpetove grekut por jo Rilindjes, tung

    Përgjigju
  • Gerti: 13/11/2019 16:06

    E turpshme per qeverine dhe Partine Socialiste qe ksndidati i tyre nuk i dorzohet drejtesise. Njelloj si kriminelet e ordinere. Kjo tregon sesa ordinere ka qene perzgjedhja e kandidateve.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Në hetim në Gjermani për trafik kokaine nga Amerika Latine, SPAK sekuestron pasuritë e Princ Dobroshit dhe Olsi Syziut në Shqipëri

Në hetim në Gjermani për trafik kokaine nga Amerika Latine, SPAK sekuestron pasuritë e Princ Dobroshit dhe Olsi Syziut në Shqipëri