Protestat/ Opozita i kërkon dorëheqjen, Hita nxjerr fotot e policëve: Me hundë e kafkë të thyer, sulme të paprecedentë! Zero lekë nga buxheti për mjetet speciale (VIDEO)

Deputeti Erald Kapri hodhi akuza klundrejt kryepolicit Skënder Hita se në protestë është përdorur ‘top akustik’ si në Serbi për të shpërndarë protestën. Sipas tij, edhe ekspertë specialë nga Serbia janë marrë për të menaxhuar protestat në Tiranë. Por akuzat u hodhën poshtë nga Kreu i Policisë së Shtetit i cili tha se janë spekulime.

Erald Kapri: A keni top akustik që është përdorur në Serbi. Ështëraportuar se ëhstë përdorur për të shpëndarë protetsuesit, i dëmton nga pikëpamja  edëgjimit dhe gjithcka tjetër. Keni marrë ekpsertë specialtë nga Serbia që iu ndihmojnë në menaxhimin e protestës.

Skënder Hita: Nuk janë të vërteta. Nuk janë përdorur dhe as nuk do përdoren. S’ka pasur asnjë punonjës policie të huaj që ka ardhur në Shqipëri dhe ka mare pjesë në menaxhimin e protestave. As topi nuk është prezent, asnjë nga keto ca thua ti. Ti vetëm do të spekulosh.

Bledi Çuçi: Mjetet janë të gjitha mjet që i lejojnë manulaet perëndimor epër proetsta të dhunshme që bëhen në të gjithë vendet perëndimore sot. Zero lekë ng abuxheti, kjo na mjafton, nëse doni informacion mund tia kërkoni me shkrim si deputet. Brenda vendeve të NATO ka bashkëpunim, jo vetëm për këtë gjë, por çdo gjë tjetër që lidhet me sigurinë.

Deputeti opozitar, Erald Kapri kërkoi dorëhqjen e kryepolicit Skënder Hita, duke e akuzuar se policia ka ushtruar dhunë gjatë protestave. Në dëgjesën për buxhetin në Komisionin për Çështjet e Brendshme, Kapri kërkoi të dinte kush e urdhëroi dislokimin e efektivëve të armatosur të RENEA-s rreth Kryeministrisë dhe nëse hetimet për dhunën e pretenduar të policëve ndaj protestuesve po shkojnë deri te zinxhiri komandues. “Ju nuk jeni drejtori i policisë së Ramës”, i tha Kapri Hitajt.

“Ju nënvizuat fjalën ‘pajisje’, duke evidentuar se policia do të ketë makina, pajisje të reja, armë të tipit ‘shotgun’ dhe pistoleta elektrike. Në menaxhimin e protestës është vënë re përdorimi i disa pajisjeve të reja, përfshirë katër botet e ujit dhe dronët mbi kokat e protestuesve, ku u hodhën edhe bomba me gaz. Sa keni shpenzuar për blerjen e këtyre pajisjeve? A janë dhuruar? Nëse po, nga kush?

Cilët janë hapat konkretë që keni ndërmarrë për aktet e dhunës nga efektivët ndaj protestuesve? A po shkojnë hetimet deri te zinxhiri komandues? Ku jeni mbështetur në ligjin shqiptar dhe në konventa kur, pasi tentoni të neutralizoni elementët e dhunshëm në protestë, policia sulet për të shpërndarë protestuesit, duke angazhuar efektivë dhe mjete të paidentifikuara? Në 62 raste, gjykata ka thënë se arrestimet kanë qenë të paligjshme. Kush e dha urdhrin që RENEA të dilte në terren me armë dhe të rrethonte Kryeministrinë?

Policia ka detyrë të mbajë rendin kushtetues. Është e mirëpajisur dhe përdorimi i forcës duhet të jetë gjithmonë proporcional. E ka për detyrë të thyejë vijën e parë të dhunshme, sepse mbron rendin kushtetues. Por çfarë ka policia me dhjetëra mijë të tjerë, që i gjurmon nëpër rrugë, i rreh dhe i çon nëpër komisariate? Më gjeni një manual në vendet perëndimore që parashikon përdorimin e kësaj dhune policore.

Ju nuk jeni drejtori i policisë së Ramës. Keni mbi supe një përgjegjësi shumë të madhe. Keni për detyrë të mbroni institucionet, por duhet të kuptoni edhe revoltën e të rinjve. Ju nuk mund t’u lëshoheni me makina pa targa dhe me oficerë që rrahin të rinjtë. Unë kërkoj dorëheqjen tuaj”, tha Kapri.

Transferimi i Erion Veliajt nga burgu i Durrësit në të Fierit është ngritur si çështje nga opozita në Komisionin e Sigurisë. Erald Kapri ka pyetur drejtoreshën e Burgjeve nëse edhe raste të tjera transferimesh janë konsideruar “sekret shtetëror” si dhe nëse ka një hetim administrativ për takimin e ministrit të Drejtësisë, Toni Gogut me kryebashkiakun.

Sadleva Bodo ia ktheu se informacionet mund t’i marrin në rrugë zyrtare, ndërsa sa për cilësimin “sekret” të urdhrit, tha se kjo bëhet “bazuar në disa ligje.” Për pyetjet lidhur me ministrin, nuk dha sqarime të mëtejshme.

Erald Kapri: Çështja Veliaj, ju keni thënë se çështja është sekret, po rastet e tjera janë sekret apo jo? A keni mbajtur shënim sipas protokolleve për ministrin e Drejtësisë në burg, dua orën dhe nëse ka shkuar në kapacitetin e tij zyrtar? Bazuar në rregulla, s’ka vizita në atë orë dhe takimi është bërë në zyrën e drejtorit, ju a po e hetoni këtë rast? Kjo vizitë e tij, pa autorizim nga SPAK, a po hetohet nga pikëpamja administrative?

Sadleva Bodo: Mund t’i drejtoheni me një kërkesë zyrtare, për të cilën do merrni përgjigje për secilën prej tyre. Ditën e premte kam firmosur 93 urdhra transferimi, çdo urdhër është kompetencë e Drejtorit të Burgjeve, me ligj. Bazuar në disa ligje, urdhri i transferimit futet në kategorinë e akteve “I klasifikuar sekret“ me afat ruajtje 10 vite.

Erald Kapri: Për Veliajn, më thatë bëni shkresë. Ju thatë se është sekret, por rolin e ministrit nuk morëm përgjigje? E kuptojmë që ai është shefi juaj, por nëse ka shkelje ligjore ju duhet të reagoni zyrtarisht të parët. Pretendohet se i paraburgosuri thotë se ka shantazh, Gogu ‘smund ta takojë pa marrë leje nga SPAK, ministri ka shkelur ligjin, ka shpërdoruar detyrën dhe ju keni vendosur që ta shkelni ligjin.