Kryeministri Edi Rama ka paralajmëruar sërish mediat duke u kërkuar që të bëjnë shumë kujdes në raportimet që bëjnë për situatën pas tërmetit, teksa Tirana, Durrësi, Lezha dhe Laçi ndodhen në gjendje të jashtëzakonshme nga dëmet që pësuan. Kreu i qeverisë u kërkon mediave që të filtrojnë informacionet, t'i verifikojnë, të menaxhonjë debatet dhe ndalonjnë klithmat.
"Apel i detyruar mediave. Gjatë periudhës së gjendjes së jashtëzakonshme të fatkeqësisë natyrore, Japonia ka masa ekstreme për mediat private, që mesa duket edhe në Japoninë e urtësisë së vjetër, paskan qenë taksirat mbi taksiratin e madh të tërmetit! Mos na detyroni të bëjmë atë që s’ua rrok imagjinata!
Filtroni informacionet dhe verifikoni ato që thoni! Menaxhoni debatet dhe ndaloni klithmat nëpër studiot tv dhe përfshihuni në qetësimin e shpirtrave të goditur më keq se banesat! Kontribuoni për të kanalizuar energjinë e jashtëzakonshme të solidaritetit mbarëshqiptar!
Kjo është koha për kurimin psikologjik të popullit që ju ndjek dhe jo për rrenat e shamatatë karakteristike të veprimtarisë së zakonshme të një pjese të madhe të sferës suaj" shkruan Rama.
Që pas shpalljes së gjendjes së jashtëzakonshme u arrestua dhe pas pesë ditësh u lirua nga qelia dhe u la nga gjykata në masën detyrim paraqitje Xhuljana Aliaj, 25 vjeçe, lindur dhe banuese në Durrës, e cila akuzohet për kryerjen e veprës penale “Përhapja e informatave të rreme që ngjallin panik”. Ndërkohë që u proceduan në gjendje të lirë edhe dy administratorët e faqes 'Jeta Osh Qef'.
Pas takimit ,e banorët në zonën e ish- Kënetës, kryeministri Edi Rama ka mbledhur shtabin e Emergjenca.
Kreu i qeverisë ditët e fundit ka hedhur akuza të forta, madje ka bërë edhe paralajmërime për të gjithë ato portale apo TV që përhapin panik, në vend që të qetësojnë njerëzit të panikuar.
Në momentin që Bledi Çuçi, drejtuesi i operacionit për gjendjen e jashtëzakonshme, Rama e ndërpret duke i thënë: Mi fik içik ato TV, se si shoh dot me sy.
Në takimin me banorët e Kënetës, një prej tyre ka kërkuar ndihmën e kryeministrit Edi Rama për të marrë kartelën mjekësore për babanë që i ka ndërruar jetë. Ai thotë se për shkak të lajmeve që kishte lexuar në media se spitali i Durrësit do të shembej, u detyrua nga frika që të merrte ambulancën dhe ta çonte drejt Beratit, por ai ndërroi jetë rrugës.
"Babai im ishte tetraplegjik. Ne e sollëm në spital, ishte në gjendje kritike. Me këto lajmet, me këto informacionet gjysmë të rreme "jo po do prishet spitali", kush se kush për të marrë një lajm për klikime marrin në qafë më shumë, dhe ne o burra ta marrim me ambulancë dhe në Berat, na ka vdekur rrugës. Andej, doktorët nuk na e hedhin arsyen e vdekjes, se thonë erdhën në gjendje të rëndë, por nuk vdiq këtu. Unë dua që të marr kartelën e vdekjes dhe arsyen e saktë. Varrimin ia kam bërë se nuk mund ta mbaja në morg, rruga tjetër është vetëm me e zhvarros", tha qytetari mes lotëve.
Për Ramën, ky është një tregues se si media me lajmet e rrema po sjellin pasoja të rënda tek qytetarët.
"Gjithë kjo histori është historia e mediave. Marrim babanë nga krevati duke iu rezistuar mjekëve mos lëvizni, se dëgjojnë se po shemben spitali i Durrësit, dhe u vdes babai rrugës. Në vend që të mendojnë dy herë kur të flasin, që t'i lënë për një fazë të dytë, por non stop nëpër portale, TV. Kriminelë. Kjo është historia". Mos shihni TV, shihni radion më mirë", tha Rama gjatë vizitës së tij në pasdien e kësaj të hëne nga Këneta.
Pas paralajmërimit të medias që të bëjë shumë kujdes me raportimet, kryeministri Rama ka sjellë një shembull konkret. Ai ka publikuar në faqen e tij një video të gjendjes së një pallati të dëmtuar nga tërmeti, për të cilin thotë se e tmerroi edhe atë vetë, por pas verifikimit nga ekspertët rezultoi se nuk ka rrezik shembje.
Postimi i plotë i kryeministrit Edi Rama
Miqtë e mi!
Shikojeni një shembull tipik se si paniku, ankthi dhe shoqja e tyre, media, mund të jenë këshilltarët më të këqinj të njeriut në këtë situatë të jashtëzakonshme emocionale, kur bëhet fjalë për të vlerësuar një godinë të goditur nga tërmeti! Ky pallat, që më tmerroi edhe mua njësoj si juve kur e pashë, u bë objekt i lloj-lloj debateve me klithma agresive në tv, me lloj-lloj postimesh kobzeza në portale, me gjithëfarë statusesh lemerisëse në fejsbuk, sot u inspektua nga ekspertët ndërkombëtarë.
Konkluzioni:
Pallati nuk ka ASNJË RREZIK SHEMBJEJE
ËSHTË PLOTËSISHT I RIPARUESHËM
(Çarja apo rënia krejt e mureve s’do të thotë asgjë, sepse fatin e një godine e përcakton struktura jo muret)
PAS RIPARIMEVE BANORËT MUND TË RIKTHEHEN QETËSISHT NË SHTËPI
Ja pra çfarë shkaktojnë paniku, ankthi dhe media, trinjakët e padurueshëm të kësaj situate, që marrin peng zemrat e mendjet e njerëzve të tromaksur nga goditja shkatërruese e Natyrës dhe Media
Komente
Lajme të tjera
-
3 vite nga tërmeti tragjik, rindërtimi ende në proces! Në Fushë-Krujë, Thumanë e Bubq familjet në shtëpitë e reja, në Krujë mbi 1100 ende me bonus qiraje
26 Nëntor 2022, 16:33
-
3 vjet nga tërmeti tragjik, Berisha: Qeveria përgjegjëse, 51 persona humbën jetën në shtëpiat e shpallura të pabanueshme! Askush pas hekurave
26 Nëntor 2022, 12:12 -
Sot 3 vite nga tërmeti tragjik, ç'ndodhi mëngjesin e 26 nëntorit që i mori jetën 51 shqiptarëve! Ambasadorja e BE: Vazhdojmë me programet e rindërtimit
26 Nëntor 2022, 08:13 -
Tërmeti i 26 nëntorit, Gjykata e Durrësit shpall të pafajshëm 4 persona! Mes tyre pronari i lokalit që dëmtoi strukturën e pallatit ku vdiqën 2 persona
7 Nëntor 2022, 09:36 -
Mbi 4700 nxënës në Durrës mësim me dy turne! 3 vite pa tërmetit, 12 shkolla ende në rindërtim, Thërmija: Tenderimi ka pasur vonesa
2 Shtator 2022, 18:43
-
Rama në Manzë, hapen dyert e 230 apartamenteve të reja për banorët që humbën shtëpinë në tërmetin e 26 nëntorit! Kryeministri: Njëlloj i qëndrojmë pranë shqiptarëve edhe në krizën e çmimeve
28 Mars 2022, 12:01 -
U dëmtua banesa nga tërmeti, për të tretin vit radhazi mungon festa e Vitit të Ri për familjen Veseli në Fushë-Milot: Edhe këtë vit e kaluam në çadër, vajza është sëmurë se fle në të ftohtë
2 Janar 2022, 14:24
-
SPECIALE/ COVID-19 dhe ekonomia, në ditarin e gazetareve Doris Sallaku dhe Eliza Gjediku
1 Janar 2022, 18:38
-
Rishikimi/ Rritet me 70 milionë dollarë buxheti për rindërtimin, shkon edhe për shkolla dhe infrastrukturën publike
7 Dhjetor 2021, 14:44
-
Banka Botërore 29.5 mln dollarë për shëndetësinë në Shqipëri, financohen spitalet e dëmtuara nga tërmeti
2 Dhjetor 2021, 12:31 -
Speciale/ Dy vjet pas tërmetit! Humbi familjen në rrënojat e Thumanës, i mbijetuari planifikon të krijojë familje të re
27 Nëntor 2021, 18:34
-
2 vite nga tërmeti, 1400 familje futen në shtëpitë e reja! U premtua të mbyllej në 2020, rindërtimi përfundon në 2022
26 Nëntor 2021, 22:36
TI QE JE EKSPERT NE EUROPE I KE PAR KUR KAN RENE TERMETET DHE SE ÇFAR SHKATERRIMESH E VIKTIMA KA PASUR O NA RROFSH TRAPIN JAN SHEMBUR EDHE ANDEJ NDERTESA E PALLATE MOS NA U HIQNI TE GJITH EKSPERT LESHI MOS LLAPNI KOT SE SJU PJERDH KUSH TRAP
PërgjigjuMarrezi, po tullat qe te bien ne koke, i mban Rama!! Kjo menyre ndertimi ka marre fund eshte e papershtateshme. Vetem ndertesa me 5 kate. Faleminderti per komentin, jam ekspert ne europe qe prej 25 vjetesh!
Përgjigju