British Fashion Awards 2014 ka mbledhur edhe një herë vipat mbi tapetin e kuq.

Eventi u mbajt në London Coliseum dhe është një nga më të rëndësishmit të kalendarit britanik të modës.

Rihanna ka tërhequr shikimet e mbrëmjes e veshur vetëm me një xhaketë të zezë të mbyllur me një kopsë duke ekspozuar këmbët e tonifikuara dhe kraharorin e saj.

26-vjeçarja ka zgjedhur një make-up minimal dhe flokët të mbledhura në majë të kokës.

rihanna

Të pranishme kanë qenë edhe vipa të tjerë si Nicole Scherzinger e cila ka mbërritur bashkë me të dashurin e saj Lewis Hamilton, së fundmi kampion i Formula 1.

Nicole nga ana saj ka shkëlqyer me një fustan me gjatësi deri poshtë gjurit në ngjyrë të bardhë dhe të tejdukshëm të dizenjuar me lule.

Dy mikeshat 19-vjeçare Cara Delevingne dhe Kendall Jenner kanë shkëlyer me veshje në ngjyra të bardha dhe make-up elegant.
Redaksia Online
(g.m/shqiptarja.com)