Drejtori i Shërbimit Zjarrfikës në Tiranë, Shkëlqim Goxhaj ka rrëfyer për Report TV betejën disaorëshe të zjarrfikësve me flakët në një biznes pranë autostradës Tiranë-Durrës, në zonën e Kasharit, të dielën që lamë pas.
Sfida e zjarrfikësve, tha Goxhaj ishte mbrojtja e bizneseve përreth të cilat rrezikonin të përfshiheshin nga flakët gjigante si dhe ulja e resë së tymit e cila i drejtohej zonave të banuara.
“Ishte një situatë jo normale, ju e patë vetë edhe nëpërmjet angazhimit që patëm. Dita e ngjarjes ishte ditë pushimi, ditë e dielë, por në trafik na mundësoi lëvizje të shpejtë. Kemi mbërritur në vendngjarje në më pak se 10 minuta. Zjarri kishte përmasa të mëdha dhe u desh angazhimi i të gjithë shërbimit të zjarrfikëses së Tiranës. Parandaluam përhapjen e zjarrit te bizneset e tjera, ishin dy subjekte që rrezikonin. Pasi u siguruam se këto dy subjekte nuk do prekeshin, kaluam në fazën e dytë për të goditur vatrën e zjarrit. Mendoj se kemi arritur në një kohë rekord që ta ulim atë re tymi dhe të eliminonim atë zjarr të fuqishëm”.
Shkëlqim Goxhaj, shef i zjarrfikëses në Tiranë
Shërbimi zjarrfikës ka gjobitur 10 biznese VIP në kryeqytet për mosmarrjen e masave kundër zjarreve.
"Në një vit shërbimi zjarrfikës ka gjobitur 20 biznese, ndërsa në 6 muaj janë 10 biznese të mëdha të penalizuara për mosmarrjen e masave kundër zjarreve.
Shkëlqim Goxhaj, Shef i Shërbimit të Zjarrfikëses në Tiranë
Krahas bizneseve të cilave inspektorati i mbrojtjes nga zjarri u ka kërkuar të marrin masa emergjente, madje “Everest” ishte penalizuar disa muaj më parë për këtë çështje, rrezik përbëjnë edhe pallatet. Tarracat e apartamenteve të zëna nga pronarët, tha Goxhaj, duhet të lirohen, për të minimizuar shkaqet dhe pasojat e rënies së zjarrit.
Subjekti i përfshirë nga zjarri në autostradë, kishte mangësi sa i takon plotësimit të kushteve?
Aty jemi me ekspertët tanë dhe ata të policisë gjyqësore për të hetuar shkaqet e zjarrit. Sa i takon masave, subjekte të tilla ne i kemi në kontroll dhe monitorim. Në këtë zonë, ky subjekt futet në kategorinë e parë të rrezikshmërisë për zjarr, prandaj edhe kemi zhvilluar kontrolle të herëpashershme. Kanë kaluar nga mbrojtja me ujë, te ajo me lëndë kimike, shkuma. Subjekti ka ndryshuar, ka marrë masa, ka fikse të cilat përdoren, por ne do ta analizojmë, sepse kemi disa muaj që e kemi penalizuar këtë subjekt. Përmasat e zjarrit nuk linin hapësirë për vetë punonjësit që të reagonin dhe të eliminonin përmasat e zjarrit. E pashë edhe vetë, mbërrita në vendngjarje dhe zjarri ishte me përmasa që nuk iu jepte mundësi punonjësve të fabrikës për të ndërhyrë në vatrën e zjarrit, madje ndërhyrja mund të ishte mjaft e rrezikshme për jetën e tyre. Fatmirësisht nuk patëm asnjë dëmtim nga jeta e qytetarëve dhe shërbimit tonë zjarrfikës.
Ka rrezik zjarri edhe për apartamentet në Tiranë?
Zjarret në bodrumet e objekteve të banimit janë shumë problematike. Ngjarje të tilla kemi çdo muaj në Tiranë. Nevojitet bashkëpunim mes administratorëve të pallateve dhe qytetarëve, me shërbimin zjarrfikës. Për ndërtimet shumëkatëshe kryesore është dalja në tarracë e cila duhet të jetë e lirë.
Tarracat janë të zëna nga pronarët...
Pikërisht, një problem është mbyllja e këtyre tarracave dhe jo shkallët. Kur kemi zjarr në një banesë, mjafton që në këto objekte të ketë dalje në tarracë. Pra, më shumë problematike me ne janë tarracat e objekteve, të cilat duhet të jenë të gjitha hapura. Edhe nëse janë të mbyllura, çelësat e tyre duhet të jenë aty. Kemi shumë shkallë që nuk kanë as ajrosje.
Lajme të tjera
-
Zjarret 'pushtojnë' vendin muaj përpara sezonit, numërohen 60 vatra, 10 vetëm në Tiranë! Drejtor i Zjarrfikësve: Të gjitha të qëllimshme, hera e parë që shoh kaq vatra në këtë periudhë
26 Mars 2022, 12:19
-
75-vjetori i zjarrfikëses, sheshi kthehet në skenë demonstrimi! Muçaj me 31 vite karrierë: Ngjarja më e rëndë, humbja e Arjan Salajt
9 Dhjetor 2021, 16:00
-
Si të shmangni zjarrin në shtëpi nga gazi! Kreu i Zjarrfikëses Tiranë, Goxhaj: Jo bombola kampingu në banesa, përdorni sinjalizues për gazin
23 Nëntor 2021, 15:27
-
Rreziku nga bombolat e gazit, drejtori i zjarrfikëses Tiranë: Shkak i 90% të zjarreve në banesa, duhen vetëm të licencuara! Ato portokalli janë për 1 përdorim, s'duhet të rimbushen
26 Qershor 2021, 07:39
-
Tragjedia mes flakëve në magazinë në Tiranë, Goxhaj për Report Tv: Sala tentoi të fikë vatrën e zjarrit! Godina respektonte masat e sigurisë, por po hetohet për materialet e magazinuara
27 Mars 2021, 11:46 -
Zjarr në magazinën e një qendre tregtare në Tiranë, roja shpëtoi 20 persona, vetë mbeti brenda! Xhaxhai me lot në sy: S'kemi asnjë shenjë, shpresat te zoti
24 Mars 2021, 17:43 -
Pandemia/ Kreu i Zjarrfikëses së Tiranës për Report Tv: Grupe të veçanta për dezinfektime, 170 punonjës në shërbim të qytetarëve (VIDEO)
11 Nëntor 2020, 16:12
-
Sot 3 vatra zjarri në Tiranë (150 në total që nga korriku)/ Kreu i Zjarrfikësve: Shumica të qëllimshme! Videon që nxori Meta e mori nga punonjësit në terren
13 Shtator 2020, 14:04 -
Zjarret pushtojnë vendin, Goxhaj thirrje qytetarëve: Të mos ndizet për asnjë nevojë, 3 pika të reja të shërbimit zjarrfikës
3 Gusht 2020, 21:11 -
5-6 vatra në ditë! Pakujdesia shkak për zjarret në Tiranë, Goxhaj: Shmangni zgarat në natyrë e djegiet e mbeturinave
16 Korrik 2020, 17:05
-
Kreu i Zjarrfikëses, Goxhaj: Shkallët e emergjencës të domosdoshme në institucionet arsimore! Ja si do certifikohen ndërtesat
28 Maj 2020, 13:55 -
COVID-19 ul rastet e zjarreve, zjarrfikëset angazhohen për dezinfektimin
3 Prill 2020, 16:56
