Koronavirusi 'mund' ish-kampionin e boksit! 61-vjeçari disa ditë më parë pësoi vdekje klinike! Shkon në 21 numri i viktimave

Renato, djali i ish- kampionit të boksit Skënder Kurti, ka gjetur forcën të shkruajë disa fjalë për babanë e tij, i cili ditën e sotme u nda nga jeta si pasojë e koronavirusit. Disa fjalë të ndjera, të dala nga shpirti, të cilat ndoshta nuk mund të përshkruajnë atë që ai ndjen në këto momente...

"Qofsh i xhenetit shoku im më i ngushtë, baba im! Zoti të mirët i merr për vete, paç dheun e lehtë, bab me ty ka vdekur edhe gjysma ime sot. S'ndahesh dot nga zemrat tona. Do jetosh me mua në krah në shpirtin tim derisa të bashkohemi", shkruan ai.

Renato ka ndjekur rrugën e babait të tij, ai është trajner i i Tiranës për moshat e vogla. Skënder Kurti humbi betejën me koronaviursin ditën e sotme. Ai luftoi deri në fund si një kampion i vërtetë, por nuk ia doli dot mban të fitonte.

Presidenti Ilir Meta i ka shprehur ngushëllimet familjarëve të ish- kampionit të boksit, Skënder Kurti i cili humbi jetën si pasojë e koronavirusit. Ikonë e sportit, e quan Meta, Kurti, i cili si një kampion prej së vërteti luftoi deri në fund me vdekjen, edhe pse kësaj radhe nuk mundit dot të triumfonte në këtë betëjë.

"Me hidhërim të thellë mësova lajmin tragjik të ndarjes nga jeta të boksierit dhe trajnerit të shquar të Ekipit Kombëtar, njërit prej ikonave të sportit kryeqytetas, Skënder Kurti! I admiruar nga të gjithë brezat e sportdashësve për rezultatet e tij në ring dhe pasionin e jashtëzakonshëm për sportin e dorezave, Ner Kurti gëzonte respektin e të gjithëve, veçanërisht të tironasve të mrekullueshëm që aq shumë e donin dhe i donte! Edhe në këto ditë të vështira i madhi Ner Kurti luftoi fort, si një kampion që nuk dorëzohet lehtë! I shpreh ngushëllimet më të sinqerta familjes Kurti, të afërmve, bashkëpunëtorëve e miqve të shumtë, në veçanti qytetarëve të Tiranës e tifozave të ngjyrave bardhë e blu për këtë humbje të pazëvendësueshme", shkruan Meta.