Shitje fiktive për 2 milionë euro, në hetim ish punonjësi i QKB e 6 të tjerë! Krijuan skemën e mashtrimit: 15 të huaj u bënë me biznes pa hyrë kurrë në Shqipëri (Emrat)

TIRANE-  Një skemë mashtrimi me fatura fiktive në vlerën e 2 mln eurove, duke i shkaktuar shtetit dëm prej 60 mln lekëve është zbuluar nga Prokuroria e Tiranës. Në hetim janë 7 persona, mes tyre një ish-punonjës së Qendrës Kombëtare të Biznesit

Sipas prokurorisë u provua se janë krijuar dhe regjistruar në mënyrë fiktive me anë të falsifikimeve, 17 subjekte tregtare, të gjitha me aksionerë administratorë dhe pjestarë bordi drejtues, shtetas të huaj. Përkatësisht 15 prej tyre nga vende si Kuba, Spanja, Germania, Kroacia, Malta, Belgjika, Italia, India, Bangladeshi.

Të 17 kompanitë kanë kryer shitje në mënyrë fiktive në vlerën 200,000,000 lekë, (gati 2 mln euro me kursit e kembit)  duke i shkaktuar një dëm shtetit në vlerën 60 mln lekë të reja.

LEXO EDHE:
Tiranë/3 menaxherët e kioskave tek sheshi “Skënderbej” marrin zvarrë, rrëmbejnë e dhunojnë 20 vjeçarin! E akuzuan se u vodhi xhiron

Jo vetëm që nuk bënë asnjë shitje, por këto kompani nuk kanë pasur asnjëherë punonjës, mjete ose adresa sekondare për të kryer punimet të cilat kanë faturuar. Nga të dhënat e sistemit TIMS, rezulton se të 15 të huajt të cilët kanë firmosur regjistrimet e subjekteve pranë QKB-së, nuk kanë hyrë në asnjë moment në Territorin e Shqipërisë. Dokumentet e dorëzuara nga këta subjekte në QKB, Banka të nivelit të dytë (mandat magesa kapitali), caktimi ekspertëve kontabël në statutet e tyre, u provua se janë të falsifikuara.

"Në total, subjektet fiktive kanë kryer shitje në vlerë 192,622,898 lekë (të dhëna nga vetëdeklarimi). Këto vlera të cilat dyshohet të jenë fiktive, janë faturuar vetëm te subjekti që operon në fushën e kromit", njofton prokuroria.

Gjykata e Tiranës ka caktuar arrest në burg për Antik Çerpjan (ekonomist), arrest shtëpie për Arlind Dukën (ish specialist pranë QKB-së Vlorë), ndërsa detyrim paraqitje Altin Abedinit, Mahmut Limanit dhe Rudebs Rexhës, Fabio Damës dhe Andrea Alias pasi prokuroria po i heton për kryerjen e veprës penale “Krijimi i skemave mashtruese lidhur me tatimin mbi vlerën e shtuar"

Prokuroria ka zbuluar dhe rolin e secilit

"Personi nën hetim Arlind Duka, ish specialist pranë QKB-së Vlorë, ka mundur të kryejë regjistrimin e katër subjekteve tregtare, me status Sh.A (shoqëri aksionere). Ndërsa ekonomisti Antik Çerpja, ka krijuar kushtet për të furnizuar subjekte të treta nëpërmjet subjekteve fiktive për të cilat ka pasur akses në sistemet e tyre si dhe dokumentacionin tatimor (blloqe TVSH)"

TAG:
• Andrea Alias
• Fabio Dama
• Rudebs Rexha
• Mahmut Limani
• Altin Abedini
• Tirane
• skeme mashtrimi
• TVSH
• QKB

Sondazhi i ditës:

A jeni dakord që personat e së njëjtës gjini të martohen ligjërisht?

• Po

  11.3%

• Jo

  85.4%

• Nuk e di

  3.3%

Vota total: 2710

Votat totale janë unike

• Sondazhi i ditës:

  A jeni dakord që personat e së njëjtës gjini të martohen ligjërisht?

  Po Jo Nuk e di