Receta

Sodanik nga zonja Vjollca

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00

Redaksia 29 Shtator 2020, 11:17 | Përditesimi: 29 Shtator 2020, 11:19

Sodanik

Përbërësit

3 kokrra vezë

LEXO EDHE:
Ndërgjegjësohen qytetarët, s’marrin antibiotikë pa recetë! Rekomandimet e mjekëve dhe farmacistëve në raste virozash: Konsumoni lëngje, shmangni kopshtet

1 filxhan çaji sheqer (150 gr)

1 filxhan çaji kos (150 gr)

100 gr gjalp ambienti

250 gr miell misri

50 gr miell gruri

1 lugë kafeje sodë

½ lugë kafeje pluhur pjekës

Kripë

Përgatitja:

Në një tas vendosim 3 kokrra vezë të plota , i rrahim ato duke shtuar sheqerin. Sapo sheqeri të tretet shtojmë kosin. E trazojmë mirë duke shtuar më pas gjalpin e temperaturës së ambientit, pak vanilje dhe pak kripë. Në një tas përziejmë miellin e misrit me miellin e grurit , sodën e bukës dhe pluhurin pjekës. Shtojmë më pas miellin e përzier gradualisht në tasin me vezë, sheqer dhe kos. E trazojmë vazhdimisht me lugë druri derisa në fund të na formohet një masë e lidhur si brumë keku. Lyejmë një tavë me pak gjalp dhe nivelojmë mirë brumin e sodanikut dhe më pas e vendosim në furrë të piqet në temperaturën 180ºC për 30 minuta.

D.M./Shqiptarja.com

TAG: