Receta

Speca turli nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 22 Tetor, 11:49 | Përditesimi: 22 Tetor, 11:50

Speca turli

Përbërësit:

4 speca në ngjyra të ndryshme
2 qepë të mëdha
5 domate të freskëta të grira
3 patate mesatare
3 thelpinj hudhër
3 lgj vaj ulliri
Borzilok të freskët
Sallam sipas dëshirës
Kripë, piper i zi

Përgatitja:

LEXO EDHE:
Lakër e furrës me oriz nga zonja Albana

Vendosim të gjitha zarzavatet (të prera në feta apo kubikë mesatare) në një tenxhere të madhe me kapak ku shtojmë vaj ulliri, hudhër, borzilok, kripë e piper. Vendosim kapakun dhe i lëmë në zjarr mesatar që të ziejnë. Zierja duhet të jetë mesatare për 15 minutat e para, më pas vijojmë me zierjen duke e zbuluar pak kapakun që të mpikset uji që lëshojnë specat. Patatet do të shpërbëhen pak duke marrë shijen e mirë të të gjitha zarzavateve. Sipas dëshirës turlisë mund t'i shtojmë dhe sallam apo suxhuk të prerë në fetëza.